Қазақтың ұлттық ойындарының балама нұсқасы. Дене шынықтыру, 10 сынып, сабақ жоспары.

4 бөлім – Қазақтың ұлттық ойындары

Мектеп: Шымкент қаласы химия – биология бағытындағы Назарбаев Зияткерлік мектебі

Күні:

Мұғалім аты жөні:

СЫНЫП: 10

Қатысқандар саны:

Қатыспағандар:

Сабақтың тақырыбы

Қазақтың ұлттық ойындарының балама нұсқасы

Осы сабақ арқылы іске асатын оқыту мақсаттары

10.2.3.1. Тәсілдер мен стратегияны құру және талдау

Сабақ мақсаты

МКДЖ

Бағалау критериі

Оқушылар:

Ұлттық ойын түрлерін атай алады.Ұлттық ойындары ішінен асық ату ойынының ережелерін, асық ойын түрлерін біледі. Асықтың атаулары мен асықты қолда дұрыс ұстауды меңгереді. Ойынды ережеге сай ойнай алады.

  Сабақтың тілдік мақсаты

Алдыңғы білім

Ритмикалық гимнастика

Жоспар

Жоспарланған әрекеттер

Дереккөздер

Ұйымдастыру кезеңі. Оқушыларды сапқа тұрғызу, спорттық киімін тексеру, сәлемдесу.

Дене қыздыру жаттығулары.

1. Бір орында: Оңға, солға, кері бұрылу.

2. Жүру: Қолды жоғары көтеріп, аяқтың ұшымен жүру. Қолды жанға созып өкшемен жүру. Жартылай отырып, толық отырып жүру.

3.Жүгіру: Еркін жүгіру, тізені көтеріп жүгіру ,аяқты артқа сермеп жүгіру. Жүріске ауысып, тыныс алу жаттығуларын орындау. Бір орында жалпы дене шынықтыру жаттығуларын орындау.

Миға шабуыл ой қозғау:

• Қазақтың қандай ұлттық ойындарын білесіздер ?
• Қандай ұлттық ойындарды ойнай аласыздар ?
• Асық ату туралы не білеміз?
• Қалай ойлайсыздар, асық ойынын не себептен спорттық - олимпиада ойындарының қатарына қоспай отыр?

Оқушылар өз мүмкін жауаптарын береді. Бүкіл сынып болып талқылайды.

Сабақтың тақырыбы мен оқу мақсаттары айтылады.

Жаңа тақырыпты игеру. Мұғалімнің түсіндірмесі.

 Асық түрлерімен таныстыру. 1. Кеней, кентай - асық ойынында ұпайға тігілетін асық. «Кішкентай» сөзі «кіші» және «кентай» сөздерінен шыққан. 2. Сақа - асықтың ең үлкені, ірісі. 3. Ешкімер - ешкінің асығы. 4. Қойлақ - қойдың асығы. 5. Құлжаз - құлжаның асығы. 6. Топай, сомпай - сиырдың асығы. 7. Шүкейт - киіктің асығы. 8. Пүш - тәйке түспесін деп алшы жағы жонылған асық. Оңқай - малдың оң жақ аяғының асығы. Солақай - малдың сол жақ аяғының асығы. 

Қолда асықты ұстау техникасын үйрету: - асықтың өзіндік болмысына және жату қалпына сай атаулары: алшы, тәйкі (тәуке, тәйке), бүк, шік. (омпа және томпа). - асықтың ойын түрлеріне сай қолға ұстау әр түрлі: көбіне асықпен ойналатын ойындар иіру арқылы ойналады. Асықтың тәйкі тұсы – басбармаққа, алшы жағы – сұқ саусаққа, бүк тұсы – алақанның ішкі жағына, шік жағы – сыртқа қарап тұрады. (Бұл оңқай асықтарды дұрыс ұстау). Ал солақай асықты ұстағанда: алшы тұсы – басбармаққа, тәйкі тұсы – сұқ саусаққа, бүк тұсы – алақанның ішкі жағына, шік жағы – сыртқа қарап тұрады. 

Асық ойынының түрлері:

1) үш табан немесе бес табан, 2) шеңбер немесе төртбұрыш, 3) хан талапай, 4) бес асық, 5) тәуекел 6) бүк пен шік, 7) асықты тігіп ойнау, 8) тас қала 9) омпа, 10) алшы, 11) құмар және топай ойыны; 

Топтық жұмыс. Асық ату ойыны.

Оқушылар түрлі түсті асықтарды қолдану арқылы, екі топқа бөлінеді; Арнайы дайындалған шеңбер (төртбұрыш) ойынын ережеге сай оқушыларға ойнату. 

Бағалау критерийлері:

Дифференциация ретінде:

• Қабілеті орташа оқушыларға: асықты қолда дұрыс ұстай алу және шерту.
• Қабілеті жоғары оқушыларға: асықты дұрыс дәлдеп, шеңберден шығару тапсырмалары беріледі.

