Киім жиынтығын дайындау. Бөлшектерді пішу. Жекелеген бөлшектерді өңдеу. Бөлшектерді құрастыру және бұйымды өңдеу. Бұйымды безендіру. Көркем еңбек (қыздар), 7 сынып, дидактикалық материал.

Ылғалды-жылумен өңдеу.

Киімді дайындау барысында ең маңыздысы – киім бөлшектері мен киімді ылғалды-жылулық өңдеу процесі. Тігін бұйымдарын ылғалды-жылулық өңдеу – дегеніміз бұйымның бір бөлігін немесе тұтас бұйымды ылғал, жылу, қысым арқылы арнайы құралдың көмегімен өңдеу. Ылғалды-жылулық өңдеу жұмысы бұйымның тігілу сапасына көп әсерін тигізеді. Үтіктеу арқылы бұйымның формасын келтіру, әр түрлі тігістерді өңдеу, бұйымның соңғы өңделуі және жапсыру жұмыстары жүргізіледі. Ылғалды-жылулық өңдеу жұмысы тігін бұйымдарын өңдеудің жалпы уақытының бестен бір бөлігіне тең.

Үтіктеу барысында жақсы нәтижеге қол жеткізу үшін, келесі операцияларды іске асыру қажет: 1. Әрбір тігісті орындағаннан кейін, үтікпен бастырып отырса, жұмыстың кәсіби орындалуына қол жеткізуге болады. 2. Үтіктің қызуы мен матаның жоғары температураға әсерін бақылау. 3. Үтіктеу алдында, бормен немесе құрғақ сабынмен белгіленген белгілеулерді өшіріп алу керек. 4. Мата жібінің бағытымен үтіктеу, матаны созып үтіктеуге болмайды. 5. Үтікті мата бетінде ұзақ басып тұруға болмайды.

Ылғалды-жылулық жұмыс ережесі: Қиықтарды жеңіл үтіктеп, соңғы үтіктеуді көктеу тігістерін алып тастағаннан кейін орындайды. Қатпарларды алдымен оң жағынан жалпы үтіктеп алып, кейін жекке-жеке үтікпен бастырады. Бұл асықпай өте баяу орындалатын процесс. тігістерді алдымен ішінен бастырып үтіктеп алады. Мақта және зығыр матасынан тігілген киімдерді аздаған ылғалдылықпен оң және теріс жағынан да үтіктей береді. Жібек матасынан тігілген киімдерді 140 градуста ішкі жағынан үтіктейді. Ешқандай су немесе бу қолданбайды, себебі су тамшыларының ізі жібек матасынынң бетінде қалып қояды. Жүн маталарын бет жағынан дәке арқылы 180-220 градуста үтіктейді. Штапельді және вискозды маталарды 150 градус температурада үтіктейді. Сәтен матасынан тігілген бұйымдарды ылғалсыз 140 градуста киімнің ішкі жағынан үтіктейді.

Мата ақаулары