Тағамдарды жылдам әзірлеудің технологиясы. Көркем еңбек (қыздар), 6 сынып, сабақ жоспары.

Ұзақ мерзімді жоспар бөлімі:

Тамақтану мәдениеті

Мектеп:

Күні:

Мұғалімнің аты-жөні:

Сынып: 6

Қатыспағандар саны:

Сабақ тақырыбы

Тағамдарды жылдам әзірлеудің технологиясы.

Осы сабақта қол жеткізілетін оқу мақсаттары (оқу бағдарламасына сілтеме)

6.2.4.3 Жылдам орындалатын тағамдар мен десерт дайындау технологияларын білу және қолдану

6.2.4.4 Әр түрлі тағамдарды дайындау үшін азық-түліктер, құрал-саймандар мен керек-жарақтарын анықтау және таңдау

Сабақ мақсаттары

• Жылдам әзірленетін тағамдарды дайындау үшін қажетті құралдармен ингредиенттерін білу;
• Жылдам әзірленетін тағамдардың тәсілдерін қарастыру.

Бағалау критерийлері

• Жылдам әзірленетін тағамдардың ерекшеліктерін біледі;
• Салаттың құрамын анықтайды;
• Салатқа керекті ас бөлме құралдарын әзірлейді;
• Ас үй бөлмесінің ережелерін біледі және оларды ұстанады;
• Жемістер салатын әзірлейді.

Тілдік мақсаттар

Оқушылар:

• академиялық тілдік дағдыларын қолдана отырып, өзінің шығармашылық жұмыстарын орындалу үдерісінің сатылы кезеңдерін түсіндіреді (сөйлеу дағдылары) және сипаттайды;
• өзінің іс-әрекетіне және сынып ішінде таныстыру кезінде өз ойымен бөлісе алады;

Пәндік терминология

• Алма, алмұрт, апельсин, банан, киви, пышақ, тақтайша, йогурт, қаймақ, шекер, әрлеу заттары, шанышқы, шыны ыдыстар, дастархан үстіндегі тәртіп т.б;
• Ас үй құралдары, миксер, блендер, пышақ, шанышқы және т.б.

Тілдік мақсатқа байланысты талқылауға арналған сұрақтар:

• Ас үй бөлмесінің ережелеріне сүйенсек .... жасауға тиым жасалады.
• Салаттың құрамына ... .
• Салатты жақсату үшін .... .
• Мен үшін салаттың ... маңызы зор деп білемін.
• Мен үшін ... қызықты деп білемін.

Құндылықтарды дарыту

Өзіне және өзгелерге құрмет

Оқушылар мен мұғалім бір-бірімен амандасады. Негізгі ұғымдарды талдау кезінде мұғалім мен оқушылардың және оқушылардың бір-бірінің пікірімен алмасып құрмет көрсетуі.

Еңбек және шығармашылық

Жұптық және топтық жұмыс жасауда бірігіп еңбек етеді, оқушылар жаңа идея ұсынады.

Пәнаралық байланыстар

Тарих, География.

АКТ қолдану дағдылары

Тақырып бойынша қажетті ақпараттарды іздеу, өңдеу.

Презентация жасау барысында АКТ құрылғыларына жүгіну және топта/жұпта бөлісу.

Бастапқы білім

Жартылай дайын өнім туралы түсінік қалыптастыра отырып, олардың адам ағзасына жағымды және жағымсыз жақтарын өзара салыстырды. Жартылай орындалатын тағамдардың жасалу жолдары мен технологияларымен таныстырып, керекті құралдардың көмегімен практикалық жұмыстарын суреттеді.

Сабақ барысы

Сабақтағы жоспарланған іс-әрекет

Ұйымдастыру кезеңі.

Мұғалімнің амандасуы, оқушылардың сабаққа қатысуының тексеру.

• Альбомның бір бұрышына қазіргі көңіл-күйлеріңіздің символының суретін салыңыз? Қандай көңілмен сабаққа келдіңіздер?

Сабақтың тақырыбы мен оқу мақсатын анықтау.

(С) Экспресс тест

Сұрақтарға жауап бер:

• Тамақ әзірленетін орын қалай аталады? (Асхана, Асүй)
• Адамның ағзасына қажетті қандай құнарлы заттар қажет? (ақуыз, май, көмірсулар, минеральды тұздар және дәрумендер)
• Адам ағзасындағы дәрумендердің рөлі қандай? (жүйке-жүйесінің нығаюына әсер етеді, адамның жалпы жағдайын жақсартады, ағзаның жұқпалы ауруларға тосқауылын күшейтеді)
• Қандай дәрумен өсу дәрумені болып табылады?(А дәрумен)
• С дәрумені қандай азық-түлікте көбірек? (қырыққабат, лимон, қара қарақат, пияз және сарымсақ, итмұрын)

(С) Оқушыларға практикалық тапсырмаға кіріспес бұрын қауіпсіздік техникасының ережелері туралы еске салыңыз.

Өткір құралдарды қолдану барысында:

• Өткір құралдарды пайдалану барысында абай болыңыздар (пышақ, қайшы)
• Пышақ, шанышқыны біреуге беру кезінде ұшы сізге қарай бұрылып тұруы тиіс
• Көкөністер мен нанды турау барысында кесудің дұрыс ережесін сақтаңыздар.
• Көкөністер мен нанды турау кезінде азық-түлік турайтын тақтаны қолданыңыздар.
• Тамақты әзірлеуге кіріспес бұрын міндетті түрде қолды тазалап жуыңыз.

(Т) Оқушылардың практикалық жұмысы.

Көкөністен/жемістен жасалатын салат.

Мұғалім қауіпсіздік техникасының ережелерінің дұрыс сақталуын қадағалайды.

Жұмысты орындау кезеңдері.

• Көкөністерді алғашқы өңдеуден өткізу.
• Турау.
• Салатты тұздау, дәмдеуіштерін салу.
• Салатты әсемдеу

Топтар таныстырылымға дайындалады. Үстелді жабдықтайды. Әзірленген тағамдардың дәмін тату. Бірін-бірі бағалау.

Критериалды бағалау.

Бірін-бірі бағалау.

Оқушылар топтарға жұлдызшалар тағады:

• Тағамның дәмі үшін;
• Салатты әсемдеу;
• Үстелді жабдықтау.

Қорытындылау.

Рефлексия:

• Топта қандай адамды белсенді деп таптың? Өзіңнің таңдауыңды дәлелде.
• Сабақта қандай ақпарат сен үшін жаңа болды?
• Жылдам әзірленетін тағамдар ағзаға пайдалы ма? Неліктен?

Бағалау – оқушылардың материалды меңгеру деңгейін қалай тексеруді жоспарлайсыз?

Оқушылар өз жұмыстарын тақтада берілген жетістік критерийлер арқылы бағалайды.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?