Акробатикалық жаттығулар комбинациясын орындау. Дене шынықтыру, 6 сынып, cабақ жоспары. 28 сабақ.

Ұзақ мерзімді жоспар бөлімі:

3 бөлім: Құрал жабдықтар арқылы гимнастика дағдыларын арттыру

Күні:

Сынып: 6

Акробатикалық жаттығулар комбинациясын орындау

6.3.2.1. Дене қыздырыну мен қалпына келу техникаларының басты құрамдарының ағзаға тигізетін әсерін түсіндіру және оларды орындау.

Дене қыздырыну мен қалпына келу техникаларының басты құрамдарының ағзаға тигізетін әсерін және олардың орындалуын түсіндіру.

Дене қыздырыну мен қалпына келу техникаларының басты құрамдарының ағзаға тигізетін әсерін түсіндіре және оларды орындай алады.

Композициялық дайындық кезінде жеке, жұптық және топтық гимнастикалық тапсырмаларын көрсете және сипаттай алады.

Мыналарды қамтиды:

• гимнастикалық снаряд, көтеру орнына қою;
• мақсат, тәуекел, қауіпсіздік;
• алға домалау, артқа домалау.

Талқылауға арналған сұрақтар:

• Акробатикалық жаттығулардың денеге әсері қандай?
• Снарядтарда жаттығулар орындау кезінде қауіпсіздік ережелерін бұзушылықты болдырмау үшін не істеу керек?
• Егер сіз сабақ кезінде өзіңізді нашар сезінсеңіз, қолыңыздың терісі немесе жаралардың қызаруы, пайда болса қандай әрекет жасайсыз?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Білім алушылар алдыңғы сабақтардан және сабақтан тыс уақыттан алған гимнастика бойныша білімдері мен дағдылары бар.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Білім алушылар гимнастикамен айналысу кезіндегі қауіпсіздік ережелері бойынша жалпы талаптармен таныстырылады. Білім алушылар жүру, жүгіру кезіндегі жаттығуларын орындағаннан кейін, демдерін қалпына келтіріп, дененің барлық бұлшық еттеріне дене қыздыру жаттығуларын орындайды.

(Т, Ж, ҚБ) Жауырынға тұру жаттығуы:1. Теріс қарап жүреден отыру.2. Тізені ұстап артқа құлау.3. Аяқты бүгіп, қолды белге тіреу.4. Жауырынға тұрып аяқты түзу ұстау.

Осы тапсырманың дескрипторлары:

• Гимнастика сабақтарында болуы мүмкін қауіпті жағдайлар мен жарақаттар туралы біледі;
• болуы мүмкін қауіпті жағдайлар мен жарақаттардың алдын алу жолдарын біледі.

Сұраңыз: Қауіпсіздік ережелерін сақтаудың маңыздылығы қандай? Гимнастикамен айналысқан кезде жарақат алмау үшін қандай қауіпсіздік ережелерін сақтауымыз қажет?

(С, Ж, ҚБ) Білім алушылар алға домалау техникасына арналған жаттығуларды орындайды.

Осы тапсырманың дескрипторлары:

• Гимнастика сабағындағы қауіпсіздік ережелерін біледі және сақтайды;
• Негізгі қалыпта тұрады. Оң(сол) қолын түзу жоғары көтереді;
• Гимнастикалық маттың алдында аяқтарын қосып, оларды тізеде бүгіп, сәл отырады;
• Қолдарын алдында гимнастикалық матқа қойып, шынтақта сәл бүгеді (қолдарын иық деңгейінде қояды);
• Иықтарын алға жіберіп, дене салмағын қолдарына түсіреді.
• Аяқтарын тізеде түзеп, иегі кеудесіне тигенше басын алға иеді.
• Аяқтарымен итеріліп, дене салмағын екі қолына түсіріп, желкесін тигізе алға аударылып, жауырынға, арқаға түсіп, аяқтарын бүгеді.
• Топтасу: шынтақтарын денесіне қысып, қолдың буынымен жіліншігін ұстайды, арқасы дөңгелек.
• Тұру: домалауды орындағаннан кейін табандары еденге толық қойылған, аяқтары жазылған, ал қолдарын басынан жоғары екі жаққа қояды, алақандары төмен.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Өздеріңіздің практикалық білімдеріңізді және дағдыларыңызды күнделікті өмірде қалай қолданасыздар?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

 - нені білдім, нені үйрендім?

 - нені толық түсінбедім?

 - немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы бірін-бірі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Дене қыздырыну мен қалпына келу техникаларының басты құрамдарының ағзаға тигізетін әсерін барлық білім алушылар түсіндіреді және орындайды деп жоспарлап отырмын.

Қабілеті жоғары оқушыларға дене қыздырыну мен қалпына келу техникаларын орындау кезінде сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?