Геометрия курсын қайталау. Геометрия, 7-9 сынып, сабақ жоспары.

Ұзақ мерзімді жоспар бөлімі:

Қостанай қаласындағы ФМБ НЗМ

Күні:

Сынып:

Қатысқандар саны:

Қатыспағандар саны:

Сабақтың тақырыбы:

Геометрия курсын қайталау (7-9 сыныптар).

Осы сабақта қол жеткізілетін оқу мақсаттары (оқу бағдарламасына сілтеме)

«Үшбұрыштарды шешу», «Төртбұрыштар және олардың қасиеттері»,

«Жазықтықтағы вектор», «Тригонометрия негіздері» бөлімдерін қайталау.

Сабақ мақсаттары:

«Үшбұрыштарды шешу», «Төртбұрыштар және олардың қасиеттері»,

«Жазықтықтағы вектор», «Тригонометрия негіздері» бөлімдері бойынша оқушылардың білімдерін тексеріп, толықтыру.

Бағалау критерийлері

Есептер шығарғанда Пифагор теоремасын қолданады;

Тікбұрышты үшбұрыштың ауданының формулаларын біледі;

Тікбұрышты үшбұрыштың ауданының формулаларын қолданады;

Екі вектордың скаляр көбейтіндісінің формуласын қолданады.

Дұрыс көпбұрыш пен сырттай сызылған шеңбердің элементтері арасындағы байланысты біледі.

Косинустар теоремасын есептер шығарғанда қолданады.

Тілдік мақсаттар

Оқушылар: модальды етістіктер және шартты сөз тіркестері арқылы формулаларға ауызша сипаттама бере алады. Математикалық тілде ойларын жеткізеді.

 Құндылықтарды дарыту

Ұжымдылыққа, өз бетімен жұмыс жасай білуге, тақырыптың өмірмен байланысын көрсетуге тәрбиелеу.

Жаһандық азаматтылыққа тәрбиелеу

Халықаралық деңгейдегі тапсырмаларды қарастырып, теорияны тәжірибемен ұштастыру

АКТ қолдану дағдылары

Интерактивтік құралдарды қолдану, интернет ресурстар.

Оқытудың өмірмен байланысы

Теориялық материалды талдау, өмірмен байланысын іздестіру.

Пәнаралық байланыстар

Ағылшын тілі.

Бастапқы білім

Көпбұрыштардың қасиеттері, вектор, үшбұрыштарды шешу, көпбұрыш пен шеңбердің орналасулары.

Сынып:

9

Сабақтың тақырыбы:

Геометрия курсын қайталау (7-9 сыныптар).

Сабақ барысы

Сабақтағы жоспарланған іс-әрекет

1.Оқушылармен амандасу.

2.Тақырыпты, бағалау критерийлерін анықтау.

3.Үй тапсырмасын тексеру

Оқушылар өз жұмыстарын тақтамен тексеріп бағалайды

4. Білім мен біліктілікті бекіту.

• Минитақтамен жұмыс.

А деңгейінің 7 есебін біртіндеп шығарады. Уақыт аяқталғаннан кейін (1 минут). Мұғалімнің командасымен жауаптарын көрсетеді.Соңынан өзін-өзі бағалайды. Кейбір есептер тақтада талданылады.Өткенді еске түсіреді.

5. Жұппен жұмыс

Дескриптор.Оқушылар дескриптормен танысады.Тақтада.

В деңгейінің есептерін шығарып, соңында тек жауаптарын көрші жұпқа береді.

Бірін-бірі дескрипторлар бойынша бағалайды. Әр «+»-ке 1 ұпай.

Тапсырмалар.

№8. Сызбадағы берілгендерді пайдаланып CH биіктігін табыңыз.

№9. MLN теңқабырғалы үшбұрышының қабырғасы 6 см. LM және LN векторларының скаляр көбейтіндісін табыңыз.

№10. А₁А₂….А₁₂ дұрыс он екібұрышына сырттай сызылған шеңбердің радиусы 5-ке тең . А₁ А₅ диагоналінің ұзындығын табыңыз.

Топпен жұмыс.

«Таңда да таста» тәсілін қолдану арқылы математикалық тіл дамыту мақсатында оқушылар арасында диалог ұйымдастырылады. Оқушылар 11 слайдпен жұмыс істейді:

Әрқайсысы параққа(А4) жауаптарын жазады. Парақты умаждап қар(снежок) жасайды. Бір минут аралығында қаршаларды бір-біріне лақтырады. Музыка қосуға болады.Музыка тоқтағанда алдындағы қарды алады. Оқушылар қолындағы парақта жазылған жауаптар бойынша топтарға бөлінеді. Мысалы 2,3,5 немесе2,4,5 т.с.с. Тақта алдында әр топ бір минут ақылдасып жауаптардың дұрыс-қателігін дәлелдейді.

Соңында мұғалім дұрыс жауапты көрсетеді.

7)Сабақты қорытындылар(ауызша).

Үй жұмысы

№12. BP және DK ABCD параллелограмының доғал бұрышынан түсірілген биіктіктері. P нүктесі C және D нүктелерінің аралығында жатыр, ал K нүктесі B және C нүктелерінің аралығында жатыр. BP және DK кесінділері O нүктесінде қиылысады. CKD және CPB үшбұрыштарының ұқсас екенін , ал KOB және BCD бұрыштарының тең екенін дәлелдеңіз.

№ 13. Табаны ВС болатын АВС теңбүйірлі үшбұрышына шеңбер іштей сызылған. Шеңбер АВ қабырғасын К нүктесінде жанайды. Осы шеңбердің радиусын табыңыз, егер АК=10 және ВК=15 болса.

Рефлексия/ Reflection

• I learned today …
• It was interesting …
• It was difficult …
• I realized that …
• Now I can …
• I was surprised …
• My mood …

Шаблондарды пайдаланып, оқушылардың әрқайсысына ағылшын тілінде кері байланыс жасауларын ұсынамыз.

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Әр түрлі бағалау түрлері қолданылады. Сабақта оқушылардың материалды меңгеру деңгейін тексеру үшін фронтальды, жеке және жұптық жұмыс жасайды.

Сабақ басында оқушылар қауіпсіздік техникасымен таныстырылады.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?