Топта қызықты ойындар құру. Дене шынықтыру, 9 сынып, презентация.

7-бөлім: Әлеуметтік дағдылар және мәселелерді командалық іс-әрекеттерде шешу.

Тақырыбы: Топта қызықты ойындар құру.

Оқу мақсаттары:

9.2.8.8 Түрлі қимыл-қозғалыс негіздерінен туындаған рөлдерді бағалау және бейімдей білу;

9.1.6.6 Қимыл-қозғалыс белсенділігімен байланысты қиындықтарды жеңу және жауап қайтара білу дағдыларын бағалау.

Бағалау критерийлері

• топта қызықты ойындар құрастыра алады;

• түрлі қимыл-қозғалыс негіздерінен туындаған рөлдерді бағалайды және бейімдей алады;

• қимыл-қозғалыс белсенділігімен байланысты қиындықтарды жеңу және жауап қайтара білу дағдыларын бағалай алады.

Командалық ойынның негізінде қорғаныста шабуылдаушы қарсыластарға қарсы ойыншылардың ұйымдасқан тактикалық әрекеттері жатыр. Мұндай әрекеттер шабуылдарды сәтті көрсетуге және кейіннен шабуылға ауыса отырып, қорғаныс жағдайынан шығуға мүмкіндік береді. Өзінің қорғаныс бөлімінде бұл іс-әрекеттер қауіпті аймақта күштің жылдам шоғырлануына, қорғаныс желілерінің ойыншыларын қайта топтастыруға және сенімді сақтандыруға әкеледі.

Шабуылдаушы әрекеттердің құрылымы мен сипатына байланысты қорғаныстағы командалық әрекеттер жедел шабуылға қарсы қорғауды және біртіндеп шабуылға қарсы қорғауды қамтиды.

(С, Т, ҚБ) Сыныпты топтарға бөлу. 6-8 оқушы бар топтарда, өз таңдауы бойынша жабдықтарды пайдалана отырып, өз ойындарын әзірлейді. Олар бұл ойын түрін топта қарап, содан кейін басқа топты үйретеді. Содан соң әрбір топ осы іс-әрекет бойынша жұмыс істеу дағдыларын дамытуға және ойында жалпы нұсқаулар мен бақылаудың тиімділігін арттыруға қалай көмектескеніне қатысты түсініктеме береді. Берілген түсініктемелер арқылы оқушылар одан кейін бірлескен қызметін қайта қарайды.

Осы тапсырманың дескрипторлары:

- шағын топтарда жұмыс орындау;

- жаңа командалық ойын құрастыру;

- басқа топтарға ұсыну, қорғау.

- ойын нақты жеткізу және ережелері түсінікті болуы қажет;

- басқа топ мүшелеріне көрсете алады.

Тапсырма

(С, Т, К, ҚБ) «Допты капитанға беру». Сынып топтарға бөлінеді. Ойынға екі команда қатысады, олардың әрқайсысы өз капитанын таңдайды, футбол добын алады және оған бөлінген алаңның жартысындағы шеңберге тұрады және капитанды доппен орталыққа қояды. Дабыл бойынша екі команданың капитандары өз шеңберінің әр ойыншысына кезек бойынша допты (беру және қайта алуды) бере бастайды. Егер осы кезде қандай да бір ойыншы техникалық қателікке байланысты доп жоғалтса, ойынды қайтадан бастайды. Техникалық қателік жібермеген және көп ұпай жинаған команда жеңеді.

Осы тапсырманың дескрипторлары:

- шағын топтарда жұмыс орындау;

- жаңа командалық ойын құрастыру;

- басқа топтарға ұсыну, қорғау.

- дұрыс допты беру және қайта алу.

Сұраңыз: осы ойында капитанның әрекетін қалай бағалауға болады?

Сабақ соңында білім алушылар демді қалыпқа келтіру жаттығуларын орындайды.