Түзу мен жазықтықтың перпендикулярлығы. (Жаңа материалды меңгеру сабағы). Геометрия, 10 сынып, сабақ жоспары, 1 сабақ.

10.2А бөлім: Кеңістіктегі перпендикулярлық

Мектеп:

Күні:

Мұғалімнің аты-жөні:

Сынып: 10

Қатысқандар саны:

Қатыспағандар саны:

Сабақ тақырыбы:

Түзу мен жазықтықтың перпендикулярлығы. (Жаңа материалды меңгеру сабағы).

Осы сабақта қол жеткізілетін оқу мақсаттары (оқу бағдарламасына сілтеме)

Оқушылар:

10.2.7 - түзу мен жазықтықтың перпендикулярлық анықтамасын, белгісін және қасиеттерін білу, оларды есептер шығаруда қолдану;

 Сабақ мақсаттары

• түзулердің перпендикулярлығы, түзу мен жазықтықтың перпендикулярлығы ұғымдарын қайталау;
• түзу мен жазықтықтың перпендикулярлық белгісін қарастыру;
• теореманы есеп шығаруда қолдана білуге үйрету.

Бағалау критерийлері

Оқушылар:

• түзу мен жазықтықтың перпендикулярлық анықтамасын біледі;
• түзу мен жазықтықтың перпендикулярлық белгісін біледі;
• түзу мен жазықтықтың перпендикулярлық белгісін есептер шығаруда қолданады

 Тілдік мақсаттар

Оқушылар:

• кеңістіктегі түзулер мен жазықтықтардың перпендкулярлығының айырмашылығын ажыратады;

Пәндік лексика мен терминология:

• ортогональ проекция;
• екіжақты бұрыш;
• екі жақты бұрыштың сызықты бұрышы;
• жақ, екі жақты бұрыштың қыры.

Диалогқа/жазылымға қажетті тіркестер:

• екі жазықтық перпендикуляр деп аталады, егер ... ;
• екі айқас түзулердің арасындағы арақашықтық деп ... ;
• екі айқас түзулердің арасындағы бұрышты табу үшін ... ;
• түзу мен жазықтық арасындағы бұрышты табу үшін ... ;
• екіжақты бұрыш деп ... фигураны айтамыз.

Құндылықтарды дарыту

Құрметтеу, ынтымақтастық, ашықтық.

Құндылықтарға баулу жұптық және топтық жұмыстар арқылы жүзеге асырылады.

АКТ қолдану дағдылары

Интерактивті тақтаны қолдану.

Бастапқы білім

Планиметрия аксиомалары, түзулердің жазықтықта өзара орналасуы, жазықтықтағы қашықтық, көпбұрыштардың аудандары.

Сабақ барысы

Сабақтағы жоспарланған іс-әрекет

Амандасу. Психологиялық ахуал

«Қошемет сөздер»

Оқушылар шеңбер жасап, қол ұстасып тұрады. Көршінің көзіне қарап ол туралы жақсы сөз айту керек. Содан кейін ол басқа оқушыға қошемет сөздерді айтады.

Келесі сұрақтарды қойыңыз: «Жазықтықта перпендикуляр түзулер қандай түзулерді деп атайды?», «Олардың неше бірдей нүктесі бар?» Оқушыларды теориялық материалмен бейне көрсетілім көмегімен таныстыруға болады. Көрсетілім барысында оқушылардың дәптерлеріне сызбаларды орындауына және түсініктемелерді жазуына жағдай жасаңыз. Сабақта ұсынылған есептерді шешу мен рәсімделуіне назар аудартыңыз

Оқушылар сабақ тақырыбы мен оның мақсатын тұжырымдайды.

- Орындаған тапсырма мен бейне материал бойынша сабағымыздың зерттеу пәні не болады деп ойлайсыздар?

Презентация.

Бейне материал қарау.

Анықтама тұжырымдамасын дәптерге жазып алады.

Егер түзу жазықтықта жататын кез-келген түзуге перпендикуляр болса, онда ол осы жазықтыққа перпендикуляр деп айтылады.Перпендикулярлықты белгілеу үшін «⊥» түріндегі белгі қолданылады. Яғни, егер түзу γ жазықтығына перпендикуляр болса, онда қысқаша түрде c⊥γ  деп жазуға болады.

Жазықтыққа перпендикуляр түзуге мысал ретінде бөлменің екі іргелес қабырғасы қиылысатын түзуді келтіруге болады. Бұл түзу жазықтыққа және үй төбесінің жазықтығына перпендикуляр. Спорт залындағы арқанды еден жазықтығына перпендикуляр түзудің кесіндісі ретінде қарастыруға болады. 

Жұптасып, не үштікте жұмыс жасау.

• Кубтың төбелері арқылы өтетін және оның ABCD жазықтығына перпендикуляр емес түзулерді көрсетіңіз.

• A,M,O нүктелері α жазықтығына перпендикуляр түзуде жатыр,ал O,B,C және Dнүктелері α жазықтығында жатыр. Келесі бұрыштардың қайсысы тік болып табылады: ∠AOB∠ MOC∠DAM ∠DOA ∠BMO

• ABC үшбұрышында берілген: AC = 6 см, BC = 8 см, CM – медиана. C төбесі арқылы ABC үшбұрышының жазықтығына перпендикуляр CK түзуі жүргізілген, сонымен бірге CK = 12 см. KM –ді табыңыз.

Бағалау критерийлері:

• түзу мен жазықтықтың перпендикулярлық анықтамасын біледі;
• түзу мен жазықтықтың перпендикулярлық белгісін біледі;

түзу мен жазықтықтың перпендикулярлық белгісін есептер шығаруда қолданады

Жұптық жұмыс

Оқушыларға жұптарға біріктіру және дайын сызбадағы есептерді шығару ұсыныс беріңіз

Этап рефлексиясы:

•  Есеп шығару барысында қиындықтар туындады ма?
•   Атап шығыңыз.
•  Қосымша түсіндіруді қажет ететін сұрақтар бар ма?

«Синквейн» стратегиясы бойынша рефлексия өткізу. Оқушылар тақырыпқа байланысты:

-1-ші жол – бір сөз, тақырыптың аты, көп жағдайда кездесетін зат есім;

— 2-ші жол – екі сөз, сын есімдер

— 3-ші жол – үш сөз, етістік;

— 4-ші жол – төрт сөзден құрастырылған сөйлем

— 5-ші жол – синоним жазады.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Бұл бөлімде оқушылардың сабақ барысында үйренгенін бағалау үшін қолданатын әдіс-тәсілдеріңізді жазасыз

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?