Орта және алыс қашықтық техникасын үйрету. Дене шынықтыру, 9 сынып, сабақ жоспары.

Ұзақ мерзімді жоспар бөлімі:

1-бөлім: Жүгіру, секіру, лақтыру техникасын жетілдіру 

Мектеп:

Мұғалімнің аты-жөні:

Орта және алыс қашықтық техникасын үйрету.

5.3.3.1 түрлі дене жүктемелерінің арасындағы айырмашылықты және олардың ағзаға тигізетін әсерін сыртқы белгілеріне қарап анықтай білу;

5.3.2.1 қыздырыну және қалпына келтіру жаттығуларын орындау мен дайындау аясындағы негізгі компоненттерді білу және түсіну.

• Түрлі дене жүктемелерінің арасындағы айырмашылықты және олардың ағзаға тигізетін әсерін сыртқы белгілеріне қарап анықтай алады

Оқудың тілдік мақсаты

Оқушылар:

• Жеңіл атлетикадағы қозғалыс әрекеттерін, ағзадағы функционалды өзгерістерді көрсете және талқылай алады.

Пәндік лексика және терминология

Мыналарды қамтиды:

• қауіпсіздік техникасы,
• орта қашықтыққа жүгіру, сөре, мәре, стайерлік жүгіру, ұзақ және орташа қашықтық бойынша жүгіру.

Диалогқа/жазуға арналған пайдалы сөз тіркестері

Талқылауға арналған сұрақтар:

• Сіздің ойыңызша бұл жаттығуды орындау қаншалықты жемісті болды?
• Орта және ұзақ қашықтықтарға жүгірушілерді қалай атайды?
• Ұзақ қашықтыққа жүгіру біздің ағзамызға қандай әсер етеді?

Биология (Жүрек соғысын өлшей алады)

Тақырып бойынша жүгіру кезіндегі әдісін көрсету.

Оқушыларың жеңіл атлетика бойынша білімдері бар және алдыңғы сыныптарда және оқудан тыс уақытта танысқан жүгіру дағдыларымен таныс.

Сабақтағы іс-әрекеттер

Оқушылармен сәлемдесу. Түгелдеу. Спорттық кииімдеріне назар аудару. Қауіпсіздік ережесін таныстыру, қайталау.

Бүгінгі сабақтың мақсатымен таныстыру. Алдағы жұмыстармен таныстыру.

• Жүру жаттығуларын орындау;
• Арнайы жүгіру жаттығуларының түрлерімен жаттығу;
• Жылдамдыққа жүгіру;
• Тынысты қалыпқа келтіру

Одан кейін шеңбер бойына тұрып ЖДЖ орындайды. Шеңбер бойындағы әр оқушы бір-бір жаттығудан айтып, санақ бойынша орындатқызады.

Оқушылар бірнеше топқа бөлініп тапсырмаларды үш реттен орындайды. Әр бір өткізілген тапсырмалардан соң кері байланыс беріңіз. Оқушылар түзу орналасқан жүгіру алаңын 100 метрді бірқалыпты жылдамдықта орындайды. Айнала жүгіруде жылдамдыққа 100 метр жүгіріп қайта түзу жолда бірқалыпты жылдамдыққа ауысады. Топпен жүгірудің техникасын жүгіру қалыптарын талқылаңыз. Жүгіруге дейін және одан кейін оқушылар тамыр ырғағын өлшейді.

Оқушылар жақсы денсаулық қалпы олардың орта және ұзақ қашықтыққа жүгірумен байланысын қарастырып, алдында оқыған жақсы денсаулық компоненттерін бекітеді Демалыс кезіндегі тамыр ырғағы, жұмыс ырғағы, қалыпқа келу ырғағы.

Оқушыларды бірнеше топқа бөліп 800 метр қашықтықты уақыт есебімен орындаңыз.

800 м жүгіруде оқушылар алғашқы 100 м өз жодарымен жүгіргенде, жүгірушінің мақсаты – жиек бойындағы орынды бірінші болып алу үшін осы бөлікті тез арада жүгіріп шығу.

Бұл жерде белгілеуге болады:

1) Бастапқы екпіннің өзін, әдетте 15-20 м алады;

2) Белсенді жүгіру, әдетте ол спортшының бірқалыпты жылдамдыққа жақындайтын ортақ жолға шыққанына дейін жалғасады. Әдетте 800 м қашықтықта алғашқы 100 м жылдамдығы басқа жол бөліктерінің жылдамдығына қарағанда жоғары болады, тіпті мәреге жету кезінде де.

3) Мәреге жету. Мәреге ұмтыла жүгіру кезінде техника сәл өзгереді: дененің алдыға еңкеюі артады, қолдардың белсендірек қозғалысы байқалады. Қашықтықтың соңғы метрлерінде қозғалыс техникасы бұзылуы мүмкін, өйткені шаршағандық басталады.

Дескриптор Білім алушы

• топта бірлесіп жұмыс жасай алады;
• орындалатын іс-әрекеттер арқылы мақсатқа жете алады.

Оқушылар қажеттіліктеріне қарай, жүгіру қабілеттерін, дағдыларын дамыту.

Құрал-жабдықтарды жинау. Бүгінгі сабақты қорытындылау.

Соңында оқушылар рефлексия жүргізеді:

-нені білдім, нені үйрендім.

–нені толық түсінбедім.

Дене қабілеттерін дамыту жаттығулары.

Саралау-оқушыларға көбірек қолдау көрсету. Бөлімге байланысты тапсырмаларды орындауда жеңілінен күрделісіне қарай тапсырманы ұйымдастыру және орындаған тапсырмаларға саралау жүргізу. Білім алушының икемділік дағдыларына қарай тапсырмалар құрастыру.

Денсаулық және қауіпсіздік ережелерінің сақталуы. Денсаулық сақтау әдістері, сергіту сәттері мен белсенді

іс-әрекет түрлері.

Оқушылар басқа оқушылардың жаттығуларының реттілігін бақылайды және кері байланыс береді. .

Сабақ бойынша рефлекия:

1.Сабақ мақсаттары дұрыс қойылған ба? Оқушылар нені үйренді?

2.0қушылардың барлығы оқу мақсатына қол жеткізді ме?

3. Сабақта саралау дұрыс жүргізілді ме?

4. Сабақта уақыт кезеңдері сақталды ма ?

Жалпы оқушыларды бағалау:

Оқушылар орта және ұзақ қашықтыққа бастапқы екпін техникасын білулері және көрсетулері тиіс. Оқытушы бастапқы екпін техникасын орындауына зер салады.

Сұраңыз: бастапқы екпінді орындау кезінде қандай қателер жасалуы мүмкін? Орта қашықтыққа жүгіру Сіздің ағзалық функционалды жүйелеріне қандай әсер етеді?

Сабақтың жақсы екі аспектісі (оқытуға, үйренуге қатысты.)

1 Жеңіл атлетика қауіпсіздік ережесін сақтайды және әдістерді орындай алады.

2 Өзін-өзі шыдамдылыққа, икемділікке, ептілікке,жылдамдыққа баулиды.

Сабақты жақсартуға не ықпал ете алады (оқыту және үйрену)

Сабақты жақсартуға оқушылардың сол сабаққа берген кері байланысы. Сол арқылы оқушылардың қажеттілігіне қарай келесі сабақты жүйелі жоспарлау.

Сабақ барысында сынып туралы немесе жекелеген оқушылардың жетістігі қиындықтары туралы нені

білдім, келесі сабақтарда неге көңіл бөлу қажет?