Менің табиғи ортадағы қауіпсіздігім. Дүниетану, 3 сынып, сабақ жоспары.

Ұзақ мерзімді жоспар бөлімі:

1-бөлім «Жанды табиғат»

Мектеп:

Мерзімі: 1-тоқсан

Модератор: Сейтахметова Ж.М.

Сынып: 3

Қатысқандар:

Қатыспағандар саны:

Сабақ тақырыбы

Менің табиғи ортадағы қауіпсіздігім

Осы сабақта қол жеткізілетін оқу мақсаттары (оқу бағдарламасына сілтеме)

3.2.2.2 ауа-райы қолайсыз жағдайларда өзін-өз іұстау ережелерін құрастыру

3.1.4.3 түрлі дереккөздер негізінде табиғи ортадағы қауіп-қатерлерді анықтау және бағалау

3.1.4.4 табиғи ортадағы өзінің қауіпсіздігін жоспарлау

Сабақ мақсаттары

Бағалау критерийлері

• Табиғи орта мысалдарын келтіреді;
• Табиғи орта қауіп-қатерлерін атай алады;
• Табиғи ортада өз қауіпсіздігін қамтамасыз ету үшін негізгі ережелерді құрай алады.

Тілдік мақсаттар

Оқушылар:

• Табиғи орта мысалдарын ауызша әңгімелейді;
• Табиғи орта қауіп-қатерлерін атай алады;
• Негізгі ұғымдарды сөздікке жазады;
• Ережелерді жазып, қорғайды.

Терминология:

Табиғи орта, қауіпсіздік

Пайдалы сөз тіркестер:

Табиғи ортада адамға төнетін ....

Өз қауіпсіздігіңді қамтамасыз ету үшін ...

Құндылықтарды дарыту

Үйлесімділік – өздерін табиғаттың бір бөлшегі екенін түсінуден көрінеді;

Қауіпсіздік – табиғи ортада қауіпсіздік ережелерін құрастыру арқылы жүзеге асады;

Пәнаралық байланыстар

Қазақ тілі: мәтіннің үш түрі: әңгімелеу, сипаттау, пайымдау қолданылады.

Ана тілі: Табиғат аясындағы сюжетті суреттерді көркем сөздермен сипаттайды;

Жаратылыстану:улы жәндіктер мен шөптер атауларын біледі.

Алдыңғы меңгерілген білім

Оқушыларда қолайлы, қолайсыз табиғи жағдайлар туралы

түсінік бар. Ауа райының қолайсыз құбылыстарын біледі. Қауіпсіздік ережелерін құру тәжірибелері бар. Геологиялық және климаттық катаклизм түрлерін ажыратады.

Сабақ барысы

Сабақта жоспарланған іс-әрекет

Ресурстар

• Ой қозғау (ұжымда)

Сюжетті суретті сөйлет

-көркем сөздермен сипатта;

-балалар әрекетін әңгімеле;

-балалар әрекетіне баға беріп, пайымда;

• Суретте не өзгертер едің? (жұпта) Оқушылар осы сұрақ төңірегінде жұпта ой бөлісіп, талқылайды. Суреттегі балалардың табиғи ортадағы қауіпсіздігі туралы өзгерістер еңгізу ұсынылады. Айтылған ойларды ортаға салады.

• Сабақ мақсатын анықтау
• Сабақ тақырыбы мен мақсаты жайлы оқушылардың болжамдары айтылады
• Сабақ мақсаты ұсынылады:

-Табиғи орта ұғымын түсінеміз;

-Табиғи ортада қандай қауіп-қатерлер болатынын білеміз және анықтаймыз;

-Табиғи ортада өз қауіпсіздігімізді жоспарлауды үйренеміз.

