Ынтымақтастық дағдыларын дамыту. Дене шынықтыру, 6 сынып, сабақ жоспары. 66 сабақ.

Ұзақ мерзімді жоспар бөлімі:

6 бөлім: Шытырман оқиғалы ойындар

Күні:

Сынып: 6

Ынтымақтастық дағдыларын дамыту.

6.2.2.1. Көшбасшылық дағдылар мен команда құрамында жұмыс істей білуді анықтау және қолдана білу

Көшбасшылық дағдылар мен команда құрамында жұмыс істей білуге үйрету

Волейбол ойынында көшбасшылық дағдылар мен команда құрамында жұмыс істей білуді анықтай және қолдана алады.

Шытырман ойындарда өзінің дағдыларын талқылау, талдау және көрсету.

Мыналарды қамтиды:

• Шабуыл, қорғаныс
• Әділ ойын , жарыс кезіндегі қарым-қатынас
• Кеңістікте бағдар алу.
• Командалық жұмыс
• Тактика, стратегия, шығармашылық қабілет
• Көшбасшылық дағды
• Жүгіру, бағыт өзгертіп, жылдам жүгіру
• Ынтымақтастық сыни ойлау

Талқылауға арналған сұрақтар:

• Белсенді әрекет дегеніміз не ?
• Ойын алаңында ұсыныс қабылдаудың ең қолайлысы қандай?
• Команда ретінде алаңда әрекет етудің жолдарына қалай жетуге болады?
• Көшбасшы болу үшін қандай негізгі қасиеттер болу керек?
• Тапсырма орындаған кезе қандай қиындықтарға тап болдыңыз?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Оқушылар волейбол элементтерін қозғалмалы ойындар арқылы дағдылар мен қабілеттер білімін дене тәрбиесі және алдыңғы сыныптарда, сабақтан тыс уақыттарда қамтыған.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Білім алушылар волейболмен айналысу кезіндегі қауіпсіздік ережелері бойынша жалпы талаптармен таныстырылады. Білім алушылар жүру, жүгіру кезіндегі жаттығуларын орындағаннан кейін, демдерін қалпына келтіріп, дененің барлық бұлшық еттеріне дене қыздыру жаттығуларын орындайды.

(С, Ж, ҚБ) Білім алушылар волейболдағы допты екі қолмен жоғарыдан қабылдау және қайтару техникасымен таныстырылады. Осыдан кейін допты екі қолмен жоғарыдан беру, қабылдау әдістерін үйрену үшін білім алушылар жұптарда келесі тапсырмаларды орындайды:

1 тапсырма.

1-ші ойыншылар допты жоғарыдан екі қолмен әріптесіне лақтырады, ал 2-ші ойыншылар допты жоғарыдан екі қолмен қабылдап, бірден қайтаруға тырысады.Тапсырманы орындау кезінде ойыншылардың допты жоғарыдан қабылдау және қайтару техникасымен орындалғаны қадағаланады. Допты алу кезінде аяқ жартылай бүгілу, қол жоғары, саусақ арасы ашық және мықты ұсталған қалыпта болуы керек екендігі және допты жұдырықпен қабылдауға болмайтындығы ескертіледі.

2 тапсырма.

1-ші ойыншылар допты жоғарыдан екі қолмен өзінің үстіне жоғарыдан допты қайтару әдісімен лақтырады да, түсіп келе жатқан допты әріптесіне жоғарыдан қайтару әдісімен жібереді, ал 2-ші ойыншылар допты жоғарыдан екі қолмен қағып алады да, 1-ші ойыншылар орындағандай қайтарады. Тапсырманы орындау кезінде ойыншылардың допты жоғарыдан қабылдау және қайтару техникасымен орындалғаны қадағаланады. Допты алу кезінде аяқ жартылай бүгілу, қол жоғары, саусақ арасы ашық және мықты ұсталған қалыпта болуы керек екендігі және допты жұдырықпен қабылдауға болмайтындығы ескертіледі.

Осы тапсырманың дескрипторлары:

• Жаттығулар орындау кезіндегі қауіпсіздік ережелерін біледі және сақтайды;
• көшбасшылық дағдылар мен команда құрамында жұмыс істей біледі;
• допты жоғардан қабылдау кезінде ойыншының дұрыс тұру қалыбын орындайды (аяқ иық денгейінде, бір аяғы сәл алда);
• бас бармағы мен сұқ саусағы теңбүйірлі үш бұрыш құрайтындай қолдарын сыртқа бағыттайды.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Өзіңіздің және өзгелердің жасаған жұмысын қалай жақсартуға болады? Жаттығуларды орындау барысында көшбасшылық қасиет қалай байқалады? Топта жұмыс жасау тиімді болу үшін қандай әрекет жасадыңыз?

(Т, Ж, ҚБ) Сыныпты екі топқа бөліп, ойын өткіземін. Әр топ допты тор арқылы немесе жіп арқылы қарсыластарының, алаңына түсіру және өз алаңына түсіруге жол бермеу керек. Допты ұстап алған ойыншы оны қайта бірден немесе әр команда өз жағында бір, екі рет пас беріп қарсыласының алаңына лақтыру керек.

Әр қателік үшін қарсылас командасына бір ұпай жазылады.

Содан соң доп қайта ойнатылады. Допты ойынға қосу бір қолмен төменнен, жанынан немесе жоғарыдан лақтыру арқылы орындалады. Доп торға тигізсе қателікке саналмайды.

Ойын белгілі бір уақытқа дейін жалғасады. 1 партия 15 ұпайға дейін ойналады.

Осы тапсырманың дескрипторлары:

• Жаттығулар орындау кезіндегі қауіпсіздік ережелерін біледі және сақтайды;
• көшбасшылық дағдылар мен команда құрамында жұмыс істей біледі.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Өзіңіздің және өзгелердің жасаған жұмысын қалай жақсартуға болады? Жаттығуларды орындау барысында көшбасшылық қасиет қалай байқалады? Топта жұмыс жасау тиімді болу үшін қандай әрекет жасадыңыз?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

- нені білдім, нені үйрендім?

- нені толық түсінбедім?

- немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы өзін-өзі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Көшбасшылық дағдылар мен команда құрамында барлық білім алушылар жұмыс істей алады деп жоспарлап отырмын.

Қабілеті жоғары оқушыларға көшбасшылық дағдылар мен команда құрамында жұмыс жасау кезінде сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?