Ойын барысында сенімділікті бекіту. Дене шынықтыру, 10 сынып, сабақ жоспары.

Мектеп:

Мұғалім:

Қатысатындар саны:

Сабақта жоқ:

Ойын барысында сенімділікті бекіту

10.1.5.5. Қабілеттерін жоғарылату, сенімділікті арттыру мақсатында тактикалар, стратегиялар мен құрылымдық идеялармен тәжірибе жүргізу.

Тактикалар мен стратегиялар тәсілдері

- командада жұмыс жасай алады;

- волейбол ойынында қорғаныс пен шабуылда тактикалық әрекеттерді ойлап таба алады;

- өз-өзіне сенімін арттырады, өз қабілеттерін тактика және стратегиялармен тәжірибе жүргізу арқылы дамытады.

Пән лексикасы және терминология:

• қабылдау, беріс
• соққы, дәлдік, пас, затты біреуге беру
• шабуыл, қорғаныс
• тактика, техника, стратегия, шешім
• қауіпсіздік, ойын ережесі
• қорғаушы, шабуылшы, ойыншы, шабуылдаушы, дәнекер
• ойын комбинациясы

Жеке жауапкершілік, көшбасшылық қабілет, бір-біріне көмек көрсету қабілеттерін дамыту.

Дене және денсаулық ғылымдарымен байланыс, қауіпсіздік, салмақ/ағым динамикасы. Информатика (интернеттен ақпарат іздеу), математика (кеңістік, бағыт және бұрыш), биология (ағзадағы биохимиялық өзгерістер), физика (жылдамдық, салмақ, энергия), психология (шағын топтарда жұмыс жасау) пәндерімен байланыс.

Ғаламтордан ақпарат табу үшін ноутбуктерді пайдалану, сабақты видео құралдарға жазып алу.

Оқушылар спорттық ойындардың, эстафетаның спецификалық түсініктерін біледі, алдыңғы сыныптарда үйренген дағдыларын игерген болады.

Жоспар

Сабақтағы жоспарланған іс-әрекет

Мұғалім оқушылармен сәлемдеседі.

Әрі қарай сыныппен «Миға шабуыл» әдісі арқылы сабақтың тақырыбын анықтайды:

- Сенім деген не?

- ойын барысында сенім қалай көрініс табады?

- ойын барысында бір-біріне деген сенімді қалайша нығайтуға болады?

Тақырып: «Ойын барысында сенімділікті бекіту».

Мұғалім оқушылардың сабақ мақсатын өздеріне құрастыруды тапсырады, содан кейін дайын мақсаттармен салыстыртқызады.

(С, Ж) Мұғалім жүгіру жаттығуларын денені қыздыру үшін жасатқызады. Одан кейін сынып ішінен қабілетті балағы дене бұлшықеттерін созу мақсатында аттығу жұмысын жасатқыздырады.

(С, ЖЖ) Сынып жұптарға бөлінеді. Доппен жұмыс:

- лақтыру жаттығулары;

- жоғарғы қабылдауды шыңдау;

- төменгі қабылдауды шыңдау.

Мұғалім ойын барысында әр оқушыға кері байланыс беріп, бағалап отырады.

Сұрақ: Волейбол ойынында қандай тактикалық әрекеттер білесіздер?

(С, Т) Сынып топтарға бөлінеді. Мұғалім әр топқа шабуылдың комбинациясын ойлап табуды тапсырады.

(С, Т, Ф) Әр топ өздерінің комбинацияларын таныстырады.

Топтар өзара бірін-бірі бағалайды.

Мұғалім кері байланыс береді.

(С, Т, Ф) Оқушылар сол топтарында қалады. Мұғалім алдағы (волейбол) ойынның стратегиялары мен тактикаларын талқылауды тапсырады.

Оқу-жаттығу ойыны..

Тапсырма:Командаларға дайындалған комбинациялармен тәжірибе жұмыстарын өткізу, ойында қолдану тапсырылады.

Ойыннан кейін әр команда өз ойынына баға береді. (Нені орйындай алдық? Не қиын болды? Нені дұрыстау керек?).

Сұрақ: Ойын барысында қандай қиындықтар туындада? Өз командаларындағы ойыншыларға деген сенімділіктерінді сезіндіңдер ме?

Сабақтың соңында оқушылар рефлексия өткізеді:

• нені білдім, неге үйрендім
• не түсініксіз болып қалды
• тағы немен жұмыс істеу қажет

Пәнаралық байланыс: - денсаулық және қауіпсіздік ережелері. - АКТ. - құндылықтармен байланыс (тәрбиелік элемент)

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?