Қазақстанның рәміздері. Дүниетану, 1 сынып, сабақ жоспары.

Пән: Дүниетану

Ұзақ мерзімді жоспар бөлімі:

Салт-дәстүр және ауыз әдебиеті

Қазақстан Республикасының рәміздері туралы біледі;

Тудың маңызын айта алады.

ҚР рәміздерін ажырата алады.

Оқушыларға оқулықта берілген суреттерге назар аударып, сұрақтарға жауап береді.

-Бұл суреттедің бәрі бірге қандай бейнеленген?

-Олардың әрқайсысы нені білдіреді?

Оқушылардың жауабын сабаққа қатысты деректі материалдармен толықтырамын. Оқулықтағы 1-мәтінді өзім оқып беремін.Тудың авторы Шәкен Ниязбеков.

Оқулықтағы суреттерге назар аударып, берілген сұраққа жауап береді.

-Мемлекеттік ту қандай жағдайда көтеріледі?

Оқушылардың сұраққа жауап беру барысында тиісті лексиканы дұрыс қолдануына көңіл бөлемін.

Оқушылардың мақтаныш сезімін ояту үшін 2012 жылы Лондон Олимпиадасында Қазақстандық спортшыларды марапаттау сәті көрсетемін.

-Еліміздің туын биікке көтеру үшін қандай үлес қоса аласыңдар?

-Сен өзің не істер едің?– деген сұрақтар қоямын. Білім алушылардың ойын тыңдаймын. Өз елінің туына құрмет көрсету – азаматтықтың көрінісі екенін айтып қорытындылап өтемін.

Бұл айдарды «Жаужүрек мың бала» фильмінен үзінді көрумен бастаймын. «Тусыз бірлік болмайды, қарусыз жігіт болмайды» деген мақалды қалай түсінесің?

Әр елдің мемлекеттік рәміздері болады. Олар – елтаңба, ту және әнұран. Қазақстанның рәміздері мемлекетіміздің тарихы туралы әңгімелейді. Олар еліміздегі барлық адамдарды біріктіреді.

Әр топқа тапсырма беремін. Әр топ өз туы қандай болатынын ойластырып, алдын ала дайындалған түрлі-түсті қағаз, жапсырма, маркер, өрнек жапсырмалар қолданып жасайды. Оқушылардың жұмыс барысында қауіпсіздік ережелерін, тазалықты сақтауларын мұқият болуларын айтамын. Орындалған жұмыстарды «Сөйлейтін қабырғаларға» ілуді тапсырамын. Әр топ өзі жасаған туларын таныстырып қорғайды. Топ басшылары қорғап өтеді.

«Мен қазақпын»

41-бет 39-жұмыс парағын ашамыз. «Біздің ту»

Суреттердің қайсысы еліміздің туында бейнеленген?

Жауабы:Күн,қыран :

Бұл суреттер қай елдіңдің туында кездеседі?

Жауабы: Қазақстан, Қытай

42- бет 40-жұмыс парағы.Менің елімнің рәміздері

*Қажетті сөздерді қойып оқы.Сөздерді көшіріп жаз.

Өзім бірінші оқып беремін.Өз беттерінше тез жазып шығады. Ерте кезде ту әскери айбындылық символы болған. Қазіргі уақытта ол елдің тәуелсіздігін білдіреді. Көгілдір түс еліміздегі тыныштық пен бейбітшіліктің белгісі.Әр елдің өз мемлекеттік рәміздері бар.Оларға елтаңба,ту, және гимн жатады.

Дәптермен жұмыстарына көмектесемін.

Білім алушыларға Абылай ханның портретін көрсетемін. Абылай қазақ халқының басынан кешкен қиын-қыстау заманда өмір сүргені, он бес жасынан бастап жоңғарларға қарсы жорықтарға қатысқан. Абылай ханның туы ақ түсті болған. Ақ түс тазалықтың, әділдіктің белгісі саналады. Абылай хан көрнекті мемлекет қайраткері, үш жүздің басын біріктірген атақты хан, қолбасшы және елші ретінде танылды.Ұлы ханның әскерлері осы тудың астында жоңғарларды жеңіп,жерімізді сақтап қалған. Ақпаратты «Жеті жебе» әдісі бойынша жүйелеймін. Портреттің айналасында жеті жебенің суретін жасап,білім алушылар әр жебеге тарихи тұлға Абылай ханды сипаттайтын сөздерді тауып іліп шығады.

Жауабы: Батыр, ержүрек, ақылды, әділ,қолбасшы, үш жүздің басын қосқан,елші