Әртүрлі бұйымдарды шалма бізбен тоқу. Интерьерге арналған бұйым. Көркем еңбек (қыздар), 6 сынып, дидактикалық материал.

 Сабақты ұйымдатыруға арналған әдістемелік нұсқаулық

 Сабақ тақырыбы: "Әртүрлі бұйымдарды шалма бізбен тоқу(мойын орағыш, үшкіл орамал, бас киім және т.б.)".

 Оқу мақсаты:

6.2.6.1.

 Қауіпсіздік техникасын қадағалап, оның маңыздылығын сезіне және демонстрациялай отырып, материалдар мен құралдарды қолдану

 Қажетті материалдар мен құрал-жабдықтар

 Тоқыма жіптері, шалма біз, ілмекті біз, синтепон, түйме, жіп - ине және т.б.

 Сабақ барысы

 Бұл сабақта оқушылар шығармашылық жұмыстарын жасауды жалғастырады. Практикалық жұмыс бірнеше сабаққа созылғандықтан оқушыларға тәжірибелік күнделік жүргізуді ұсынамыз. Оқушылар сабақтың басында қысқамерзімді берілген сұрақтарға жауап берген соң, сабақтың соңында тағы бірнеше сұрақтарға жауап беру арқылы өз өздерінің жұмысына бағалау жүргізе алады. Бұл сабақ практикалық тапсырмалардың соңы болып табылады. Бұл сабақта оқушылар бірнеше сабақ қатарынан тоқып жатқан бұйымдарын аяқтауы қажет.

 Сұрақтарға жауап бер.

 Қызықты тақырыптардың бірі интерьерді заманауи тоқыма бұйымдарымен әсемдеу. Әдетте тоқыма бұйымдары тек адамның киім-кещегі болуы мүмкін деген ой қалыптасқан болатын. Бірақ бүгінгі күні интерьерді тоқылған бұйымдармен әсемдеу сәнге айналған. Презентацияда берілген сұрақтарға жауап беру арқылы оқушылар интерьерді тоқылған бұйымдармен әсемдеудің үлгілерімен танысады. Ол үлгілер әрқилы болуы мүмкін. Мысалы, жастық, плед, сағат, тіпті картина, қорапшалар және т.б.

Ірі шалма бізбен тоқылатын плед тоқудың әдіс-тәсілерін қарастыр.

 Бұл тапсырмада оқушылар презентация мен дидактикалық материалдарда берілген тапсырмаларды орындайды.

 Оқушылар эксперимент жүргізіп, шалма біздің көмегінсіз қолмен шарф немесе өзге кішігірім бұйым тоқи алады. Қазіргі таңда қолмен ірі ілмекпен тоқылған бұйымдар сән болып келеді.

 ЕСКЕРТУ: Бұл сабақта берілген плед және т.б. интерьерге арналған бұйымдарды тоқу әдіс-тәсілдері үлгі, нұсқа болып табылады. Оқушылар нобайда көрсетілген бұйымдарын тоқуды жалғастыра береді.

 Келесі сабақ бұйымдарды әсемдеуге арналғандықтан оқушыларға түйме, бисер, ленточкалар және т.б. әсемдеуге арналған заттар алып келуін сұраңыз.

 Бағалау:

 Бағалаудың өзін өзі бағалау әдісі іске асады. Себебі оқушылар шығармашылық жұмысты атқару барысында рефлексивті күнделік жүргізеді. Рефлексивті(тәжірибелік) күнделік жүргізу кезінде сұрақтарға жауап беріп, сабақта атқарылған жұмыстарға баға беріледі.

 1 қосымша

 Қауіпсіздік техникасы

1. Жұмыс орны жақсы жарықтандырылған болуы керек.

2. Орындық арқасы сүйеніп, тік отыру қажет.

3. Тоқу кезінде арқасы бар орындықта басты сәл иіп отырады.

4. Шалма біздің ұшы қауіпсіз, шектелген болуы керек.

5. Тоқып жатқан жайма бүлінбеуі үшін және қолда иірімжіптің қиқымдары қалмас үшін тоқып бастағанда және аяқтағанда қолды жуу керек.

6. Жұмыс соңында барлық құрал-жабдықтар жәшікке жинап салу керек.

 7. Шалмабізді қорабымен алып жүру қажет.

 Көркем еңбек сабақтарына арналған қауіпсіздік ережелері:

•  жұмысты тек қана мұғалімнің рұқсатымен бастау;
•  оқытушының рұқсатынсыз оқу, жұмыс орнын тастап кетпеу;
•  құрал-саймандарды тек қажетті жағдайда ғана пайдалану;
•  бүлінген немесе өтпейтін құрал-саймандармен жұмыс істемеу;
•  жұмыс орнын таза ұстап, материалдар мен құралдарды тиімді жұмыс істеу;
•  жұмыс кезінде бөтен жаққа назар аудармау;
•  басқа оқушылардың жұмысына кедергі жасамау;
•  жұмыс бітісімен материалдар мен құралдарды өз орындарына жиып қою.

 Бізбен жұмыс жасау кезінде –

•  бізді дұрыстап ұстауды үйрен;
•  жұмысты астына тақтайша қойып жаса;
•  тесікті бізді қатты баспай оңға, солға бұрау арқылы жаса.