Өз шығындарыңды қалай жоспарлайсың? Дүниетану, 3 сынып, қосымша материал.

Сабақты ұйымдастырудағы әдістемелік нұсқаулар

• «Кіріс-шығыс» тапсырмасында отбасылық бюджетті үнемдеу арқылы табиғи ресурстарды да үнемдеуге болатындығына назар аударту керек. Мысалы: суды үнемдеп пайдалану табиғаттағы су қорын сақтауға мүмкіндік берсе, ал электр энергиясын үнемдеу жылу энергия көзін үнемдеуге мүмкіндік береді.

• «Тиімділігін анықта» тапсырмасында ұстаз коммуналдық шығындарды үнемдеу отбасылық шығынды үнемдеуге септігін тигізетініне көз жеткізеді. Егер оқушылар түбіртек әкеле алмаса (ауылдық жер/ онлайн төлем т.б. себептермен) кез-келген коммуналдық мекеменің түбіртегімен өзіңіз қамтамасыз етіңіз. Көшірмесін жасап оқушыларға таратыңыз.

• «Ассоциация құру» тапсырмасы

Ассоциация үлгісі (қарапайым):

Ассоциация үлгісі (күрделі):

https://www.psychologos.ru

• Рефлексияға арналған тапсырманы оқушылар жеке орындайды. Ол үшін дидактикалық материалдағы таратпа парақ үлестіріледі. Жазар алдында 1 минут тыныштықта көз жұмып, бүгінгі сабақта барлық үйренгендерін ой елегінен өткізуге мүмкіндік беріледі. Парақтар толтырылғаннан кейін ұстаз жинап алып, сараптама жасауы тиіс. Қорытындысын келесі сабақты жоспарлауда қолдану керек.

• Негізгі ұғымдар:

Отбасылық бюджет - отбасы табысының белгілі бір уақыттағы кірісі мен шығысы.

Кіріс – бұл еңбегіңе қарай төленген айлық табыс немесе жинақталған материалдық құндылық.

Шығыс – күнделікті қажеттілікке жұмсалған қаражат.