Су бар жерде ырыс бар. Дүниетану, 3 сынып, сабақ жоспары.

Ұзақ мерзімді жоспар бөлімі:

7-бөлім «Су- тіршілік көзі»

Мерзімі: 4-тоқсан

• Модератор: Сейтахметова Ж.М.

Сынып: 3

Қатысқандар:

Қатыспағандар саны:

Сабақ тақырыбы

Су бар жерде ырыс бар

Осы сабақта қол жеткізілетін оқу мақсаттары (оқу бағдарламасына сілтеме)

3.2.2.1 Жер климатының негізгі түрлерінің сипаттамаларын анықтау

3.2.3.1 табиғи жағдайларға байланысты адамдардың қоныстандыруын талдау (рельеф, климат, өсімдіктер мен жануарлар дүниесі, су объектілері)

Сабақ мақсаттары

Оқушылар

- Жер климатының негізгі түрлерінің сипаттамаларын анықтайды;

- табиғи жағдайларға байланысты адамдардың қоныстануын түсіндіреді.

Бағалау критерийлері

• судың ерекшеліктерін, қасиеттерін анықтайды;
• Жер климатының негізгі түрлерін сипаттайды;
• жауын–шашын көп болатын климаттық белдеуді анықтайды;
• суды қорғау ережелерін құрады.

Тілдік мақсаттар

Оқушылар:

- климаттың негізгі түрлерін сипаттайды.

Терминология:

• Су
• Су объектілері

Талқылауға арналған сұрақтар:

- Қазақстанның қандай тартымды туристік су объектілерін білесіңдер?

Жазуға берілетін тапсырма:

- «Су-тіршілік көзі» тақырыбына эссе жазу.

Құндылықтарды дарыту

Табиғатқа үйлесімділік – адам мен табиғат арасындағы өзара байланысты, судың тіршілік үшін маңыздылығын түсіну.

Сыйластық – бір-бірінің жауабын мұқият тыңдау барысында көрініс табады.

Пәнаралық байланыстар

Қазақ тілі: байланыстырып сөйлеу дағдыларын дамыту;

Жаратылыстану: судың қасиеттері

Алдыңғы меңгерілген білім

Оқушылар 1 сыныпта « Дені саудың- жаны сау» тарауында су ресурстарының адам өміріндегі қолданылуын, 3 сыныпта «Жанды табиғат» тарауынан климаттың негізгі түрлерін, табиғи жағдайларға байланысты адамдардың әркелкі қоныстануын біледі.

Сабақ барысы

Сабақта жоспарланған іс-әрекет

• Starter «Молекула» топқа бөліну стратегиясы (ұжымда)

Оқушылар сыныптың бос алаңына шығып, молекулалар сияқты бейберекет қозғала бастайды. Біраз уақыттан соң мұғалім 1-ден 6-ға (сыныптың бала санына орай) дейінгі сан жазылған тақтайшаны көрсетеді немесе айтады. Сол санға байланысты оқушылар топтасулары тиіс.

Ойынның соңында 3 топ құрылуы тиіс:

1) Зерттеушілер

2) Экологтар

3) Географтар

Молекула туралы ақпарат беріліп, «су» ұғымына шығу керек.

• Сабақ мақсатын анықтау (ұжымда)
• Сабақ тақырыбы мен мақсаты жайлы оқушылардың болжамдары айтылады.
• Сабақ мақсаты ұсынылады:

- Жер климатының негізгі түрлерінің сипаттамаларын анықтайды;

- табиғи жағдайларға байланысты адамдардың қоныстануын түсіндіреді.

• «Картаға саяхат» тапсырмасы (жұппен, ұжымда)

Дүние жүзінің физикалық картасымен жұмыс.

Талқылауға арналған сұрақтар:

- Картадан не көріп тұрсыңдар?

-Басым бөлігі қандай түспен боялған?

-Бұл нені білдіреді?

