Менің ежелгі ата-бабаларым. Дүниетану, 4 сынып, сабақ жоспары.

Пән: Дүниетану

Ұзақ мерзімді жоспар бөлімі:

3 бөлім: «Мәдени мұра»

Күні:

Сынып: 4

Мектеп

Модератор: Сейтахметова Ж.М.

Қатысқандар саны:

Қатыспағандар саны:

Сабақ тақырыбы

Менің ежелгі ата-бабаларым

Осы сабақта қол жеткізілетін оқу мақсаттары (оқу бағдарламасына сілтеме)

4.3.2.1 түрлі дереккөздер негізінде қазақ халқының шығу тарихын түсіндіру

Сабақ мақсаттары

Оқушылар

- қазақ халқының шығу тегін әр түрлі деректерден ақпарат ала отырып түсіндіреді;

-сақтардың, ғұн және түріктердің қазақтармен байланысын анықтайды.

Бағалау критерийлері

Оқушылар:

-сақтарды, ғұндарды, андроновтарды сипаттайды;

- қазақтар және олардың ата-бабалары арасындағы байланысты табады;

-бірнеше көздерден алынған деректерді пайдаланады.

Тілдік мақсаттар

Оқушылар:

- қазақ халқының шығу тегін әр түрлі деректерден алынған ақпаратты пайдалана отырып түсіндіру;

- сақтар, ғұндар, түріктер және қазақтар арасындағы байланыс туралы пайымдайды;

Терминология:

• Қола дәуірі
• Андронов тайпалары
• Темір дәуірі

Талқылауға арналған сұрақтар:

- Сақтар мен ғұндар деген кім?

-Қазақ халқы қалай қалыптасты?

Жазуға арналған сұрақтар:

• Андронов тайпалары адамдарын сипаттау.

Құндылықтарды дарыту

Қазақстандық патриотизмді дамыту, өз халқының тарихына деген қызығушылығын арттыру, ұлттық сана-сезімді қалыптастыру.

Пәнаралық байланыстар

Қазақ тілі: сөйлеу дағдысын дамыту

Алдыңғы меңгерілген білім

Оқушылардың өмір салты, тұрмыс-тіршілігі, ежелгі адамдардың дәстүрлері, сақтар мен ғұндардың ежелгі тайпаларының жетекшілері туралы білімдерін қамтиды. Оқушылардың еліміздің тарихи оқиғаларының хронологиясы туралы түсініктері бар. Картаны оқи алады, шартты белгілермен таныс.

Сабақ барысы

Сабақта жоспарланған іс-әрекет

• Кіріспе тапсырма

- Бір сөзбен атаңдар:

сақтар, ғұндар, сарматтар, үйсіндер, түріктер.

Оқушылар өздерінің білімдеріне сүйене отырып, идеялар айтады. Жұмыс фронтальды жүреді.

• Сабақ мақсатын анықтау (ұжымда)
• Сабақ тақырыбы мен мақсаты жайлы оқушылардың болжамдары айтылады.
• Сабақ мақсаты ұсынылады:

- қазақ халқының шығу тегін әр түрлі деректерден ақпарат ала отырып түсіндіреді;

-сақтардың, ғұн және түріктердің қазақтармен байланысын анықтайды.

• Қола дәуірі (топпен)

- Оқулықтағы мәтінді оқыңдар.

-Жоспарды пайдалана отырып, андроновшылар туралы айтып беріңдер.

Оқушылар мәтінді оқиды, жоспар бойынша сұрақтарға жауап табады, Андронов тайпалары туралы ауызша әңгіме құрастырады.

• Анықта (жеке)

-Андроновшылардың сыртқы сипатын баяндаңдар.

- Андронов адамдары қазақ ұлтының өкілдеріне ұқсай ма?

Оқушылар портреттік мінездеме жасай отырып, қажетті мәліметтерді жазып, өз бетінше жұмыс істейді.

Бағалау критерийлері:

- оқушылар андронов тайпасын сипаттайды;

- бірнеше көздерден деректерді пайдаланады;

- алынған ақпаратты жинақтап, сұраққа жауап бере алады.

• Тарихи фактіні келтір(жұппен)

-Бірнеше ақпарат көздерін қолдана отырып, сақтар мен ғұндар туралы айтып беріңдер.

Оқушылар халықтардың бірі туралы әңгіме құрастыра отырып, жұппен жұмыс істейді. Алынған ақпаратты постер түрінде рәсімдейді.

Бағалау критерийлері:

-оқушылар сақтар мен ғұндарды сипаттай алады;

-қазақтар және олардың ата-бабалары арасындағы байланысты таба алады.

• Сипатта (топпен)

-Картаны зерделеңдер.

-Сақтар, ғұндар, түріктер және қазақтар арасында ортақ не?

- Неліктен түріктер көк бөріні құрметтеген?

- Көк бөрінің қандай қасиеттерін бағалаған?

Оқушылар оқулықты пайдалана отырып, сұрақтарға жауап табады. Топпен жұмыс істей отырып, түріктердің қасқырды құдірет тұтуын түсіндіреді.

«Уақыт сызығы» әдісі(жеке)

-Халықтар мен тайпалардың пайда болу ретін анықтаңдар.

Оқушылар сабақта алған білімдерін бекіте отырып, кезеңдерді ретімен қойып шығады.

Бағалау критерийлері:

- оқушылар тарихи кезеңдерді дұрыс анықтай алады.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға ақпаратты іздеу үшін көптеген дереккөздерді ұсыну. Сабақтағы тапсырмаларды орындау кезінде қабілеті төмен оқушылар үлгі жауаптарға сүйенеді.

Бағалау және кері байланыс беру сабақтың өн бойында жүріп отырады.

Өзара бағалау және өзін-өзі бағалау әдістері қолданылады.

"Уақыт сызығы" стратегиясы сабақ бойынша қорытынды жасауға, алған білімдерін жинақтауға және жүйелеуге мүмкіндік береді.

Сабақ тақырыбы бойынша оқушылардың білімін бағалаңыз:

- Сақтар мен ғұндар туарлы не білесің?

- Андронов тайпалары қандай ғасырда өмір сүрді?

-Олардың қазақ халқына қандай қатысы бар?

Оқушылар сынып бөлмесінде қозғалу барысында қауіпсіздік техникасын сақтау, жазбаша тапсырмаларды орындау кезінде иықты тік ұстауды бақылау.