Өз шығындарыңды қалай жоспарлайсың? Дүниетану, 3 сынып, сабақ жоспары.

Ұзақ мерзімді жоспар бөлімі:

2-бөлім «Адамгершілік»

Мектеп:

Мерзімі: 1-тоқсан

Модератор: Сейтахметова Ж.М.

Сынып: 3

Қатысқандар:

Қатыспағандар саны:

Сабақ тақырыбы

Өз шығындарыңды қалай жоспарлайсың?

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.4 Өз шығындарын жоспарлау және негіздеу

3.1.1.5 өз шығындарын оңтайландыру жолдарын ұсыну

Сабақ мақсаттары

Оқушылар

• өз шығындарын жоспарлайды және негіздейді;
• өз шығындарын оңтайландыру жолдарын ұсынады;

Бағалау критерийлері

• өз шығындарын жоспарлай алады;
• шығындарды оңтайландыру жолдарын ұсынады;
• Отбасылық бюджетті үнемдеу жолдарын көрсетеді

Тілдік мақсаттар

Оқушылар:

• тиісті сөздік қорды пайдалана отырып, отбасы бюджеті туралы әңгімелейді.

Терминология:

• Отбасылық бюджет
• Шығыс, кіріс
• Бюджетті жоспарлау

Талқылауға арналған сұрақтар:

• Отбасылық бюджет неден құралады?
• Бюджетті жоспарлау деген не?

Жазуға берілетін тапсырма:

• Отбасылық бюджет кестесін толтыр

Құндылықтарды дарыту

Азаматтық жауапкершілік – өз шығындарын жоспарлау, отбасы бюджетін үнемдей білуге үйрену арқылы жүзеге асады.

Сыйластық – отбасы мүшелерінің бір-бірін қолдауын, көмек көрсетуін түсіну арқылы жүзеге асады.

Пәнаралық байланыстар

Экономика: бюджет, кіріс-шығыс ұғымдары

Алдыңғы меңгерілген білім

Оқушылардың отбасы құндылықтары туралы білім негіздері бар. Өзінің отбасындағы тұтыну заттарына деген қажеттіліктердің құрылымын ,олардың қайдан келетінін анықтай алады.

Сабақ барысы

Сабақта жоспарланған іс-әрекет

Ресурстар

• Топқа бөліну

Оқушыларға отбасы құндылықтары (кез-келген 4 құндылық) жазылған картокалар ұсынылады. Әр оқушы бір карточкадан алып, бірдей атауы жазылған өзге оқушыларды табады. Бірдей атауы жазылған карточка иелері бір топқа жинақталады.

• «3сөйлем» стратегиясы (топта)

Әр топ карточкада жазылған құндылықтың маңызы туралы 3 сөйлеммен айтады.

• «Жасырын сурет»

Оқушылар суретте не жасырынғанын анықтайды. Болжамдарын айтады. Дәлелдейді.

Жауабы: АҚША

• Қалай ойлайсыңдар, бүгінгі сабағымыз не туралы болмақ?
• Ақша туралы не айтқыларың келеді?
• Біздің төл ақшамыз қалай аталады?

Оқушылардың жауаптары талқыланады.

• Сабақ мақсатын анықтау(ұжымда)
• Сабақ тақырыбы мен мақсаты жайлы оқушылардың болжамдары айтылады
• Сабақ мақсаты ұсынылады:

-өз шығындарын жоспарлау және негіздеу;

- өз шығындарын оңтайландыру жолдарын ұсыну;

(дидактикалық материалға қараңыз)

Слайд №3

• «Ассоциация» стратегиясы (жеке, топта, ұжымда)

«Отбасы бюджеті» сөзіне топтастыру жасалады, ұжымда талдау жасалады.

• «Кіріс» дегеніміз не?
• «Шығыс» дегеніміз не?
• «Отбасылық бюджет» дегеніміз не?

Оқушылардың жауаптары тыңдалады, қажеттілігіне қарай түзетулер мен толықтырулар енгізіледі.

• «Кіріс-шығыс» тапсырмасы (жұпта)

Бір оқушы «кіріс» сөзін, бір оқушы «шығыс» сөзін таңдап алады. Осы сөздерді пайдаланып, бюджет тапшылығы және өз шығындарын үнемдеу жолдарына мысалдар келтіреді. Бюджетті қалай толықтыруға болатыны жайында талдау жүргізіледі.

Бағалау критерийлері:

• өз шығындарын жоспарлай алады

• «Тиімділігін анықта» (топта)

Оқушыларға алдын ала электр жарығының 3 айға төленген түбіртегін алып келу тапсырылады.

• Топ оқушылары 3 айға электр жарығына төленген түбіртекті салыстырып, «шығынның» арту/кему себебін анықтайды немесе болжам жасайды.
• Оқушылар электр жарығының айлық кестесін құрады.
• Өз отбасындағы электр жарығын үнемдеудің тиімді жолдарын ұсынады.
• Нақты мысалдар келтіріп, дәлелдейді.

Бағалау критерийлері:

• Шығындарды оңтайландыру жолдарын ұсынады

• «Сенің өз отбасындағы бюджетті үнемдеудегі рөлің қандай?» (жеке)

Оқушыларға алдын ала отбасы мүшелерінің табыс көзін (жалақы мөлшері жобамен) жазып келу тапсырылады.

-Балалар, қалай ойлайсыңдар, отбасылық бюджетті үнемдеу үшін не істеу керек?

-Отбасылық бюджетті үнемдеуде «кіріс» пен «шығыстың» қайсысы маңызды рөл атқарады деп ойлайсың? Неліктен?

Оқушылардың жауаптары тыңдалады

-Оқушылар кесте бойынша кіріс пен шығысты есептейді, үнемдеу жолдарын ұсынады. Ұжым алдында отбасылық бюджетті үнемдеу жолын ұсынады, өзара толықтырулар енгізіледі, кері байланыс жасалады.

Бағалау критерийлері:

• Отбасылық бюджетті үнемдеу жолдарын ұсынады

Таратпа парақтар

Әдістемелік нұсқаулыққа

қараңыз

(дидактикалық материалға қараңыз)

«Кіріс», «Шығыс» сөздері жазылған карточкалар.

Коммуналдық төлем түбіртегі, кесте кұруға арналған А-3 қағазы.

Кесте

(дидактикалық материалға қараңыз)

Рефлексия (жеке):

Бүгінгі сабақта мен .............. білдім

Бүгінгі сабақта мен .............. үйрендім

Алдағы уақытта..................қолданамын.

Бірнеше жауаптарды талдауға болады.

Таратпа парақ

Әдістемелік нұсқаулыққа

қараңыз

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілетті оқушыларға «Отбасылық демалыс – артық шығын ба ілде қажеттілік пе?» тақырыбы талдауға беріледі. Оқушылар өз пікірлерін жазба түрінде беруге болады.

Бағалау және кері байланыс беру сабақтың өн бойында жүріп отырады

Тиімділігін анықта стратегиясында әрбір топ өз жұмыстарын қорғайды, электр қуатын үнемдеу жолдарын ұсынады, кері байланыс жасалады. Топтық жұмыс «Екі жұлдыз, бір тілек» бойынша бағаланады/.

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.