Жауапкершілікті өз мойныма аламын. Дүниетану, 4 сынып, сабақ жоспары.

Пән: Дүниетану

Ұзақ мерзімді жоспар бөлімі:

2 бөлім: «Құндылықтар»

Күні:

Сынып: 4

Мектеп

Модератор: Сейтахметова Ж.М.

Қатысқандар саны:

Қатыспағандар саны:

Сабақ тақырыбы

Жауапкершілікті өз мойныма аламын

Осы сабақта қол жеткізілетін оқу мақсаттары (оқу бағдарламасына сілтеме)

4.1.2.1 мектептің өзін-өзі басқару ұйымына мүше болу жолдарын түсіндіру

4.1.2.2 оқушылар арасындағы көшбасшыға тән тұлғалық қасиеттерді анықтау

Сабақ мақсаттары

Оқушылар

- мектептің өзін-өзі басқару ұйымына мүше болу жолдарын түсінеді;

- оқушылар арасындағы көшбасшыға тән тұлғалық қасиеттерді анықтайды.

Бағалау критерийлері

Оқушылар:

- мектептің өзін-өзі басқару құрылымында әрбір министрлік немен айналысатынын анықтай алады;

- өзін-өзі басқару ұйымының қатарына кіру үшін қажет шарттарды анықтай алады;

- көшбасшының жеке қасиеттерін анықтай алады.

Тілдік мақсаттар

Оқушылар:

- мектептегі өзін-өзі басқарудың рөлі туралы айтады;

- мектептің өзін-өзі басқару мүшесі болу жолдарын түсіндіреді.

Терминология:

• Өзін өзі басқару ұйымы

Талқылауға арналған сұрақтар:

-Көшбасшы қандай қасиеттерге ие болуы керек?

- Өзін-өзібасқару не үшін қажет?

Жазуға арналған сұрақтар:

• «Қалай көшбасшы болуға болады?» ой толғау жазу

Құндылықтарды дарыту

Белсенді азаматтық ұстанымды түсіну қалыптасады, өзбеттілік пен жауаптылыққа ұмтылады, көшбасшылық дағдылары дамиды.

Пәнаралық байланыстар

Қазақ тілі: байланыстырып сөйлеу дағдыларын дамыту

Алдыңғы меңгерілген білім

оқушылардың мектеп, қоғам, мемлекет басқарудағы Президенттің рөлі туралы білімдерді қамтиды.

Сабақ барысы

Сабақта жоспарланған іс-әрекет

• Кіріспе тапсырма «Ассоциация»
• «Өзін өзі басқару» және «көшбасшы» сөздеріне ассоциация жазыңдар.

Оқушылар өз бетімен ұсынылған сөздерге ассоциацияларды тақтаға, кезекпен шығып (нұсқалар бойынша) жазады. Өз жұмыстарын, "үш шапалақ" әдісімен бағалайды.

• Сабақ мақсатын анықтау (ұжымда)
• Сабақ тақырыбы мен мақсаты жайлы оқушылардың болжамдары айтылады.
• Сабақ мақсаты ұсынылады:

-мектептің өзін-өзі басқару ұйымына мүше болу жолдарын түсіну;

- оқушылар арасындағы көшбасшыға тән тұлғалық қасиеттерді анықтау.

• Ойлан (топпен)
• Ересектерсіз қандай мәселелер мен істерді өзің шеше алатыныңдарыңды ойлап, жазыңдар.

Оқушылар топпен жұмыс істейді, сұрақтар мен істер тізімін жасайды. Содан кейін топтар кезек бойынша өз идеяларын оқиды, оларды тақтада көрсетеді.

• Байқап көр (топпен)

- Оқулықтағы мәтінді оқыңыз.

- Іс-шара дайындау бойынша әр топ – штаб болып саналады. Іс-шара сәтті өту үшін не істеу керек екенін талқылаңдар.

- Кестеге негізгі қадамдарды жазыңдар.

-Не туралы келісу қиын болды?

- Өз жұмыстарыңды бағалаңдар.

Оқушылар топпен жұмыс істейді. Алдымен мәтінді оқып, содан кейін іс-шараны дайындау бойынша тапсырманы орындайды. Бағалау "Бас бармақ" әдісімен жүргізіледі.

5. Болжап көр (жұппен)

-"Көшбасшы" және "өзін-өзі басқару"сөздеріне ассоциативті қатарларды салыстырыңдар. Ортақ белгі бар ма?

- Осы сөздер арасындағы байланысты түсіндіріңдер.

- Оқулықтағы мәтінді оқыңдар.

- Мектептің өзін-өзі басқару сызбасын қарастырыңдар.

- Мектептегі өзін-өзі басқарудың әрбір құрылымдық бірлігі немен айналысатынын айтып беріңдер.

- Мектептің өзін-өзі басқару мүшесі қалай болуға болады?

Оқушылар жұптасып жұмыс істейді, сұрақтарды талқылайды. Кестеде өз идеяларын көрсетеді.

Бағалау критерийлері:

-оқушылар көшбасшының жеке қасиеттерін анықтайды;

- оқушылар мектептің өзін-өзі басқару құрылымында әр министрлік немен айналысатынын анықтайды;

- өзін-өзі басқару ұйымының қатарына кіру үшін қажетті шарттарды анықтайды.

• «Өзін өзі басқару орталығы»жобасы (топпен)

-Өзін-өзі басқару орталығының жобасын дайындаңдар: атауы, қызметтері, қатысушылар құрамы, іс-шаралар, жұмыс кестесі

Оқушылар топта оқулықтағы кестені қолдана отырып, жоба әзірлейді. Дайын болған жобалар сыныпқа таныстырылады. Топтар "Сэндвич" әдісін пайдалана отырып, бір-бірін бағалайды.

2 минуттық эссе «Қалай көшбасшы болуға болады?»

Оқушылар тапсырманы жеке, дәптерде орындайды. Кейбір оқушылар өз эсселерін сыныпқа оқи алады.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға топ жұмысын бағалауды, пікір беруді ұсынуға болады. Берілген министрліктерге арналған Өзін-өзі басқару құрылымы бойынша кестені толтыру. Рефлексия кезеңінде шығармашылық тапсырма – "Мен қандай көшбасшымын"тақырыбында эссе ұсынуға болады.

Бағалау және кері байланыс беру сабақтың өн бойында жүріп отырады.

Өзара бағалау және өзін-өзі бағалау әдістері қолданылады.

"2 минуттық эссе" стратегиясы сабақта алған білімдерін жинақтауға, өзінің көшбасшылық қасиеттеріне баға беруге мүмкіндік береді.Сабақ өзін-өзі басқару және көшбасшылық туралы түсініктерді дамытады.

Сабақ тақырыбы бойынша оқушылардың білімін бағалаңыз.

- Мектептің өзін-өзі басқару ұйымын кім басқарады?

- Көшбасшы қандай қасиеттерге ие болуы керек?

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.