Сәндік-қолданбалы өнердегі заманауи және дәстүрлі емес материалдар. Материалдар мен құрал-жабдықтармен танысу. Көркем еңбек (ұлдар), 5 сынып, сабақ жоспары.

Пәні: Көркем еңбек (ұлдар)

Ұзақ мерзімді жоспар бөлімі: 2А – Бөлім.

Сәндік-қолданбалы шығармашылық.

Күні:

Сынып: 5

Сабақ: 45 минут

Сәндік-қолданбалы өнердегі заманауи және дәстүрлі емес материалдар. Материалдар мен құрал-жабдықтармен танысу.

5.1.6.2

Бірқатар замануи және дәстүрлі емес материалдарды білу, олардың қасиеттері мен міндеттерін анықтау.

5.2.2.1

Конструкциялық, табиғи және жасанды материалдарды өңдеу үшін қол еңбегі құралдары мен жабдықтарын анықтау, сипаттау және қолдану.

• оқушылар замануи және дәстүрлі емес материалдарды, қол еңбегі құралдары мен жабдықтарын анықтайды және біледі;
• замануи және дәстүрлі емес материалдардың қасиеттері мен міндеттерін түсінеді;
• пропорция, симметрия заңдылықтарын меңгереді;
• конструкциялық тапсырмаларды орындау барысында өз білімдерін қолданады;
• практикалық жұмыс барысында заманауи және табиғи материалдарды ажырата отырып талдау жасай алады;
• тапсырманы берілген уақытта аяқтауды яғни практикалық жұмыстың уақытын өлшеуді үйренеді, бір-бірінің жұмыстарына ұсыныстар жазады, оқушылар ұсыныстар арқылы қорытынды және нәтиже шығарады, өзара бағалау жүргізе алады.

• шығармашылық шешімдерін жүзеге асыру үшін материал таңдауға көңіл бөледі;
• практикалық жұмысты сауатты орындайды;
• алған білімін практикалық жұмыс барысында көрсете алады;

Тілдік оқыту мақсаты

Оқушылар орындай алады:

Сәндік - қолданбалы өнер түрлерін баяндайды.

Қазақтың ұлттық және басқа да этностардың халқтарының тұрмыстық ғұрып-салтын, дәстүрін, тарихын айта алады.

Бұйым жасаудағы өзгенің шығармашылдық идеясын, ойын түсіндіріп береді.

Пәндік тіл және терминология

Диалогқа/жазбаға қажетті тіркестер

Мәдениет, салт, дәстүр, ғұрып, өру, тоқу, ағаш ою, зергерлік, мүсіндеу, бедерлеу, көркем өңдеу,тоқу.

Торсық, ожау, алаша, кілем, көрпе, мүлік, ат әбзелдері. Мен ...таңдау себебі, ...

Мен бұны ... материалдан жасалғанын білдім.

Мен ... пайдалы жақтарын білемін.

Мен ... материалдар мен құралдарды қолданғанын білдім. Бұл бұйым ... ерекшеліктерден тұрады.

Іздену, зерттеу құндылығы оқушыларда мәліметті іздену кезеңінде дами түседі. Практикалық жұмыс барысында оқушылардың бойында өмір бойы еңбектену және шығармашылық құндылықтары артады. Топ ішінде жұмыс жасағанда құрмет, сыйластық құндылықтары жетіле түседі.

Бұл сабақты жаратылыстану, математика пәндерімен байланыстыруға болады. Себебі осы сабақты жаратылыстану пәнінде меңгерілетін «Дене және табиғаттағы заттар» бөліміндегі бірнеше тақырыптармен байланыстыруға болады. Қандайда бір материалды кесіп алу үшін оны есептеу қажет және нақты өлшем бойынша бекіту үшін математика пәнінің қажеттілігі де бар.

Бейнебаян көрсету үшін АКТ қолданылады.

Оқушылар сәндік-қолданбалы өнер түрлерін және ерекшеліктерін біледі. Сәндік-қолданбалы өнер түрлерін ажырата алады.

Сабақ барысы

Сабақтағы жоспарланған

іс-әрекет

Оқушылармен сәлемдесіп, түгелдеп болған соң бүгінгі сабақтың тақырыбын анықтау үшін табиғи және жасанды, заманауи материалдарының жасалу жолдары туралы миға шабуыл бейнебаяны көрсетіледі.

