Үстел ойынын дайындау. Дайындамаларды өңдеу. Көркем еңбек (ұлдар), 8 сынып, дидактикалық материал.

  Сабақты ұйымдастыруға арналған әдістемелік нұсқаулық

«Үстел үсті ойындарын дайындау. Дайындамаларды өңдеу.» тақырыбына арналған сабақ «Дизайн және технология» бөлімінің жетінші тақырыбы. Сабақта оқушылар үстел үсті ойындарын техникалық және графикалық құжаттарға сүйене отырып, ойынның дайындамаларына өңдеу жұмыстарын орындайтын болады. Сабақты өткізбес бұрын үстел үсті ойындары туралы дидактикалық материалдар мен қосымша мәліметтер туралы оқып алу ұсынылады.

Сабақ зерттеу, қолдану дағдысына негізделген.

Ұйымдастыру кезеңі.

Сабақтың басында оқушылар назарын аударуға екпін жасау. Кез- келген ойын түрінде оқушылардың назарын сабаққа көңілдерін аударуға болады. Мысалы: оқушылар орындарынан тұрып, парталасымен жұптасып, бір- біріне өткен сабақта алған білімдеріне кері байланыс беру арқылы қысқаша шолу жасатуға болады. Қажет болған жағдайда жұптағы оқушылар ауысуға болады. Осыдан кейін оқушыларға сабақтың ережесін естеріне түсіріңіз.

Өткенге сабаққа қысқаша сұрақтар көмегімен шолу жасау ұсынылады. Сұрақ – жауап көмгегімен сабақтың мақсатын байланыстырыңыз.

Сабақ барысы

Презентация:....

Жаңа сабақтың тақырыбы, мақсаты, бағалау критерийлері мен термин сөздіктермен таныстырыңыз. Таныстырып болғаннан кейін дайындамаларын тазартып, өңдеу жұмыстарын жасауларына көмек ретінде арнайы талдау сұрақтарын ұсыныңыз. Талқылауға 5 минут уақыт жеткілікті.

Талдау сұрақтарынан кейін ағаш бөліктерінен қарапайым шашка ойындарының бөліктерін қалай дайындауға болатыны туралы бейнебаян көрсету ұсынылады.

https://www.youtube.com/watch?v=nzwvmJiGIr4

Бейнебаяннан кейін оқушыларға сұрақ қойыңыз.

Бейне баяннан кейін үстел үсті ойындарын ағаш материалынан дайындау туралы не білгендері туралы әңгімелесіңіз. Бұл диалог арқылы оқушылардың өз идеяларын толық жеткізуге көмектеседі. Қажет болған жағдайда түзетулер еңгізіңіз.

Керек жағдайда үстел ойындарын басқада қолда бар материалдар көмегімен қалай дайындауға болатының көрсетуге болады.

Оқушылар өткен сабақта бөлінген топ (көңіл- күй көтеретін үстел үсті ойыны, үйрету ойындары, басқатырғыш, коммуникативтік ойындар (қарым- қатынасқа арналған ойындар), зияткерлік) атаулары арқылы жұмыстарын жалғастыру ұсынылады. Тапсырманы бастамас бұрын сыныптағы оқушылардың құрал- жабдықтарын, қажетті құжаттарын және материалдарын тексеріп шығыңыз. Оқушыларға ойын элементтерін дайындауға тиімді әдіс- тәсілдерді көрсетіп, баяндап, түсіңдіріңіз.

Топтық жұмыс.

Оқушылар өз топтарында дайындаманы тазалап өңдеуге кіріседі. Сондай-ақ технологиялық картаны пайдалана отырып бөлшектерді қажетті өлшемдері бойынша аяқтап өңдейді, тазалайды.

Оқушылардың назарына материалдарды алғашқы өңдеу кезеңдерін ұсыныңыз.

Әр топқа ойынның дайындалу кезеңдерін фотосуретке немесе бейнематериалдарға түсіріп, алдағы уақытта өз таныстырылымдарына қолдануды ұсыныңыз.

Әрі қарай оқушылар технологиялық картаға сай өз беттерінше дайындамаларды келесі кезеңге дайындап орындайды. Өткен сабақта дайындаған үлгілер бойынша дайындамалар жасайды.

Оқушылар өз дайындама жұмыстарын топта талқылайды. Талқылауға 2-3 мин уақыт беру ұсынылады.

Бағалау арнайы бағалау критерийлері мен дискриптор көмегімен жүзеге асады.

Сабақтың соңында оқушылардан кері байланыс алынады.

«Талқылаудағы әріптестер» әдісі қолданылады.

 Сабақтағы қауіпсіздік ережелері

 Тәжірибе жұмысын орындамас бұрын оқушыларға құрал саймандармен жұмыс кезінде қауіпсіздік ережелерін сақтау жайлы ескертіңіз. 1-қосымшада берілген қауіпсіздік ережелерімен алдын ала таныстырыңыз.

 1 қосымша

 Көркем еңбек сабақтарына арналған қауіпсіздік ережелері:

•  жұмысты тек қана мұғалімнің рұқсатымен бастау;
•  оқытушының рұқсатынсыз оқу, жұмыс орнын тастап кетпеу;
•  құрал-саймандарды тек қажетті жағдайда ғана пайдалану;
•  бүлінген немесе өтпейтін құрал-саймандармен жұмыс істемеу;
•  жұмыс орнын таза ұстап, материалдар мен құралдарды тиімді жұмыс істеу;
•  жұмыс кезінде бөтен жаққа назар аудармау;
•  басқа оқушылардың жұмысына кедергі жасамау;
•  жұмыс бітісімен материалдар мен құралдарды өз орындарына жиып қою.