Кедергілер жолағынан өту бойынша тапсырмалар құрастыру. Дене шынықтыру, 10 сынып, сабақ жоспары. 35-36 сабақ.

Ұзақ мерзімді жоспар бөлімі: 5- бөлім

Шаңғымен / жарыспалы / конькимен дайындалу

Мектеп:Химия-биологиялық бағыттағы Назарбаев Зияткерлік мектебі

Мұғалімнің аты-жөні:

Кедергілер жолағынан өту бойынша тапсырмалар құрастыру.

10.1.1.1.Спецификалық қозғалыс әрекеттерін талдау және бағалауды орындау.

10.1.2.1. Кең ауқымды жаттығуларда, олардың жүйелі түрде комбинацияларды бейімдеу.

• Оқушылар жақсы дене дайындығының құрамдастарына бағытталған физикалық жаттығулар мен оқудың белсенді әдістері арқылы жүгіріс төзімділігі мен қозғалыс әрекетін орындауға бағытталған түйінді құзыреттілік пен мәселелерді талдайды және түсінігін кеңейтеді.

Құрмет, шығармашылық, әріптесін тыңдай білу. Қарым-қатынас дағдыларын дамыту,жасау барысында сыни тұрғыдан ойлану.

Сана сезім, адалдық, басқа адамдардың ойын құрметтеу, адал болу;

Бір-бірін құрметтеу

Биология, физика

Сілтемелер бойынша материалды көрсету

Оқушылар алдыңғы сыныптарды және сабақтан тыс уақыттарда меңгерген жылдамдықты - күштік дайындық пен төзімділіктің, жүгіру техникасының шаңғымен және конькимен қозғалудың оқып, дағдыларын меңгерген.

Оқушыларға аталған тараудың мақсатына қолжеткізіп, пәнді оқуға қолдау көрсету үшін, білім аудағы тиісті академиялық мектеп терминологиясының тілдік мақсатының мысалы төменде келтірілген.

Диалогқа арналған пайдалы сөздер

Талқылауға арналған сұрақтар:

• Энергиямен орындалатын төменгі және жоғарғы белсенділіктегі жаттығулар арасындағы айырмашылықты түсінесіз бе?
• Демалу үшін үлкен және шағын үзілістер арқылы аэробты жүктемені орындау кезінде сіз өзіңізді қалай сезінесіз?

Төзімділікті дамытатын физикалық жаттығуларды орындау не үшін қажет?

Сабақтағы іс-әрекеттер:

Оқушылармен сәлемдесу. Түгелдеу. Спорттық кииімдеріне назар аудару. Қауіпсіздік ережесін таныстыру, қайталау.

Бүгінгі сабақтың мақсатымен таныстыру. Алдағы жұмыстармен таныстыру.

Оқушыларға қыздыру жаттығуларын орындатқызу.

Жүру, жүгіру, секіру жаттығуларын орындайды. ЖДЖ шеңбер бойына тұрып орындайды. Пульсометрия жүргізу.

Оқушыларды шахмат белгіллерімен екі топқа бөлу (пешкалар және корольдер) Осы екі топқа мұғалім тапсырма береді және дайындыққа уақыт беріледі.

Оқушылар ұстаз ұсынған кедергілер жолынан өтеді.

Мысалы: Кедергілері бар шаңғы эстафетасы.

Одан кейін шаңғымен орындалатын өз тапсырмаларының нұсқаларын ұсынады. 

Қанша кедергі болса, әр командадан сонша адам шығады. Команданың әр қатысушысы өз кезеңінің басында тұрады. Ұстаздың сигналы бойынша бірінші кезеңде тұрған оқушы кедергілерден өту арқылы жарысты бастайды. Келесі қатысушыға жетіп, оған эстафетаны береді, осылайшы эстафетаның соңғы қатысушыны мәреге жеткенге дейін жалғаса береді.

Трассадан бірінші болып өткен және кедергілерден өту бойынша ережені бұзбаған команда жеңіске жетеді. Қорында жеңісі көр команда жеңімпаз аталады.

