Климат және ауа райы. Дүниетану, 3 сынып, қосымша материал.

Сабақты ұйымдастырудағы әдістемелік нұсқаулар

• Топпен жұмыс істеу барысында, «Ауа-райы» туралы білімдерін еске түсіру арқылы, жаңа тақырыпты меңгеруге көпір салынады.
• ББҮ кестесін толтыруға берілген тапсырмалар оқушылардың «Ауа райы» туралы білім деңгейлерін байқап, «Климат» тақырыбына мақсат қоюға жетелейді.
• Климат туралы мәтін оқушылардың ауа райы мен климаттың ұқсастықтары мен айырмашылықтарын ажыратып, өз ойларын нақты жеткізуге мүмкіндік туғызады.
• Картадан Қазақстанның қандай климаттық белдеуде орналасқанын анықтау барысында, картаны оқу дағдылары дамиды. «Дүние жүзінің климаттық белдеулері мен облыстары» картасымен жұмыс жаңа тақырыпты меңгеру деңгейін анықтауға септігін тигізеді.
• Ұстаз климат пен ауа райының айырмашылығын, климаттық белдеулерді және оларды мекендейтін жануарларды жақсы білуі тиіс. Сабақ алдында бір қарап еске түсіріп алған жөн, себебі оқушылар кездейсоқ сұрақ қойып қалуы мүмкін;
• «Сұрақтар тізбесі» стратегиясы (ұжымда)

Толық жауап берілген әр тапсырманы 2 ұпаймен бағалаңыз. Жиыны 8 ұпай жиналуы тиіс. Ұсынылатын бағалау бағандары:

Оқушылардың жұмыстарын парақтарды көршісіне беру арқылы өздеріне тексертіп, бірден кері байланыс беріңіз. Көп қате жіберген оқушыларды бірден байқап, сұрақтар қою арқылы түсінгендеріне көз жеткізіңіз.