Халықтық пішім негізінде бұйым дайындау (Адам денебітімінен өлшем алу. Иықты бұйым сызбасын сызу). Көркем еңбек (қыздар), 8 сынып, сабақ жоспары.

Ұзақ мерзімді жоспар бөлімі:

Дизайн және технология

Мектеп:

Күні:

Мұғалімнің аты-жөні:

Сынып: 8

Қатысқандар саны:

Қатыспағандар саны:

Сабақ тақырыбы

Халықтық пішім негізінде бұйым дайындау (Адам денебітімінен өлшем алу. Иықты бұйым сызбасын сызу)

Осы сабақта

қол жеткізілетін

оқу мақсаттары (оқу бағдарламасына сілтеме)

8.1.5.2 - Әртүрлі графика тәсілдерін қолданып, бұйым дайындаудың реттілігі мен тиімді тәсілін анықтай отырып, графикалық және технологиялық құжаттар дайындау

 Сабақ мақсаттары

Оқушылар:

• иық бұйымын дайындау үшін өлшем алу ережелерімен танысады;
• қажетті өлшемдерді алады;
• таңдаған материалдарын, тәжірибелік жұмыста қажетті құрал-жабдықтарды қолданады;
• масштабта бұйымның графикалық сызбасын сызады.

Жетістік критерийлері

- өлшем алу ережесінің ерекшелігін түсінеді;

- тәжірибелік жұмысты орындау кезінде алған білімдерін қолданады;

- қажетті материалдар мен құрал-жабдықтарды қолдану кезінде қауіпсіздік ережесін сақтайды.

 Тілдік мақсаттар

Оқушылар сабақ тақырыбы бойынша арнайы терминологияны қолдануларына болады.

Оқушылар алған ақпараттарын талдап, қажеттілігіне қарай қорытынды жасайды.

Пәнге тән лексика және терминология:

Дизайндық нұсқау: идея қалыптастыру,

стиль, халықтық пішім, пішім …

Сұрақтар: этикалық, табиғи немесе жасанды былғары немесе теріні тігін бұйымдарына қолдану және үлгілерді зерттеумен байланысты.

Өнеркәсіптік жұмыстың кәсіби маманы.

Диалог және жазу үшін қажетті сөз тіркестері:

Біз мұндай материалдар қолданылған киім бұйымдары, өзекті болады деп болжаймыз, өйткені ...

Біздің идеямыз жаңартпашыл болып табылады, өткені біз жаңа матаны дәстүрлі матамен үйлестіреміз.

Мұндай материал түрін қолдану, бізге ... түсінуге көмектеседі.

 Құндылықтарды дарыту

• оқушылар арасындағы өзара құрмет, ынтымақтастыққа;
• өз отанына сүйіспеншілікке тәрбиелеу;
• азаматтық жауапкершілікке және патриоттық сезімге баулу;
• топта жұмыс жасау арқылы адалдыққа тәрбиелеу.

 Пәнаралық байланыстар

Қазақ тілі – сабақ тақырыбы бойынша қажетті сөздер мен сөйлемдер.

Бастапқы білім

Бұл үшінші тоқсанның төртінші сабағы, оқушылар ұлттық киімнің әртүрлі түрлері және стильдерімен таныс.

Сабақ барысы

Сабақта жоспарланған іс-әрекет

1. Ұйымдастыру кезеңі:

• мұғалім оқушыларды белсенді оқу іс-әрекетіне және жаңа білім алуға бағыттайды;
• «Жина» тәсілі арқылы оқу барысына ынталандыру үшін жағдай жасайды.

Оқушылар белгілі бір сөз немесе сөйлем құраулары тиіс (мұғалім ұсынған әріптер немесе сөздер бейнеленген карточкалардан).

• Мақсатты тұжырымдау

 Мұғалім сынып тақтасына оқушылардың карточкадан құраған сөздерінен сабақ тақырыбын бекітеді. Оқушылар тақырып жанына жазылған сабақ мақсатын қарастырады және оның мәнін түсіндіреді.

• Миға шабуыл

Оқушылардың кез келген тәсілмен бірнеше топтарға бірігуі қажет. Әр топқа тігін бұйымын тігуге қажетті өлшем алу үшін адам денебітімінің ерекшеліктері туралы жалпы мәтіндік ақпарат салынған конверт ұсынылады:

 Әйелдер денебітімінің типтері:

• Құм сағат – кеуде мен мықын көлемі жағынан бірдей, белі жіңішке.
• Төртбұрыш (банан) – кеуде, белі мен мықын көлемі жағынан бірдей, іші аздап шығыңқы.
• Үшбұрыш (алмұрт) – кеуде көлемі жағынан шағын, мықыны жуан.
• Төңкерілген үшбұрыш – үлкен иықты, белі жіңішке, мықыны шағын.
• Сопақша (алма) – кеуде мен мықын көлемі жағынан шағын, арқасы мен белінде майлы қабат қалыптасқан.
• Ромб – кеуде мен мықын көлемі жағынан шағын, белі жуан, бүйірінен майлы қабаты бар.