Кезеңдер ұзындығы 100-150м.

Кедергілерден өтіп жүгіру

Эстафеталық жүгіруге қатысатын ойыншылар кезеңдердегі орындарына жайғасып, сигнал бойынша бірінші кезеңді бастап, кедергілерден өтіп, екінші кезеңде эстафета тақтайшасын тапсырады, барлық қатысушылар өз кезеңдерін өтіп болғанға дейін жалғаса береді.

Жеңімпазға бес ұпай, екінші орынға үш, ал үшінші орынға екі ұпай беріледі. Әрбір ережені бұзғаны үшін бір ұпай алып тасталады (фальстарт, екінші біреудің жолына шығып кету, қарсыласқа кедергі келтіру).

"Шайбамен жарыс". Ойын эстафета түрінде өткізіледі. Сынып топтарға бөлінеді. Әр команданың алдында сөре сызығынан алыс емес қашықтықта бір бірінен екі метр жерде алты-сегіз кеглдер қойылады. Бұл кедергілер жолы. Сигнал бойынша бірінші ойыншылар кеглдерден өтіп, оларды құлатып алмай шайбаны жүргізуді бастайды. Кері қарай дәл солай оралып, сырғытпа таяқ пен шайбаны келесі ойыншыға береді. Ойыншылары сөре-мәре сызығына бірінші болып жеткен команда жеңіске жетеді.

Бұл жағдайда ойыншылар шайбаны жалауға дейін жүргізіп, арқа жағымен алдыға қарай жүріп кері оралады. Қағып кеткен кеглді орнына қойып, одан кейін ғана қозғалысты жалғастырады

Оқушылар өткен элементтер бойынша тапсырмалар құрастырып, бірін бірі бағалайды.

Конькимен: алдыңғы және артқа қарай жылжу, қуып жету, тепе-теңдік, тік сызық бойында және доға бойында қозғалу, екі аяқпен қозғалу - жылан, шам, мылтық, бұрылыс, әртүрлі тәсілдермен тоқтау.

"Үштіктер". 3 конькиші қатысатын ойын. Мысалы: сөреден бастап әр үштік 25-30 метрге жүгіреді, одан кейін нақты бір жалғасымда сөреге дейін инерция бойынша қозғалуды жалғастырады: ортада тұрған қарлығаш қалпында, бүйірде тұрған – «мылтық» жайғасымында, Немесе «тағылғандар» қарапайым қадаммен жүгіреді, ал ортада тұрғандар «мылтықтарға» отырады. Жылжудың шартты тәсілдерін сақтай отырып, мәреге бұрын жеткен үштік жеңіске жетеді.

Шаңғымен: үйренген тәсілдер бойынша үйренуші шаңғымен қозғалу, бір амалдан екінші амалға ауысу, "соғамен", "жартылай соқамен", бүйірмен тоқтау, "шырша", "жартылай шырша" көтерілулер.

Тапсырмалары бар "салкалар".

Жүргізушіні анықтап, барлық ойыншылар алаңға таралады. Жүргізуші қашып бара жатқан ойыншыға тигізуге тырысады. Шаңғыға немесе сырғытпа тақтайға емес, ойыншының өзіне тигізу қажет. Құлап қалғандарды, сондай-ақ шаңғылары шығып кеткендерге де тигізуге болады. Егер жүргізуші ойыншыға тигізсе, ол қарапайым ойыншы болып, ол тигізген ойыншы жүргізуші болады. Ол қолын жоғары көтеріп, содан кейін ғана жүргізуді бастайды.

Кросстық дайындық.

Оқушылар жүрісте және баяу жүгіру арқылы кросстық қашықтықта кедергілерден (орда, төбешіктерде, бұтақтардың арасында) өтуді орындайды.

