Гомотетия және оның қасиеттері. Геометрия, 9 сынып, сабақ жоспары.

Ұзақ мерзімді жоспар бөлімі:

9.2CФигураларды түрлендіру

Мектеп: ХББ НЗМ Қарағанды қ.

Күні:

Мұғалімнің аты-жөні:

Сынып: 9

Қатысқандар саны:

Қатыспағандар саны:

Сабақ тақырыбы

Гомотетия және оның қасиеттері

Осы сабақта қол жеткізілетін оқу мақсаттары (оқу бағдарламасына сілтеме)

9.1.4.11 гомотетияның анықтамасын және қасиеттерін білу;

9.1.4.12 гомотетия кезінде әртүрлі фигуралардың бейнелерін салу;

 Сабақ

 мақсаттары

• Гомотетия ұғымымен танысу және оның қасиеттерін қарастыру;
• Гомотетия кезінде жазықтықтағы фигуралардың бейнелерін және түпбейнелерін салу

 Жетістік

 критерийлері

Оқушылар:

• гомотетия анықтамасын біледі;
• гомотетия қасиеттерін біледі;
• гомотетия кезінде жазықтықтағы фигуралардың бейнелерін және түпбейнелерін сала алады.

 Тілдік мақсаттар

Оқушылар:

• Түрлендірілген фигураның салыну барысын сипаттайды;

Пәндік лексика мен терминология

• Фигураларды түрлендіру;
• Қозғалыс, ұқсастық;
• Центрлік симметрия, осьтік симметрия, бұру, параллель көшіру, гомотетия;
• Центрлі-симметриялы фигуралар.

Диалогқа/жазылымға қажетті тіркестер

• Нүктелер арасындағы қашықтық сақталады;
• Нүктелер арасындағы қашықтық бірдей сан есе өзгереді;
• … әртүрлі жақтарында;
• … бір жағында;
• … түзуіне ортақ перпендикулярында;
• … бірдей қашықтықта;
• фигура өз-өзіне көшеді;
• берілген фигураның симметрия осі;

О центрімен бұрышқа бұрылу.

 Құндылықтарды

 дарыту

Өздігінен ақпаратты таба алу, жағдаятты талдай алу, жаңа жағдайларға бейімделу, мәселелерді қою және оларды шеше білу, топта жұмыс істеу, өз жұмысының сапасына жауап беру, өз уақытын ұтымды пайдалана білу.

Аталған құндылықтар берілген сабақта жоспарланған жұмыстар негізінде дарытылады.

 Пәнаралық

 байланыстар

Математика тарихы, физика, архитектура, сызу, география, геодезия.

 АКТ қолдану

 дағдылары

Оқушылар презентациямен жұмыс жасай алады, АКТ жазу үшін қолданады, бағдарламалық жасақтамалар көмегімен фигуралардың түрлендіруін тексереді.

Бастапқы білім

Үшбұрыштар теңдігінің қасиеттері туралы білімі; вектор ұғымы туралы білімі; үшбұрыштардың ұқсастық қасиеттері туралы білімі. Фигураларды бейнелеу кезінде сызба әрекеттерін қолдана алу дағдысы.

Сабақ барысы

Сабақтағы жоспарланған іс-әрекет

1. Ұйымдастыру кезеңі

- оқушылардың зейінін шоғырландыруға

- оқушылармен бірге сабақ мақсаттарын/ОМ анықтап алуға

- оқушылардың «жақын даму аймағын», сабақ соңында күтілетін нәтижелерді анықтауға көңілін бөлу

Өткен сабақты қайталау. Оқушылар әр сызбаға сәйкес атауын жазып, оны анықтамасымен толықтыру арқылы парақта берілген кестені толтырады. Толтырып болған соң, оқушылар жұптарда өзара тексеру жүргізеді. Мұғалім қадағалайды, қиындық туындаған оқушыларға жәрдемдеседі.

Жаңа тақырып.

Гомотетия ұғымдарымен танысу. Анықтамалары мен қасиеттерін түсіндіру. Өмірдегі қолданысы мен байланысын талқылау. Мұғалім мысалдар мен гомотетия коэффициентіне байланысты жағдайларды түсіндіреді.

Тестік жұмыс. Оқушылар өздігімен сабақ мақсатына сәйкес 7 сұрақтан құралған тестілік жұмысты орындайды. Әр дұрыс жауапқа 1 ұпай беріледі (жалпы – 7 ұпай). Уақыт аяқталғаннан кейін мұғалім оқушылардың жауаптарын тексеріп, көпшілігі қателескен немесе қиындық туындаған сұрақтарға тоқталып, кері байланыс жасауына болады.

Жұптық жұмыс. Оқушылар жұптарда парақта берілген есептерді орындайды. Орындап болған соң, басқа жұптармен парақтарын алмастырып алып, өзара тексеру жүргізеді.

Бекіту.

Балалар! Осымен, сабағымыздың соңына да келіп жеттік. Естеріңізге түсіріңіздер:

• Қозғалыстың қандай түрлері бар?
• Гомотетияға анықтама беріңіз.
• Гомотетияның негізгі қасиеттері қандай?
• Гомотетия кезінде неге көңіл бөлу керек?

 Оқу мақсатына қайтып келіп, сабақ соңында оқушылар рефлексия жүргізеді:

Презентацияда ұсынылған суреттен әр оқушы өзінің сабақтағы іс-әрекетіне сәйкесін таңдайды.

Саралау

Қабілеті жоғары оқушыларға қосымша тапсырмалар беріледі.

Бағалау

Сабақ барысында мұғалімнің қалыптастырушылық бағалауы – мұғалім әр оқушының тапсырмаларды орындау кезіндегі блсенділігін қадағалайды.

Денсаулық және қауіпсіздік техникасының сақталуы

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?