Көркемдік кестемен бұйымды безендіру. Көркем еңбек (қыздар), 5 сынып, сабақ жоспары.

Оқушылардың сабаққа деген қызығушылықтарын ояту үшін слайд шоу көрсетіліп, бізкестенің түрлері туралы, сәндік –қолданбалы өнер жайлы айтылады. Слайд-шоу көрсетіліп болған соң, бүгінгі өтілетін тақырыппен оқу мақсатының қандай екендігін біліп алу үшін «Джиксо» деген белсенді оқыту әдісін қолданып,сабақтың тақырыбымен мақсатын ашып аламыз.Бұл белсенді оқыту әдісін қолдану үшін, 1-2 деп санау арқылы, оқушыларды екі топқа біріктіріп аламыз. Біріктірудегі негізгі мақсат,оқушылардың топпен жұмыс жасаудағы дағдыларын дамыту. Джиксо әдісінің тәртібі бойынша, бүгінгі тақырыпты негізге ала отырып, мәліметпен жұмыстарының суреттері баспадан басылып, әрбір сурет белгілі –бір бөліктерге кесіп алынып, кеспе қағаздар оқушылардың назарына ұсынылады.Олар топта берілген материалдарды оқып шығып, мәліметті рет ретімен құрастырады,әр топтан бір оқушы шығып, өз версияларын ұсынып, сосын өз түсініктерін айтып береді.Бүкіл сынып болып, қол шапалақтау арқылы оқушылар бағаланып, қолдау көрсетіледі.Сосын осы іс-әрекеттер жүрген соң, сабақтың тақырыбымен мақсатына оқушылармен мұғалімдер бірге келеді.

Сабақ тақырыбы: Көркемдік кестемен бұйымды безендіру.

Осы сабақта қол жеткізілетін оқу мақсаттары:

* Шығармашылық идеялардың көркем көрінісі және жасау технологиясы

*Өз идеялары мен сезімдерін беру үшін қоршаған ортаның визуалды элементтері мен өнердің көркем тәсілдерін қолдану.

*Шығармашылық жұмыстар мен бұйымдар дайындау үдерісінде қазақтың ұлттық мәдениет элементтерін пайдалану.

Оқу мақсаттары айтылып болған соң,міндетті түрде қауіпсіздік ережелері айтылады:

• Құрал –жабдықтармен мұқият жұмыс жасау;
• Сабақ барысында қолданатын заттарды бір-бірне лақтырмау;
• Ережеге сай жұмыс жасау;

Жеке жұмыс: Ары қарай шығармашылық жұмыс жасау үшін, оқушылар мақта матасынан жасалынған, ақ түсті беторамал алып келеді, сол орамалдың бетіне оқушылар кестемен жұмыс жасайды.

1.Өз қиялынан бір өрнектің нобайын жасайды;

2.Нобайды салуда симметрия заңдылығын ұстанады;

3.Салынатын дүниені форматта дұрыс орналастырады;(А4 )

4.Салынған өрнекті беторамал бетіне дұрыс орналастыралды;

5.Жібектен немесе мақтадан жасалынған кестеге арналған жіптермен кестелеп шығады;

6.Қауіпсіздік ережесін ұстанады;

Осы критерийлер бойынша оқушылар жұмыс жасайды.Сосын бағалау процессі жүреді. Бағалау парағы сабақ жоспарына сай алдын-ала дайындалады. Сабақтың басында әрбір оқушыға беріледі және сабақ барысында өзін-өзі бағалау керектігін ескертеді.Бағалау + белгісімен немесе *белгісімен белгіленеді. Сабақтың аяғында жинаған жалпы бағасы шығарылады. Соған байланысты оқушының тапсырманы қаншалықты орындағандығын білуге болады.

Оқушының аты – жөні____________ сыныбы_______ тобы__

Жалпы баға:

Дифференциациялық тапсырма бұл сабақта паралеллді түрде жүреді. Өйткені,әрбір бала өзінің қиялынан туған өрнекті жасауы керек. Олай болатын болса, оқушының жалпы сыныппен, жас ерекшелігіне қарай берілетін тапсырмаға қарамай, әр оқушынң ізденіс жұмысы әртүрлі болады. Құрылысы күрделі, түстік шешеімі әртүрлі түстерді үйлестіріп кестелесе осы тапсырма бойынша баланың деңгейі жоғары болғаны.Ал, егер құрылымы онша күрделі емес бірнеше иірімнен ғана тұратын нобай болса, онда деңгейі төмендеу деген сөз:

Оқушылардың жасаған жұмыстары шамамен төмендегі суреттерге ұқсас болады

Дифференциациялық тапсырма осы шығармашылық жұмыс барысында жүзеге асады.Оқушылар күрделілігі әртүрлі тапсырмалар орындағандықтан, талантты және дарынды балдармен де жұмыс көрініс табады. Жасалынып болған шығармашылық жұмысты оқушылар жұпта бағалайды.

Оқушылар бұл тапсырманы жұпта бағалайды..

Бағалауға қойылатын талаптар:

• Жақсы, мықты тұстарын айту;
• Сын айтқымыз келсе, көмектесу мақсатында ұсыныс,сұрақ ретінде айту;

Кері байланыс «Екі жұлдыз –бір тілек» әдісі арқылы сабақтың ұтымды тұстарымен келесі сабақта жақсартуға болатын тұстарына ұсыныс жаза алады, А4 форматында.

Қорытындылау мақсатында мұғалім жалпы сабаққа кері байланыс береді. Оқушылардың жасаған әр-бір іс-әрекеті жайлы айтып, сол бойынша мадақтау жасайлды немесе үлгерімі нашар, төмен оқушы болатын болса сол оқушы сабақтан тыс уақытқа қосымша сабаққа шақырылып, қамтылмаған оқу мақсаттары қамтылуы тиіс.