Сыни ойлау қабілетін дамытатын ойындар. Дене шынықтыру, 8 сынып, сабақ жоспары.

Ұзақ мерзімді жоспар бөлімі: 6- бөлім

Командалық ойындардағы бірлесе оқу

Күні:

Сынып:

Дене тәрбиесі пәні сабағындағы оқушылардың дене қуаты қасиеттерін дамыту үшін, деңгейлеріне байланысты оқытуды қолдану

Сыни ойлау қабілетін дамытатын ойындар.

8.2.2.1 Тактика мен стратегияларды бағалау және анықтау

1. Командалық ойындардағы тактикалық әрекеттерді еске түсіру, қайталау.

2. Топта бірлесіп тактикалық әрекеттерді талқылау.

3. Футбол ойынындағы тактикалық амалдарды анықтау және бағалау.

Оқушылар мыналарды орындай алады:

• Оқушылар командалық спорттық ойындардағы тактика мен стратегиялық амалдардың маңыздылығын түсінеді
• Оқушылар үлкен және кіші футбол ойындардағы қолданылатын тактикалық амалдарға мысалдар келтіре алады
• Оқушылар тиімді тактикалық амалдарды бағалай және анықтай алады

Тақырыпқа байланысты академиялық тіл мен қосымша тілді дамыту. Оқушылар ойынға байланысты негізгі термин сөздерді үш тілде білуі, жаза алуы және қосымша тіл арқылы ашып түсіндіре алуы.

Оқушылардың бір-біріне деген сыйластықтарын арттыру, ойын барысында әділ болуға баулу. Топпен, жұппен жұмыс барысында оқушыларға ынтымақтастық, достық, адамгершілік қасиеттерін дарыту.

Академиялық әділдік, басқа адамдардың идеялары мен ойларын құрметтеу. Білуге құштарлық, шығармашылық және оқылатын материалға сыни қарау арқылы оқуға құштарлыққа баулу, ақылын, денесін, қарым-қатынас пен мінезді ұдайы дамыту. Өзіне оқушылардың өз бетімен оқуына ықпал ететін икемділік мен дағдыларды дамытуды қамтиды.

Қазақ тілі, орыс тілі, ағылшын тілі пәнедерімен байланыс. Ойынға қатысты терминдерді үш тілде білу.

Сілтемелер бойынша материалды көрсету

Оқушылар алдыңғы сыныптарда сабақ барысында және сабақтан тыс уақыттарда меңгерген командалық ойындарға қатысу тәжірибесіне ие.

Сабақтағы іс-әрекеттер:

Оқушыларды сапқа тұрғызып сәлемдесу, түгелдеу. Спорттық киімдеріне назар аудару. Оқушылар өздерін қалай сезініп тұрғандарына аса мән беру. Қауіпсіздік ережесін таныстыру, қайталау.

Бүгінгі сабақтың тақырыбы және мақсатымен таныстыру. Алдағы жұмыстармен таныстыру.

 Оқушыларға бүгінгі сабақ мақсатына байланысты сұрақтар қою (миға шабуыл)!!! Слайдтар мен жұмыс орындау.

• Командалық ойындарда не үшін тактикалық амалдарды қолданамыз?
• Тактика амалдар қаншалықты маңызды?
• Командаларда тактиканы кім ұсынады?
• Үлкен және кіші футболда қандай тактикалық комбинацияларды білесіңдер?

Активити (Пазлдар).

Спорт залдағы жарты алаңында белгілі үш үлкен футбол командаларынан құралған пазлдарды белгілі уақыт аралығында жылдам дұрыс жинау. Оқушылар жылдам және қаншалықты футбол ойыншылары мен командаларды дұрыс білетінін көрсетеді. Аяғынша, сол суреттегі тактикалық комбинацияларға кері байланыс береді.

Денені қыздыру жаттығулары:

Спорт зал бойынша айнала арнайы жүгіру жаттығуларын орындау. Шеңбер жасап тұру: мойын бұлшық еттерінен бастап жаттығу жасау. Иық, қол, аяқ буындарына жаттығу жасау.

(Т,Б,Ж) Оқушылар футбол добын конустар арасынан алып жүреді. Әр оқушыда бір доптан. Бұл жаттығуда оқушылар допты жақсы сезінуімен қатар аяқ буынын қыздырады. Конустар арасынан асықпай бір қалыпты дұрыс допты алып жүреді. Допты алып жүргенде аяқтың сыртқы немесе ішкі жағымен өз қалауларынша қолданады

Оқушылар бір-біріне допты еден арқылы пас алмасады. Жаттығуды орындауда доптың дұрыс қарсы тұрған оқушыға бағыттауын қадағалайды. Допты табан арқылы тоқтатып, аяқтың сыртқы жағымен апереді.

Оқушылар алаңның ортасында 3-2 не болмаса, 4-1 болып квадрат ойнайды. Бұл жаттығуда оқушылар жылдам допты бір-біріне әперу болып табылады. Оқушылардың жеке шеберліктері жақсы көрінеді.

Оқушылар кезек-кезек мұғалімнің допты шығарып беруі арқылы қақпаға тебеді

Оқушыларға қозғалыста демалыс жаттығу жасатып,

сапқа тұрғызу.

Соңында оқушылар рефлексия жүргізеді:

-нені білдім, нені үйрендім.

–нені толық түсінбедім.

Үй тапсырмасы – кіші футбол комбинацияларына көңіл бөлу, шабуылдағы тактикалық комбинацияларды үйрену

Саралау-оқушыларға көбірек қолдау көрсетуді жоспарлайсыз: бір оқушыдан күтілетін нәтиже, дербес қолдау көрсету, уақытты ұтымды пайдалануды есепке ала отырып, сабақтың кез-келген кезеңінде қолданыла алады.

Сабақ бойынша рефлекия:

1.Сабақ мақсаттары дұрыс қойылған ба? оқушылар нені үйренді?

2.Оқушылардың барлығы ОМ қол жеткізді ме?

3. Сабақта саралау дұрыс жүргізілді ме?

4. Сабақта уақыт кезеңдері сақталды ма ?

Жалпы оқушыларды бағалау:

Сабақтың жақсы екі аспектісі (оқытуға, үйренуге қатысты.)

Сабақты жақсартуға не ықпал ете алады (оқыту және үйрену)

Сабақ барысында сынып туралы немесе жекелеген оқушылардың жетістігі (қиындықтары туралы нені білдім, келесі сабақтарда неге көңіл бөлу қажет?)