Қауіпсіздік ережесі. Орнында және қозғалыста орындау жаттығулары. Дене шынықтыру, 8 сынып, қосымша материал. 25 сабақ.

Әдістемелік нұсқаулық № 1 сабақ

Сабақ тақырыбы: Қауіпсіздік ережесі. Орнында және қозғалыста орындау жаттығулары.

Оқу мақсаты: 8.3.4.1 денсаулыққа кері әсерін тигізуі мүмкін қауіп-қатерді төмендету, сондай-ақ техника қауіпсіздігі бойынша техника қауіпсіздігінің күрделі мәселелерін түсіне білу

Оқушыларды сабақ тақырыбымен, күтілетін нәтижелермен және сабақ мақсаттарымен таныстырыңыз.

Күтілетін нәтижелер

- гимнастика жаттығуларымен айналысу кезіндегі қауіпсіздік техникасын біледі.

- гимнастикалық жабдықтарды қолдану мен қозғалыс әрекеттерін орындаудағы қиындықтар мен тәуекелдерді түсінеді.

-қарапайым қозғалыстар реттілігін орындай алады.

-гимнастикалық жаттығулар реттілігін орындайды.

Оқушыларға сабақтағы қауіпсіздік техникасын еске салыңыз.

(П) «Ойлан тап » стратегиясын өткізіңіз.

Оқушыларға дененің құрлысын жазуды ұсыныңыз. . Мұғалім оқушылармен бірге алдағы ауыр дене жүктемесіне ағзаны дайындау үшін түрлі бұлшық ет топтарын ширатып шынықтыру үшін көшбасшыны таңдайды.

Денені ширатып шынықтырғаннан кейін мұғалім оқушыларға «смайликтер» стратегиясы бойынша жаттығудан кейінгі көңіл-күйді анықтауды ұсыныңыз.Гимнастика сабақтарындағы қауіпсіздік ережелері

-денені қыздырып алмай күрделі жаттығуларды орындауға болмайды;

-гимнастикалық құрал-жабдықтарда тек қана мұғалімнің көмегімен жаттығу керек;

-жүгіріп келіп секіретін жолда және секіріп түсетін орында тұруға болмайды;

-секіріп түсетін орынға гимнастикалық төсеніш (маты) төсеу қажет;

-спорт жабдықтарынан (ат бөрене, гимнастикалық қабырға) секіргенде, жерге міндетті түрде екі аяқпен түсу керек;

-бірінің артынан бірі жүріп келе жатқан кезде және жаттығу орындау барысында арақашықтық қатаң сақталсын;

-гимнастикалық құрал-жабдықтардың қолдануға жарамдылығын анықтап алу қажеттігін ұмытуға болмайды. Құрал-жабдықтардың таза болуын, тот баспауын қадағалап отыру керек. Снарядтардың бекітілуі мұқият тексерілсін;

-арқын бойымен жоғарыдан төмен түскенде, екі қолмен ұстап, екі аяқпен демеп, асықпай түсу керек;

-гимнастика сабағында міндетті түрде арнаулы киім кию қажет екенін ұмытуға болмайды;

-гимнастикалық таяқшамен немесе секіртпемен жаттығу орындағанда, оларды жақын тұрған балаларға тигізіп алмауды қатты ескеру керек.

Оқушылардың бірлескен жұмыс дағдыларын бақылаңыз және бағалаңыз. Үздік мысалдарды таңдап алыңыз және олардың жалпы қозғалыс сөздігін кеңейту үшін, қайталап көрулерін өтініңіз.

Оқушылар қауіпсіз кілемшелерін алып, белгіленген жерге орналасады. Оқушылардың аунау туралы түсінігін анықтап алыңыздар. Гимнастикалық мүмкіндіктерді көрсетіп талқылаңыздар. Мысалы, екі қолда және бір аяқпен жерде тұру, екінші аяқ ауада, ал бас төмен орналасады. Жұптық жұмыс: гимнастикалық аунау жаттығуларын орындау барысында болуы мүмкін жарақаттар мен қауіптер туралы сөйлесіңіздер. Оқушылар түрлі дене мүшелерін қолдана отырып жеке-жеке қарапайым аунаудағы тепе-теңдікті сақтау мәселесін зерттейді. Олар өз әрекеттеріндегі дәлдік пен меңгерушілік қасиеттерін көрсетеді.

Оқушыларды саптағы гимнастикалық жаттығуларды бағалау:Бір орында.- Бір қатардан екі қатарға тұру.- Екі қатардан бір қатарға тұру.Жүрісте:- Бір колонадан ортадан екі колонамен жүру.- Бір колонадан ортадан үш колонамен жүру.- Бір колонадан ортадан төрт колонамен жүру.

Дескриптор :

-қауіпсіздік ережесін біледі.

- екі қолда және бір аяқпен жерде тұра алады.

-бір қатардан екі қатарға тұру жаттығуын орындайды.

-қатарда саптағы жаттығуларды дұрыс орындай алады.

Оқушылардың саптық амалдары принципін түсінуін тексеріңіз және талдаңыз.

Нұсқа: топтағы көшбасшылар ауыса алады.

Сұраңыз: бұл тапсырмаларда сізде не сәтті болды, ал немен тағы да жұмыстану қажет?

Мұғалім оқушыларға «Жетістік сатысы» стратегиясын ұсынып, рефлексия жүргізіңіз.

Оқушылар рефлексиялық карточкаларды толтырады.

Зейінді және тыныс алуды қалпына келтіру жаттығуларын орындатыңыз.

Оқушылар мұғалімнің көрсеткенін және айтқанын істейді (жалпы дамытушы жаттығулар), қателескен оқушы орнына отырады. Ергежейлілер – алыптар (Ергежейлілер – отырды, алыптар – тұрды).

Сабақ соңында оқушыларға тамырдың соғу ырғағын санатыңыз.