Тактика және спорттық ойындардағы тактикалық қозғалыс. Дене шынықтыру, 9 сынып, дидактикалық материал. 4 сабақ.

Жеке қорғаныс

 Жеке қорғаныстың бес түрін пайдалануға болады: қарапайым (қорғаушы доппен турған ойыншыдан бир метр ара қашықтықта орналасады), тығыз, еркін, добы бар ойыншыны себеттен артқа бұрылуға мәжбүрлейтін және екеулеп бірге шабуылдайтын агрессивті және ауыстыру қорғанысын. Бапкер команда қорғаныста қалай ойнайтынын анықтайды, ал доп позициясы әр ойыншының жеке қорғаныс позициясын қамтамасыз етеді.

Жеке қорғаныстың қарапайым нұсқасы

 Жеке қорғаныстың қарапайым нұсқасында әр қорғаушы екі міндетті атқарады – бекітілген қарсылас ойыншыға бас-көз болу және қауіп төнген жағдайда ойындағы серіктерімен бірге әрекет жасау. Өзінің қарамағында ойыншы ұстау – қорғаушының басты міндеті және әдетте әрқайсысының өзінің негізгі міндеттері болғандықтан, қорғаушы өзінің серіктерінен көп көмек күте алмайды.

 Ойыншыны жеке ұстау кезіндегі негізгі позиция ретінде бірі қарамағындағы ойыншыға, екіншісі допқа (егер қарамағындағы ойыншы допсыз болса) бағытталған жоғары көтерілген қолмен және төмен еңкейген тұлғасымен, артқа дене салмағын салып тұру болып табылады. Әр қорғаушы қарамағындағы ойыншы, доп және себеттен құралған үшбұрыш ішіне орналасады.