"Шегіртке" қозғалмалы ойыны. Оқушылар 2 командағы бөлініп, олардың бірі шеңбер ішінде, ал екіншісі волейбол добымен шеңбер сыртында қалады. Шеңбер ішіндегі ойыншылар капитанмен бірге баған бойына тұрып, бір бірлерінің белінен ұстайды Жеткішінің сигналы бойынша шеңбер жасап тұрған ойыншылар допты бір бірлеріне лақтырып, бағандағы соңғы ойыншыны шығаруға тырысады. Соққы алған ойыншы ойыннан шығады. 5-8 минуттан кейін командалар орындарын ауыстырады

Белгіленген уақыт ішінде көп ойыншыларға тигізген команда жеңіске жетеді.

Құрал-жабдықтарды жинау. Бүгінгі сабақты қорытындылау.

Соңында оқушылар рефлексия жүргізеді:

-нені білдім, нені үйрендім.

–нені толық түсінбедім.

Үй тапсырмасы - дене қаблеттерін дамыту жаттығулары

Саралау-оқушыларға көбірек қолдау көрсетуді жоспарлайсыз: бір оқушыдан күтілетін нәтиже, дербес қолдау көрсету, уақытты ұтымды пайдалануды есепке ала отырып, сабақтың кез-келген кезеңінде қолданыла алады.

Сабақ бойынша рефлекия:

1.Сабақ мақсаттары дұрыс қойылған ба? оқушылар нені үйренді?

2.0қушылардың барлығы ОМ қол жеткізді ме?

3. Сабақта саралау дұрыс жүргізілді ме?

4. Сабақта уақыт кезеңдері сақталды ма ?

Жалпы оқушыларды бағалау:

Әртүрлі тәсілдермен табиғи және жасанды кедергілерден өту кезіндегі шаңғымен қозғалудың техникасын қадағалаңыз. Эстафета берілгенге дейін қозғалысты бастауға болмайды.

Мынадай кедергілерді қолдануға болады: қарға көмілген траншея, созылған арқандар, қармен көмілген дөңес, белес және т.б.

Насында (аққала, жұқа тақтайшадан жасалған қалқан) қоюға болады

Нұсқа: жүгіріс кезеңі қанша болса, эстафета да сондай шеңбер бойынша жалғасады.

Тосқауылдар кез келген заттармен алмастырылады, ал эстафетаны қатысушының иығына не қолына тигізу арқылы жалғастыруға болады.

Эстафетаны өткізгеннен кейін арнайы қозғалыс әрекеттерін орындауды талдап, бағалаңыз.

Оқушылардың назарын шайбаны жүргізген кезде өздерінен алыс жібермеуге аудару. Ойынды күрделендіруге болады: әр командадан бір мезгілде екі ойыншы шығып, кеглдер арасындағы шайбаны бір біріне береді.

Бұл жаттығудағы қателік конькидің ұшымен итерілу және бір тіректі қозғалыс кезінде тепе-теңдікті жоғалту болып табылады. Басты назарды аяқ-жілік тұсында тірек аяқты бүгіп, иық сызығының қисаюына жол бермеу керек.

Сұраңыз: Қиылған желер бойынша қозғалыстың қиындығы неде?

Осы ойынның көмегімен әртүрлі амалдарды дайындауға болады. Ең алдымен ойынды сырғытпа тақтасыз жүргізеді, шаңғы техникасын игергеннен кейін - сырғытпа тақтаймен.

Ойынды шағын алаңда жүргізеді, мысалы баскетбол алаңында.

1. Спиралға бұралуға жол берілмейді (соңғыны жасыруға). 2. Ойыншылар қолдарын босатпау керек. 3. Басқа тию есептелмейді. 4. Еденнен секіріп барып тию есептелмейді.

Сабақтың жақсы екі аспектісі (оқытуға, үйренуге қатысты.)

1 «Шаңғымен / жарыспалы / конькимен дайындалу» бөліміндегі қауіпсіздік ережесін біледі және әдістерді орындай алады.

2 Өзін-өзі шыдамдылыққа, шымырлыққа, ептілікке баулиды.

Сабақты жақсартуға не ықпал ете алады (оқыту және үйрену)

Сабақ барысында сынып туралы немесе жекелеген оқушылардың жетістігі (қиындықтары туралы нені

білдім, келесі сабақтарда неге көңіл бөлу қажет?)