Бейнебаян көрсетіліп болған соң оқушылар үстел үстінде тұрған түрлі-түсті кеспе тіліктерді көздерін жұмып тұрып біртіндеп алады. Кеспе тілікте түрлі замануи және табиғи материалдардың аттары, пропорция, симметрия сөздері және кері бетінде олардың анықтамалары жазылған. (Мысалы: ағаш, ПВХ, пластмасса шыны (оргстекло), пенопласт, картон, пропорция, симметрия т.б.) Тілікті алған оқушылар біртіндеп қолдарын көтере отырып, жазылған материал атын айтып, бірақ анықтамасын оқымай алдымен өз түсініктерін айтады. Түсінік соңында анықтамасын оқушыларға оқып береді. Өз ойымен айтылған мәлімет және анықтамасы сәйкес келген оқушыларды басқа оқушылар смайлик магниттері арқылы бағалап отырады. Ол үшін тақтаға оқушылардың есімдері жазылады, бағалаушы оқушыларға екі түрлі смайлик магниттері таратылып беріледі және соны бағаланушы оқушының тұсына жабыстырады.

Кеспе тіліктің үлгісі:

Оқушылар біршама материалдармен танысып болған соң практикалық кезең үшін тапсырма беріледі.

Дифферециациялық тапсырма:

• Қабілеті жоғары оқушылар үшін:

Қазақ киіз үйінің макетін жасау. (ПВХ материалын қолданады).

• Қабілеті орта оқушылар үшін:

Қазақ киіз үйінің макетін жасау. (түрлі-түсті картон қағазын қолданады).

Тапсырма қағазға жазылып үстел бетіне қойылады. Оқушы өзінің қабілетін ескере отырып тапсырманы таңдайды.

Тапсырманы таңдап болған соң оқушыларға миға шабуыл сұрақтары қойылады.

Сұрақтар:

• Киіз үйдің макетін жасау үшін ең алдымен нені білу керек?
• Киіз үйдің құрылысы қандай?

Практикалық жұмысқа арналған бағалау критерийі:

• Киіз үйдің ерекшеліктерін және формасын ескеру.
• Киіз үйдің құрылыстарын және пропорциясын сақтау.
• Таңдап алған материалдар, түстер және текстура мен суреттер арқылы өздерінің креативті идеясын ұсыну.
• Макеттің эстетикалық көрінісі.

Бағалау критерийі интерактивті тақтада көрсетіліп тұрады.

Практикалық кезеңді бастамас бұрын оқушыларға техника қауіпсіздік ережесі ескертіледі. Кесуге арналған концелярлық пышақты, қиюға арналған қайшыны ұқыпты ұстау, желімді, сызғышты, қаламды, өшіргішті лақтырмау.

Оқушылар жеке-жеке шығармашылық кезеңді бастайды.

Практикалық кезең аяқталғаннан кейін оқушылар өз жұмыстарын парта үстіне қойып көрме жасайды.

Оқушыларға бір-бірлерінің жұмыстарын бағалау үшін стикер таратылады. Өздеріне ұнаған және бағалау критерийіне сәйкес орындалған жұмысқа стикерді жабыстырады. Стикер көп жабыстырылған жұмыстың оқушысына қолдау көрсетіледі.

Оқушыларға «Шебер» атты кері байланыс парағы беріледі.

Онда: балға суреті - «мен меңгердім», қол ара суреті - «мен білгенмін» және шеге суреті - «толықтырғым келеді» деген үш бағанға оқушылар бүгінгі сабақтан түйген ойларын жазып береді.

Бүгінгі сабақты қорыту үшін практикалық кезеңде өте жақсы, бағалау критерийіне сай орындалған киіз үй макеттерін атап көрсетемін және оқушыларға қолдау көрсетуді ұсынамын.

Келесі сабақта жаңа жылдық бет-перде жасайтынымызды ескерте отырып қажетті материалдарды өз қалаулары бойынша алып келуді тапсырамын. Нобайын орындау үшін sketchbook яғни сурет салуға арналған дәптерлерін алып келулерін ескертемін. Бет пердеге қажетті материалдар түрлі-түсті қағаз, ПВА желімі, қайшы, резіңке, газет немесе жұқа қағаз (салфетка), ермексаз.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Оқушыдан күтілетін нәтиже – тапсырманы уақытылы орындау, бағалау критерийіне сәйкес болу, шығармашылық жұмысты сауатты орындау.

Сабақ барысында оқушыларға екі деңгейдегі дифференциациялық тапсырма берілді. Қабілеті жоғары оқушылар үшін киіз үйдің макетін ПВХ материалынан орындау және қабілеті орта оқушылар үшін картоннан макет жасау тапсырмасы берілді.

Дифференциациялық тапсырманы беру кезінде оқушыларға тапсырманың жоғары немесе орта деңгейдегі тапсырма екендігі айтылмайды және оқушы тапсырманы өздерінің қабілеттеріне қарай таңдап алады.

Топқа біріктіру үшін қолданылған белсенді әдіс - «Мозайка».

Қауіпсіздік техникасы ережелерінің тармақтары:

- сызғышты, қаламды лақтырмау;

- қайшы және концелярлық пышақты ұқыпты пайдалану;

- ПВХ материалына арналған желімді ұқыпты пайдалану.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.