Кері байланыс.

• Асық ойының басқа ұлттық ойындармен салыстырғанда ерекшелігі қандай?
• Асық ойынын ойнау арқылы қандай дағдыларды дамыта аламыз?

Үй тапсырмасын беру: Барлық асыққа байланысты қазақ халқының мақал – мәтелдерін біліп келу.

Ысқырық, асықтар

Қосымша ақпарат

Дифференциалды оқыту – Көбірек қолдау көрсету үшін не істейсіз?

дамытуды қалай жоспарлайсыз?

Бағалау – оқушылардың оқуын тексеруді қалай жоспарлайсыз?

Пәнаралық байланыс Денсаулық және қауіпсіздік ережелері АКТ сілтемелері

Құндылықтар

• Барлық оқушылар; Ұлттық ойындарды атай алады. Асық ойыны туралы біледі.
• Оқушылардың көпшілігі: Асықтың атаулары мен асықты қолда дұрыс ұстай алады.
• Қабілеттілігі жоғарырақ оқушылар: Ойын техникасын дұрыс қолдана алады. Ойынды ережеге сай ойнай алады.

• бақылау, тыңдау, түрткі сұрақтар арқылы
• дескриптор арқылы
• дифференциация тапсырмасы арқылы

• Математикамен байланыс: бағыт, кеңістік, уақыт, баға.
• Басқалармен жұмыс.
• НЗМ бірлескен тапсырмаларда қолдауы

Рефлексия

Сабақ мақсаттары/оқыту мақсаттары жүзеге асырымды болды ма?

Бүгін оқушылар нені үйренді?

Оқыту ортасы қандай болды? Менің бөліп оқытқаным өз мәнінде жүзеге асты ма?

Мен өз уақытымды ұтымды пайдалана алдым ба? Мен жоспарыма қандай өзгерістер енгіздім және неліктен?

Төменде берілген бос орынды өз сабағыңызға рефлексия жүргізу үшін пайдаланыңыз. Сабағыңызға сол жақта келтірілген сұрақтарға жауап беріңіз.

Денешынықтыру сабағынан 10 - сыныптағы «Жеке және топтық ойындар» тақырыбындағы өткізілген сабақ 40 минутқа жоспарланған. Сабақтың басында оқушылардың денесін, бұлшықеттерін қыздыру мақсатында жалпы дамыту жаттығулары жасалды. Сабақтың тақырыбы мен мақсатын айқындау үшін, оқушыларға миға шабуыл ретінде сұрақтар берілді: Қазақтың қандай ұлттық ойындарын. білесіздер ? Қандай ұлттық ойындарды ойнай аласыздар? Асық ату туралы не білеміз? Сұрақ-жауап барысында оқушылар белсене қатысты,ұлттық ойындарға деген қызығушылықтары, ұлттық ойындар жайлы мәліметтер білетіндігі байқалды. Негізгі бөлімде мен оқушыларға «Асық» ойыны туралы түсіндірме жүргіздім. Оқушылардың әрқайсысына асықтарды таратып бердім. Асықтың түрлерімен, асық ойының түрлерімен таныстырдым. Кейін асықтың қолда ұстау техникасын үйрету кезінде мен ортада асықты қалай дұрыс ұстауды, шертуді, дәлдеуді көрсетіп тұрдым, ал оқушылар менің артымнан қайталап отырды. Осы кезде уақыт(тайм менеджмент) мен жоспарлаған уақытқа қарағанда көбірек кетті, себебі оқушылар асықты дұрыс ұстауды біраз игере алмады, қателіктер жіберіп жатты. Бұл мені қатты қынжылдырды, себебі біздің балдар асық т.б. ұлттық ойындарды ойнаудың орнына ұялы телефон, планшеттегі ойындарды шұқылауды артық көретіндігінде.

Кейін оқушыларды асықтың түстеріне қарай екі топқа бөліп, асық ойынының ішінен шеңбер ойынын ойнаттым. Оқушылар барынша қызығушылық танытып, ойнады. Оқушыларға дескриптор бойынша бағалау жүргізілді. Дифференциация ретінде, мен қабілеті орташа оқушыларға: асықты қолда дұрыс ұстай алу және шертуді, ал қабілеті жоғары оқушыларға асықты дұрыс дәлдеп, шеңберден шығару тапсырмаларын бердім. Нәтижесінде оқушылар асық ойыны жайлы білімдерін жетілдірді, ойын ережесіне сай ойнауды, асықты дұрыс ұстауды меңгерді деп ойлаймын. Сабақта уақыт тапшылығына байланысты оқушылар асық ойнау дағдыларын толығымен қалыптастыра алған жоқ, сол себептен мен оларды қосымша үйірмеге шақырып, асық ойнауды жетілдіруді жөн көрдім.