«Әділ ойын» және ынтымақтастық. Дене шынықтыру, 6 сынып, сабақ жоспары. 75 сабақ.

Ұзақ мерзімді жоспар бөлімі:

6 бөлім: Шытырман оқиғалы ойындар

Күні:

Сынып: 6

«Әділ ойын» және ынтымақтастық

6.2.1.1. Өзгермелі жағдайға жауап қайтара білу қимыл-әрекеттерімен байланысты білімді анықтау және қолдана білу

Өзгермелі жағдайға жауап қайтара білу қимыл-әрекеттерімен байланысты білімді анықтауға және қолдана білуге үйрету

Волейбол ойынындағы өзгермелі жағдайға жауап қайтара білу қимыл-әрекеттерімен байланысты білімді анықтай және қолдана біледі.

Шытырман ойындарда өзінің дағдыларын талқылау, талдау және көрсету.

Мыналарды қамтиды:

• Шабуыл, қорғаныс
• Әділ ойын , жарыс кезіндегі қарым-қатынас
• Кеңістікте бағдар алу.
• Командалық жұмыс
• Тактика, стратегия, шығармашылық қабілет
• Көшбасшылық дағды
• Жүгіру, бағыт өзгертіп, жылдам жүгіру
• Ынтымақтастық сыни ойлау

Талқылауға арналған сұрақтар:

• Белсенді әрекет дегеніміз не ?
• Ойын алаңында ұсыныс қабылдаудың ең қолайлысы қандай?
• Команда ретінде алаңда әрекет етудің жолдарына қалай жетуге болады?
• Көшбасшы болу үшін қандай негізгі қасиеттер болу керек?
• Тапсырма орындаған кезе қандай қиындықтарға тап болдыңыз?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Оқушылар волейбол элементтерін қозғалмалы ойындар арқылы дағдылар мен қабілеттер білімін дене тәрбиесі және алдыңғы сыныптарда, сабақтан тыс уақыттарда қамтыған.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Білім алушылар волейболмен айналысу кезіндегі қауіпсіздік ережелері бойынша жалпы талаптармен таныстырылады. Білім алушылар жүру, жүгіру кезіндегі жаттығуларын орындағаннан кейін, демдерін қалпына келтіріп, дененің барлық бұлшық еттеріне дене қыздыру жаттығуларын орындайды.

(С, Ж, ҚБ) Білім алушылар волейболдағы допты тура төменнен ойынға қосу техникасымен таныстырылады.

1. Допты ойынға қосу кезінде ойыншы торға бетін бағыттап тұрады, денесі сәл алға еңкейген, аяқтары тізеде бүгілген,оң(сол) аяқ алда, допты сәл бүгілген оң(сол) қолмен бел тұсында ұстайды.

2. Допты ойынға қосарда сызықты баспайды.

3. Сермеу кезінде түзу оң(сол) қолды артқа апарады.

4. Допты 20-30 см жоғары лақтырады.

5. Соққыны қарсы бағыттағы оң(сол) қолдың(қолдың буынын қатайтып ұстап) қимылымен(шамамен белдің тұсынан) төменнен-алға-жоғары орындайды.

6. Соққы орындалған кезде оң(сол) аяқ бір мезгілде бүгіп, дене салмағын сол(оң) аяққа түсіреді.

7. Доптың ұшу күші жоғалмау үшін соққыдан кейін қолын алға қарай бағыттайды.

Осыдан кейін допты тура төменнен ойынға қосу әдісін үйрену үшін білім алушыларды екі топқа бөліп, волейбол алаңының бет сызығының сыртына тұрғызып, тор арқылы келесі тапсырмалар беріледі:

• допсыз қимылын (имитация) орындайды;
• доппен орындайды.

Осы тапсырманың дескрипторлары:

• Жаттығулар орындау кезіндегі қауіпсіздік ережелерін біледі және сақтайды;
• Өзгермелі жағдайға жауап қайтара білу қимыл-әрекеттерімен байланысты білімді қолданады;
• Соққыны қарсы бағыттағы оң(сол) қолдың(қолдың буынын қатайтып ұстап) қимылымен(шамамен белдің тұсынан) төменнен-алға-жоғары орындайды.
• Денесі сәл алға еңкейген, аяқтары тізеде бүгілген,оң(сол) аяқ алда, допты сәл бүгілген оң(сол) қолмен бел тұсында ұстайды.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Өзіңіздің және өзгелердің жасаған жұмысын қалай жақсартуға болады? Топта жұмыс жасау тиімді болу үшін қандай әрекет жасадыңыз? Ойын кезінде серіктестік қалай дамиды? Ойыншылар бірге жақсы жұмыс жасау үшін қалай көмектесе аласыз? Сыныптастарыңызбен қандай білім, дағдылармен бөлісе аласыз?

(Т, Ж, ҚБ) «Тор арқылы екі доппен». Сыныпты тең бірнеше командаларға бөлінеді. Ойынды алғашқы екі команда бастайды. Әр команда волейбол добын алады.

Мұғалімнің ысқырығы бойынша допты тор арқылы қарсыластың жағына лақтырады. Допты лақтыру бір жақта бір уақытта екі доп болғанға дейін жалғасады. Ысқырық беріледі, ойын тоқтайды және өз жағына екі доп түскен команда басқа командаға бір ұпай жеңіледі. Доптар командаларға қайтарылады және оларды қайта лақтыру басталады (белгі бойынша).

Алғаш болып 10 ұпай жинаған команда жеңіске жетеді. Осыдан кейін өз кезегі келген келесі ко мандалар ойнайды.

Ойын кезіндегі негізгі ережелер:

Екі доп та бір уақытта қарсылас жағында болмауы тиіс. Егер беру кезінде доптар ауада соқтығысса, ойыншылар доп берілісін қайталайды. Егер ойыншы допты тор арқылы ысқырыққа дейін берсе, оның командасы бір ұпай жеңіледі. Әрбір ережені бұзғаны үшін командаға айып ұпайлары есептеледі.

Осы тапсырманың дескрипторлары:

• Жаттығулар орындау кезіндегі қауіпсіздік ережелерін біледі және сақтайды;
• Өзгермелі жағдайға жауап қайтара білу қимыл-әрекеттерімен байланысты білімді қолданады.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Өзіңіздің және өзгелердің жасаған жұмысын қалай жақсартуға болады? Топта жұмыс жасау тиімді болу үшін қандай әрекет жасадыңыз? Ойын кезінде серіктестік қалай дамиды? Ойын кезінде әділ ойын қағидасын қалай көрсетуге болады? Ойыншылар бірге жақсы жұмыс жасау үшін қалай көмектесе аласыз? Сыныптастарыңызбен қандай білім, дағдылармен бөлісе аласыз?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

 - нені білдім, нені үйрендім?

 - нені толық түсінбедім?

 - немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы бірін-бірі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Өзгермелі жағдайға жауап қайтара білу қимыл-әрекеттерімен байланысты білімді барлық білім алушылар анықтайды және қолданады деп жоспарлап отырмын.

Қабілеті жоғары оқушыларға өзгермелі жағдайға жауап қайтара білу қимыл-әрекеттерімен байланысты білімді анықтау және қолдану кезінде сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?