Кеңістіктегі перпендикуляр, көлбеу және көлбеудің проекциясы. Геометрия, 10 сынып, қосымша материал.

Топтық жұмыс:

№1 топ. Қабырғасы 10 см ромбының сүйір бұрышы – 60⁰. Ромбының бір қабырғасы арқылы жазықтық жүргізілген. Екінші қабырғасының жазықтыққа проекциясы 8 см. Ромбының диагональдарының осы жазықтыққа проекцияларын табыңыз.

№2 топ. АВС тік бұрышты үшбұрышы берілген. АС және ВС катеттері сәйкесінше 20 см және 15 см. Үшбұрыштың А төбесі арқылы өтетін және ВС қабырғасына параллель α жазықтығы жүргізілген. Катеттерінің біреуінің осы жазықтыққа проекциясы 12 см. Гипотенузаның осы жазықтықтағы проекциясының ұзындығын табыңыз.

№3 топ. Тең бүйірлі үшбұрыштың табаны және оған түсірілген биіктігі 4м. Берілген нүкте үшбұрыш жазықтығынан 6 м қашықтықта және әрбір төбесінен бірдей қашықтықта орналасқан. Нүктеден үшбұрыш төбелеріне дейінгі қашықтықты табыңыз.

Үйге тапсырма:

Нүктеден жазықтыққа 10 см және 17 см болатын екі көлбеу жүргізілген. Осы көлбеулердің проекцияларының айырмасы 9 см. Көлбеулердің проекцияларын табыңыз.