Театр өнері. Таныстырылым. Көркем еңбек, 3 сынып, презентация.

5 Бөлім «Өнер»

Оқу мақсаттары

Сабақ мақсаттары

3.3.3.1

Өз жұмысының (эскиз, бұйым және т.б.) негізгі идеясын және үдерісін арнайы терменологияларды пайдаланып таныстыру

• Жасалған жұмысты (бетпердені) бағалайды, талдайды, ұсыныстар жасайды;

• Бетперделерді қолданып кішігірім қойылым жасау;

Жасалған сәндік бетперделерді бір жерге жинаңыздар. Оқушылармен бірге оларды қайта қарап шығыңыздар. Әр масканың қандай мақсатта жасалғаның, қандай кейіпкер ролін сомдайтының анықтаныздар.

Сұрақтар:

Бұл кімнің немесе ненің бетпердесі?

Бұл бетперде қандай кейіпкерді сомдайды?

Жасалған бетпердені тағы қалай толықтыруға болады?

Тапсырма №1:

Оқушылар бірнеше топқа бөлініп, қысқа қойылым дайындайды, немесе бүкіл сыныппен үлкен бір қойылым жасауларына болады. Ашық образдарды сомдау арқылы өз бетперделерін таныстырады.

Іс-әрекеттің жүйелілігі:

• Оны қалай жасауға болатынын топта немесе жұп болып ойланып, талқылаңыздар.

• Қойылымға қандай оқиға ойлап табар едіңіз?

• Қандай қосымша атрибуттар немесе заттар қажет болатынын ойланыңыздар.

• Кішігірім қойылым жоспарын қойыңыз және қажетті жағдайда оны скетчбукке жазып алыңыз.

• Бірігіп жасаған жұмысыңызды басқа топқа көрсетіңіз және олардың алдын ала айтылған пікірлерін тыңдап алыңыз.

Тапсырма №2:

Оқушылар өз бетперделерімен кішігірім қойылымда ойнай отырып, өздерінің жұмыстарын көрсетеді.

Кішігірім қойылымды аяқтағаннан кейін оқушылар қойылым нәтижесін, бетперделерінің жасау барысын, қолданылған материалдар мен сәндік элементтерін талқылайды.