Мен жергілікті жердің сұлбасын жасаймын. Дүниетану, 3 сынып, сабақ жоспары.

Ұзақ мерзімді жоспар бөлімі:

4-бөлім «Сәулет өнері»

Мерзімі: 2-тоқсан

Сынып: 3

Мектеп

Модератор: Сейтахметова Ж.М.

Қатысқандар:

Қатыспағандар саны:

Сабақ тақырыбы

Мен жергілікті жердің сұлбасын жасаймын

Осы сабақта қол жеткізілетін оқу мақсаттары (оқу бағдарламасына сілтеме)

3.2.1.2. Масштабты сақтап, шартты белгілерді пайдалана отырып, жергілікті жердің сұлбасын сызу.

Сабақ мақсаттары

Оқушылар

• шартты белгілерді пайдалана отырып жергілікті жердің сұлбасын сызады.

Бағалау критерийлері

-масштаб және шартты белгілерді біледі;

- кем дегенде 4 шартты белгіні пайдаланып, масштабты сақтап мектеп ауласының сұлбасын сыза алады.

Тілдік мақсаттар

Оқушылар:

- сұлба мен картаның айырмашылығын түсіндіреді.

Терминология:

• Жергілікті жердің сұлбасы
• Масштаб
• Шартты белгілер

Талқылауға арналған сұрақтар:

- Масштаб дегеніміз не?

- Жергілікті жердің сұлбасы дегеніміз не?

- Шартты белгілер дегеніміз не?

Жазуға берілетін тапсырма:

- Масштаб пен шартты белгілерді пайдаланып, мектеп ауласының сұлбасын сызу.

Құндылықтарды дарыту

Ынтымақтастық – топтық бірлескен жұмыста көрінеді.

Пәнаралық байланыстар

Математика: Оқушылар масштабты қолданады (1 сантиметр100 метрге тиесілі).

Бейнелеу өнері: оқушылар жергілікті жердің сұлбасын сызады.

Алдыңғы меңгерілген білім

Жергілікті жерді бағдарлау түсінігін біледі. Жергілікті жерді белгілеріне қарап және тұсбағдардың көмегімен көкжиек тұстарын анықтай алады.

Сабақ барысы

Сабақта жоспарланған іс-әрекет

• «Мәселені шешейік» тапсырмасы (топта)

Әр топқа заттар және А4 парақтары таратылады. Оқушылар «Қағаз бетіне заттарды қалай орналастуға болады?» деген мәселенің шешімін табуы керек.

1 нұсқа: затты фотосуретке түсіріп, кішірейтілген суретін қағаз бетіне желімдеу керек;

2 нұсқа: заттың көлемін бірнеше есеге кішірейтіп, соның бейнесін қағаз бетіне түсіру керек.

Қай нұсқа дұрыс? Өз нұсқаңды ұсын. Топтағы оқушылар осы қойылған мәселенің шешімін табуға тырысады. Барлық жауап нұсқалары талданып, қорытынды жасалынады.

• Сабақ мақсатын анықтау (ұжымда)
• Сабақ тақырыбы мен мақсаты жайлы оқушылардың болжамдары айтылады.
• Сабақ мақсаты ұсынылады:

-шартты белгілерді пайдалана отырып, жергілікті жердің сұлбасын сызу.

• «Салыстыр және қорытынды жаса» тапсырмасы (ұжымда)

Оқушыларға слайдтағы екі суретті ұсыныңыз: сурет және сұлба.

Суреттерді салыстырып, оқушылар дұрыс атау беру керек. Оқушылардан «сурет» және «сұлба» ұғымдарына анықтама берулерін сұраңыз. Оны оқулықтағы мәтінмен салыстырыңыз. «Масштаб» деген ұғымды еңгізіңіз.

«№1 практикалық жұмыс» (жұппен)

Оқушылар мектеп партасының сұлбасын сызып көреді. Ол үшін оларға жұмыс алгоритмі беріледі. Тапсырманы жұппен орындайды.

Бағалау критерийлері:

• Масштаб пен шартты белгілердің не екенін біледі;
• Масштаб дұрыс есептелген және жазылған;
• Сызықтар ұқыпты және түзу сызылған.

• «Салыстыр» тапсырмасы

Топографиялық картамен жұмыс, онда жергілікті жердің түрі жоғарыдан беріледі, осы жердің суреті, әуеден жасалған суреті және сұлбасы беріледі.

Мұғалім жергілікті жердің сұлбасын түсіндіріп береді.

Жергілікті жердің картасы мен сұлбасымен қатар қояды. Ортақ белгілерін анықтайды: масштаб және шартты белгілер бар.

Оқулықта берілген шартты белгілерді талдаңыз. Оқушылардың осы тапсырма бойынша қорытынды жасауларын сұраңыз.

• Туристің жол бағыты (топта)

Оқушылар карточкадағы тапсырмаға сәйкес туристің жолын салу керек. Жол бағыттары сызылғын парақтарды топтар сағат тілімен бір-біріне беріп тексереді. Тапсырманың қорытындысы шығарылады.

• Практикалық жұмыс «Мектеп ауласының сұлбасын сызу»

Оқушылар шартты белгілерді (ағаштар, соқпақ жолдар, бұталар, жеміс бағы және т.б), 1см:100м масштабты пайдаланып, мектеп ауласының сұлбасын сызады. Талдап, қорытынды жасайды.

«Галереяны шарлау» әдісі арқылы ең үздік жасалған мектеп ауласының сұлбасы таңдалынады. Ең үздік деп нақты және толық, мазмұны жағынан түсінікті сызылған сұлбалар танылады.

Бағалау критерийлері:

• кескінді дәл және толығымен сыза алады;
• шартты белгілер (4-тен кем емес) дұрыс пайдаланылған;
• масштабты дұрыс сақтаған (1см: 100м);
• ұқыпты және көрнекі жасалынған.

Рефлексия (жеке):

Оқушылар кестені толтырып, мұғалімге өткізеді:

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға, өздері жасап отырған картадағы жергілікті жердің адамдарының кәсіптерін тереңірек зерттеуді ұсынуға болады. Сол кәсіптің, маманның еліміздің өндірістік дамуы үшін қаншалықты маңызды екенін дәлелдеу қажет.

Бағалау және кері байланыс беру сабақтың өн бойында жүріп отырады.

«Салыстыру» тапсырмасы «Бас бармақ» стратегиясына сәйкес бағаланады (жоғары қаратса – бәрі түсінікті, ортаға көрсетсе - сұрақтар бар, төмен қаратса - көмек қажет). Практикалық жұмысты бағалауда бағалау критерийлері қолданылады. Оларды алдын-ала оқушылармен талдап алыңыз. Бұл сабақтағы рефлексия сабақ мазмұнына байланысты және сабақ мақсаттарына жету деңгейін көрсетеді.

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.