Ерлер денебітімінің типтері:

• Трапеция – кең иықты және мықыны аздап жіңішке.
• Төртбұрыш – кеуде бөлігі, белі мен мықынының көлемі жағынан бірдей.
• Үшбұрыш – иығы шағын, белі мен бөксесі жуан.
• Төңкерілген үшбұрыш – кең иықты, белі мен бөксесі шағын.
• Сопақша – иығы шағын, бөксесі өте кең емес.

Әрбір топ жұмыс кезінде танысқан жалпы жаңа ақпараттарын сыныптағы басқа топтарға таныстырады.

• Шығармашылық жұмыс

 Тігін бұйымдарын тігу үшін оқушылар өз денебітімінің ерекшеліктерін білуі тиіс. Бұл үшін қажетті әртүрлі визуалды суреттерді зерделеу қажет, өз денебітімдерінің типін анықтауға түрлі сайттарды пайдалануға болады. Оқушылар мұғалім ұсынған ақпараттық суреттерді қарастырады немесе «Пропорция калькуляторы» сайтын пайдаланады. Ол кеуде, бел, бөксе айналымының параметрі бойынша денебітім түрін анықтауға көмектеседі.

Оқушылар мұғалімнің көмегімен қажетті өлшемдерді алып, калькулятор жиегіне сәйкес енгізіп, өз денебітімінің түрін біледі.

• Жаңа ақпарат. Иықты киімдерді тігуге арналған өлшем алу тәсілдері.

Өлшем дененің оң жағынан сантиметрлік таспамен алынады, алдымен айналым өлшемдері, одан соң ұзындық өлшемдері өлшенеді.

 Жеңі тұтаспішімді бұйым сызбасын сызу үшін өлшемдер мен конструктивті қосымшалар қажет. Жеңі тұтаспішімді бұйым сызбасының құрылымына, иық айналымына (Қ и.а) және жартылай мықын айналымына (Қм) қосымша беріледі.

 Сызба қажетті өлшемдерді, белгілі бір графикалық құрылым реттілігінің есептеу формуласын қолдана отырып, сызылады.

 Сызба тік бұрыш сызудан басталады, сонан соң оның жан жағынан конструктивті кесіндіге сәйкес ұзындығы мен енін анықтайтын, жеке денебітімнің өлшемдері белгіленеді. Сызба конструкциясының барлығы тігіске және етек бүктемесіне қосымшасыз сызылады.

• Шығармашылық жұмыс (қосымша)

 Өлшемді анықтайтын әртүрлі кестелер болады. Оқушылар мұғалім ұсынған киім өлшемдері кестесімен танысып, өзінің иықты киімінің өлшемін анықтауы қажет.

Ары қарай – оқушылар қажетті өлшемдерді алады, мойын, мықын, қол, артқы бойдың белге дейінгі ұзындығы өлшемдерін жазады.

7. Тәжірибелік жұмыс

 1 кезең.

 Оқушылар жеңі тұтаспішімді иықты бұйымның сызбасын сызу кестесімен танысады және кестеге өз денебітімінен алынған өлшемдерді, есептеу формулалары мен өлшем көрсеткіштерін енгізеді.

 Қажеттілігіне қарай мұғалім сызба сызу реттілігін: сызба торы, мойын, кеуде, бүйір, етек сызықтарын көрсетеді.

2 кезең.

Иық бұйымын М1:4 масштабта орындайды, мұғалімнің көрсетуімен бірге немесе кесте бойынша өздігімен.

Үй тапсырмасы ретінде оқушыларға иықты бұйым сызбасын өз өлшеміне сәйкес, шынайы өлшемде сызып келуді ұсынуға болады.

• Бағалау

Өзіндік бағалау: Оқушылар өз жұмысын ерекшеліктерін түсіндіре отырып, бір-біріне көрсетеді.

Рефлексия

Оқушыларға қол шапалақтау ұсынылады, егер оларға сабақ ұнаса, шапалақ қаттырақ шығады, онда сабақтың қызықты болғаны.

Саралау

Бағалау

Денсаулық және қауіпсіздік техникасының сақталуы

Топта жұмысқа қабілеті жоғары оқушылар басшылық жасайды. Топ ішінде рөлді бөліп беру ұсынылады.

Өзін өзі бағалау, өзара бағалау, топта бағалау, мұғалімнің бағалауы.

Үзілісте сыныптың ауасын тазартып, желдетіп алу, сонымен қатар – әртүрлі көркемдік материалдармен және құралдармен жұмыс жасау кезінде қауіпсіздік ережесін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?

Әйел өлшемдері 

Ерлер өлшемі