Параллелограмм және оның қасиеттері мен белгілері. Геометрия, 8 сынып, сабақ жоспары.

Ұзақ мерзімді жоспар бөлімі:

Көпбұрыштар. Төртбұрыштарды зерттеу

Мектеп: НЗМ Семей қаласы

Күні:

Мұғалімнің аты-жөні: Чултуков Нартай Советханович

Қатысқандар саны:

Параллелограмм және оның қасиеттері мен белгілері

8.1.1.3 параллелограмм анықтамасын білу;

8.1.1.4 параллелограмм қасиеттерін қорытып шығару және қолдану;

8.1.1.5 параллелограмм белгілерін қорытып шығару және қолдану;

Оқушылар:

• параллеограммның анықтамасын білетін болады;
• практикалық жұмыстардың нәтижелерін салыстырып, талдай отырып параллеограммның қасиеттерін қорытып шығарады;
• параллеограммның қасиеттерін дәлелдейді;
• параллеограммның қасиеттерін қолдана отырып есептер шығарады;

Оқушылар:

біледі:

• параллеограммның анықтамасын, белгілерін және қасиеттерін;
• ромбтың анықтамасын;

істей алады:

• үшбұрыш теңдігінің белгілерін дәлелдеуде қолдана алады;
• параллелограммның белгілері мен қаситеттерін дәлелдей алады;
• параллелограммның белгілері мен қаситеттерін есеп шығаруда қолдана алады;

Оқушылар:

• топта жұмыс істеу кезінде теориялық материалды ғылыми тілде негіздей алатын болады;
• өзінің әрекетін сипаттап, қорытынды жасайтын болады;
• ауызша өз жауабын ғылыми тілде еркін жеткізетін болады;

Пәндік лексика және терминология:

• параллельдік, қабырғалардың теңдігі;
• төртбұрыш, параллелограмм;
• қарама-қарсы, іргелес қабырғалар;
• қарама-қарсы, іргелес бұрыштар;
• диагональдар.

Диалогқа және жазуға қажетті кейбір пайдалы тіркестер:

• Егер ... , онда ...
• Параллеограммның анықтамасы, параллеограммның белгілері.

Жұппен және топпен жұмыс жасау арқылы оқушылар өзін және өзгені құрметтеуді үйренеді. Оқушыларды ашықтыққа үйрету - оқушылардың өз деңгейлерін нақты бағалауды және оқу мақсаттарын қаншалықты игергендігін дәл айқындауды дағдыларын ұштайды.

Практикалық тапсырмаларды орындау арқылы шынайы өмірмен байланыстыру.

Үшбұрыштардың теңдігінің белгілері, параллель түзулерді қиюшымен қиғанда пайда болған бұрыштардың қасиеттері

Сабақтағы жоспарланған іс-әрекет

Ұйымдастыру кезеңі.

Тірек білімдерді белсендендіру

Оқушыларға «Қосымша 1» үлестірмесіндегі тапсырмаларды орындауды ұсыныңыз.

№3 тапсырманы. Келесі тұжырымды атаңыз: «Параллелограммның қарама-қарсы қабырғалары тең».

Жауаптың таңдаңыз:

• Аксиома
• Параллеограммның анықтамасы
• Параллеограммның белгісі
• Параллеограммның қасиеті

№3 тапсырманы жоққа шығару әдісі арқылы жауаптардың D) нұсқасы дұрыс екеніне көз жеткіземіз.

Оқушылармен бірлесе отырып сабақ тақырыбын, мақсатын және дамудың жақын аймағын айқындау.

Топтық жұмыс.

Параллеограммның қасиеттері туралы теоремалады қорытыу және дәлелдеу.

Өткен сабақта өлшеулер жүргізу арқылы қорытындылар жасалған және солардың негізінде кесте толтырылған болатын.

Оқушыларды 4-5 оқушыдан құралған әр-түрлі деңгейлі топтарға бөлу. Кестені пайдаланып параллелограмның қасиетін құрастырып шығуға тапсырма беріңіз.

Мұғалім жұмыстың орындалуын қадағалап, қиындықтар болған жағдайды көмектеседі. Сондай-ақ, мұғалім сабақ үстінде оқушылардың ойлануына және жұмысты саналы түрде орындауына жағдай жасайды.

Оқушылар параллеограммның қсиетін құрастырады. Мұғалім оқушылардың жауаптарын тыңдайды, қажетінше түзетеді. Осы тұжырымдардың параллелограммның белгілері екенін айтады. Бірінші белгі мұғаліммен бірге сыныпта дәлелденеді. Дәлелдеудің үлгісін барлық оқушыларға тапсырмамен бірге үлестіреді. Әр топ өздеріне тиісті параллелограмның белгісін дәлелдейді, тақтаның алдында сыныпқа көрсетеді.

Қосымша 2. Параллелограммның қасиеттері.

Мұғалім топтардың дәлелдемелерін тыңдайды, қажет жерлерін түзетеді. Топ мүшелерінен жұмысты қорғаған оқушыны қолдай отырып, бағалайды.

Жұппен жұмыс. Өзара оқыту.

Параллеограммның белгілері мен қасиеттерін практикалық түрде қолдану. Қосымша 3.

Топқа бөліп, топ басшыларын тағайындау. Теориялық материалды меңгеруін бағалау үшін тапсырмалар ұсыну.

Оқушылар жеке жұмыс жасайды, бірақ түсінбеген сұрақтарын сыныптасымен жұпта талқылауына болады. Тіпті қиындық тудырса, тапсырманы барлық топ мүшелерімен талқылап орындауына болады. Жауаптарын кілт бойынша өзін-өзі тексереді.

Бірін бірі бағалу: оқушылар сыныптастарының теориялық материалды және теоремалардың дәлелдеуін қаншалықты жеткізе алғандығын өздері бағалайды.

Ұжымдық жұмыс.

Оқушылар: 1) 3 есептің жауабын айтады. 2) Параллелограммның түрлерін қарастырады.

3) Барлық қабырғалары тең параллеограммға анықтама береді.

Анықтама.  Барлық қабырғалары тең параллелограмм ромб деп аталады.

Әңгімелесу. Рефлексия.

Мен не білемін ... Мен бүгін үйрендім …

Мен не істей аламын ... Мен үйреніп алдым …

Мен енді ... қабілеттімін. Мен түсіндім …

Үй тапсырмасы.

Анықтамаларды, теоремаларды және олардың дәлелдеулерін білу

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Сабақта оқытудың саралау әдісі әрдеңгейлі тпотарға бөлу арқылы көрініс табады. Оқушылар жұппен жұмыс жасау кезінде тапсырмаларды күрделілік деңгейіне байлынысты өздері таңдайды.

Сабақ барысында сызу құралдарын қолдануда қауіпсіздік ережелерін қадағалау. Оқушылардың тік отыруын қадағалау.