Сюжетті сурет

/дидактикалық материалға, әдістемелік нұсқаулыққа қараңыз/

Презентация Слайд№3

• Рөльдік ойын «Табиғат аясына саяхат» (Топта)

-Оқушылар 4 топқа бөлінеді. Әр топ табиғат аясына саяхат жасау керек. Ол үшін төмендегі жоспарда жұмыс жасайды:

• Саяхат мақсатын анықтау;
• Саяхатқа арналған қажетті заттар тізімін жасау;
• Қауіпсіздік ережелерін белгілеу.

Топта 3 сұраққа жауапты қамтитын жазбалар жасалып, сыныптың кез-келген бір бұрышына тығылады. Топтар бір-бірінің жазбасын тауып, оқып толықтырулар еңгізіп қайтарады.

• «Егер де сен...» (Жұпта)

Оқушылар саяхат барысында келесі жағдаяттарды жұпта талдайды:

-«Егер мені кене шақса...»

-«Егер өзге адамдардың орманда ошақты сөндірмегенін байқасам...» т.б.

• «Саяхатшыға арналған жадынама» стратегиясы (топта)

Оқулықтың 11 бетіндегі «Есіңде сақта» мәтінін оқушылар мұқият топта оқып, талдап шығады.Мәтіндегі материал негізінде және өзге де ақпарат көздерін пайдаланып саяхатшыға арналған табиғи ортада қауіпсіздік жадынамасын жасайды. Жасалған жадынамаларды әр топ конвертке салып келесі топқа жеткізеді. Өзге топ оқушылары кері байланысын жазып, конвертті иесіне қайта жолдайды. Ұстазбен бірлесе қорытынды жасалады.

Бағалау критерийлері:

• Табиғи ортада өз қауіпсіздігін қамтамасыз ету үшін негізгі ережелерді құрай алады.

• «Жалған-шын» әдісі (жеке)

Оқушыларға дайын тұжырымдар жазылған парақтар таратылады. Егер тұжырым дұрыс болса «шын», қате болса «жалған» деп белгілейді.

Бағалау критерийлері:

• Табиғи орта ұғымын түсінідіре алады;
• Табиғи ортада қандай қауіп-қатерлер болатынын біледі;
• Табиғи ортада болатын түрлі қауіп-қатерлерді анықтайды;

Саяхатшы жазбалары, маркерлер

Заттық суреттер

Жеке парақтар

Энциклопедиялар, газет мақаласының қиындылары, видеоресурстар т.б.

Конверттер (4 дана)

Таратпа материал, слайд№

(дидактикалық материалға, әдістемелік нұсқаулыққа қараңыз )

• Рефлексия «Сиқырлы жәшіктер»

Оқушыларға 3 жәшік және стикерлер ұсынылады. Сабақ қорытындысы бойынша «қоқыс» суреті бар жәшікке өзіне артық деп есептеген ақпаратты, «леп белгісі» бар жәшікке өзіне аса тиімді болған ақпаратты, «сұрақ белгіс» бар жәшікке түсінбеген, сұрақ тудырған ақпаратты жазып салуы тиіс.

Картон жәшіктер

-қоқыс суреті бар

-леп белгісі бар

-сұрақ белгісі бар

Стикерлер

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға улы өсімдіктер мен жәндіктер туралы ақпараттық шолу жасап келу тапсырылады.

Оқуда кедергісі бар оқушыларды қолдау үшін №5 тапсырмада қабілеті жоғары оқушымен жұптастыруға болады.

«Жалған-шын» әдісі арқылы оқушылардың табиғи орта ұғымын түсінуі; табиғи ортада қауіп-қатерлерді анықтай білу дағдылары бағаланады.

Сиқырлы жәшікті ұйымдастыру арқылы ұстаз келесі сабақты жоспарлауда қандай түсініксіз сұрақтар бар, оқушыларға қандай ақпарат пайдалы, қайсысы пайдасыз болғаны жайлы талдау жасайды. Келесі сабақтың басында сұрақтарды талдаудан бастаған жөн.

Оқушылардың топтық жұмыс барысында қауіпсіздік техникасы сақталады. Табиғи орта аясында қауіпсіздікті қамтамасыз ету бойынша білім мен дағды қалыптасады.