Тапсырманы картадағы көк түс арқылы жер шарының басым бөлігін судың алып жатқанын айтып қорытындылайды.

• «Өкіл» стратегиясы (топта, ұжымда)

Оқушылар 3-топ болып жұмыс жасайды:

1-топ «Зеттерушілер»: Судың қасиеттерін зерттеп, деректер жинап, дәлелдер келтіреді (тәжірибелермен).

2-топ «Экологтар»: Судың тіршілік үшін маңыздылығын зерттеп, суды қорғау ережелерін құрады.

3-топ «Географтар»: климаттың негізгі типтеріне сипаттама беріп, қай белдеуде жауын-шашын көп болатынын анықтайды.

Әр топтың өкілдері топтарға кезекпен барып, постердегі материалды түсіндіреді. Түсіндіруден кейін, ұжымда талдайды, қорытынды шығарады.

Бағалау критерийлері:

• судың ерекшеліктерін, қасиеттерін анықтайды;
• Жер климатының негізгі түрлерін сипаттайды;
• жауын–шашын көп болатын климаттық белдеуді анықтайды;
• суды қорғау ережелерін құрады.

• Сергіту сәті (жұпта)

Сергіту сәті, оқушылардың көңіл-күйін дамытуға арналған жаттығу орындау ұсынылады.

• «Дөңгелек үстел» стратегиясы бойынша пікір алмасу (топта)

«Ол кім? Бұл не? Су - тіршілік көзі» бейнематериалы (00:00-2:00-ке дейін көрсету) көрсетіліп, пікір алмасу дөңгелек үстел басында өтеді.

Пікір алмасу сұрақтары:

• Қасқыр мен қызыл телпек не жайында сөйлесті?
• Қызыл телпек неліктен «су тіршілік көзі» деп айтты?
• Адамдар неге судың жағалауына демаулға барады?
• Тұщы су мен ащы су үлесі қандай?
• Су болмаса қалай өмір сүрер едік?
• Өмір сүру қай жерде қолайлы?
• Өсімдіктер сусыз өсе ме?

Тапсырма соңында мұғалімнің жетекшілігімен оқушылар су бар жерде халықтың тығыз қоныстанатынын, өсімдіктердің көп өсетіндігі жайлы қорытындыға келеді.

Бағалау критерийлері:

• судың ерекшеліктерін, қасиеттерін анықтайды

Рефлексия «Ақылды жаңбыр» (жеке)

Оқушылар шеңберге тұрады. Олар білімді тамшылар. Ортада Бұлт ана (мұғалім немесе көшбасшы оқушы) тұрады. Музыка ойнаған кезде тамшылар, Бұлт ананы айналып билейді. Музыка тоқтаған кезде, тамшылар тоқтап, Бұлт ана кезекпен олардан қандай да бір сұрақтар қойып, не білгендерін сұрайды.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушылар «Өкіл» стратегиясында топтарда көшбасшылық танытуларын ұсыныңыз, топты басқарып, бағыт бағдар беріп тұрады, сондай-ақ рефлексияда «Бұлт ана» болуға бір оқушыны тағайындасаңыз болады.

Оқуда кедергісі бар оқушыларға «Дөңгелек үстел» стратегиясына қосымша мәліметтер беруге болады. Барлық оқушылар үй тапсырмасы ретінде «Су-тіршілік көзі» тақырыбына эссе жазып судың тіршілік үшін маңыздылығының толық ашып көрсетулері керек.

Бағалау және кері байланыс беру сабақтың өн бойында жүріп отырады.

Сабақ барысында барлық стратегиялар бойынша оқушыларға өз-өздерін бағалауға арналған кесте беріледі, олар сол параққа бағаларын қояды.

«Ақылды жаңбыр» рефлексиясында тақырып бойынша сұрақтарға жауап беру әр оқушының білім деңгейін байқатады. «Су-тіршілік көзі» тақырыбына эсседе судың тіршілік үшін маңыздылығының толық ашылуы бағаланады

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.