Акробатикалық жаттығулар комбинациясын орындау. Дене шынықтыру, 6 сынып, сабақ жоспары. 30 сабақ.

Ұзақ мерзімді жоспар бөлімі:

3 бөлім: Құрал жабдықтар арқылы гимнастика дағдыларын арттыру

Күні:

Сынып: 6

Акробатикалық жаттығулар комбинациясын орындау

6.1.2.1. Қимыл-қозғалыс комбинацияларын және олардың кейбір жаттығулардағы реттілігін құру және орындау

Қимыл-қозғалыс комбинацияларын және олардың кейбір жаттығулардағы реттілігін құруды және орындауды үйрету.

Қимыл-қозғалыс комбинацияларын және олардың кейбір жаттығулардағы реттілігін құрастырады және оларды орындай алады.

Композициялық дайындық кезінде жеке, жұптық және топтық гимнастикалық тапсырмаларын көрсете және сипаттай алады.

Мыналарды қамтиды:

• гимнастикалық снаряд, көтеру орнына қою;
• мақсат, тәуекел, қауіпсіздік;
• алға домалау, артқа домалау.

Талқылауға арналған сұрақтар:

• Акробатикалық жаттығулардың денеге әсері қандай?
• Снарядтарда жаттығулар орындау кезінде қауіпсіздік ережелерін бұзушылықты болдырмау үшін не істеу керек?
• Егер сіз сабақ кезінде өзіңізді нашар сезінсеңіз, қолыңыздың терісі немесе жаралардың қызаруы, пайда болса қандай әрекет жасайсыз?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Білім алушылар алдыңғы сабақтардан және сабақтан тыс уақыттан алған гимнастика бойныша білімдері мен дағдылары бар.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Білім алушылар гимнастикамен айналысу кезіндегі қауіпсіздік ережелері бойынша жалпы талаптармен таныстырылады. Білім алушылар жүру, жүгіру кезіндегі жаттығуларын орындағаннан кейін, демдерін қалпына келтіріп, дененің барлық бұлшық еттеріне дене қыздыру жаттығуларын орындайды.

(Т, Ж, ҚБ) Үйренген элементтерден акробатикалық жиынтық әдісін құру.

Бастапқы қалып-негізгі тұрыс, оң (сол) қол жағары.

Алға домалау:

отырып тірелу(тізелер бірге, қолдары жерде, иықтары алда, басы түзу);

иықтар алға қарай берілген, дене салмағы қолға бағытталған, аяқты тіктей отырып иек кеудеге қысылған, аяқпен итеріліп домалау, жауырынға түсе берген кезде аяқтар бүгіледі;

Жинақталу: шынтақтар денеге қысылған, қол сирақты қысады, арқа дөңгеленеді;

Отырып тірелу: тізелер бірге, қолдар жерде, бас түзу;

Негізгі тұрыс: өкше бірге, аяқтар тік, қолдар төмен, алақан ішке қарап тұрады.

Жауырынға тұру жаттығуы:1. Теріс қарап жүреден отыру.2. Тізені ұстап артқа құлау.3. Аяқты бүгіп, қолды белге тіреу.4. Жауырынға тұрып аяқты түзу ұстау.

«Қарлығаш» элементі

• Бастапқы қалып-негізгі тұрыс
• Арқа түзу
• Қол екі жаққа
• Аяқ бірге
• Бір аяқты артқа көтеріп (аяқ барынша жоғары көтерілуі керек және екі аяқты түзу ұстау қажет)дене тік ұстау керек

Бастапқы қалып-негізгі тұрыс: екі қол екі жаққа-жоғары

Осы тапсырманың дескрипторлары:

• Гимнастика сабағындағы қауіпсіздік ережелерін біледі және сақтайды;
• акробатикалық комбинацияларды құрастырады;
• акробатикалық комбинацияларды дұрыс орындайды.

Сұраңыз: Жаттығуларды орындау кезінде қандай қауіпсіздік ережелерін сақтауымыз қажет? Комбинацияларды орындау кезіндегі реттілікті сақтау қаншалықты маңызды?

(Т, Ж, ҚБ) Білім алушылар комбинациялардағы жекелеген элементтерді қайталап, шеберліктерін шыңдайды. Аяқтарды бүгіп жауырынмен тік тұру

Жауырынмен тік тұру топталуда артқа домалау арқылы орындалады. Жауырынмен жəне желкемен тірелу кезінде қолдар белдің астына (үлкен саусақпен алға қарай), аяқтар бүгулі, сирақтар тік қойылады. Бұл бастапқы жаттығулар жауырынмен тік тұруды үйретуге арналған.

• Таянып отырып артқа жəне алға домалау.
• Артпен таянып отырып аяқты бүгіп артқа домалап бүгілген аяқтармен жауырынмен тік тұру.
• Таянып отырудан артқа домалап аяқтарды бүгіп жауырынмен тік тұру.

Оқушының бір жағында бір қолмен арқасынын, екінші қолмен аяқтарынан ұстап көмектесу.

Осы тапсырманың дескрипторлары:

• Гимнастика сабақтарында болуы мүмкін қауіпті жағдайлар мен жарақаттар туралы біледі;
• болуы мүмкін қауіпті жағдайлар мен жарақаттардың алдын алу жолдарын біледі;
• домалау иық пен басты артқа итеру арқылы орындалады;
• қолдар арқаға қойылады, шынтақтар кең ұсталады;
• дене тік қалыпты қабылдамайды;
• жіліншік тік қалыптан ауытқиды, аяқтың ұштары созылмайды.

Сұраңыз: Қауіпсіздік ережелерін сақтаудың маңыздылығы қандай? Гимнастикамен айналысқан кезде жарақат алмау үшін қандай қауіпсіздік ережелерін сақтауымыз қажет?Өздеріңіздің практикалық білімдеріңізді және дағдыларыңызды күнделікті өмірде қалай қолданасыздар?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

 - нені білдім, нені үйрендім?

 - нені толық түсінбедім?

 - немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы бірін-бірі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Қимыл-қозғалыс комбинацияларын және олардың кейбір жаттығулардағы реттілігін барлық білім алушылар құрастырады және орындайды деп жоспарлап отырмын.

Қабілеті жоғары оқушыларға қимыл-қозғалыс комбинацияларын және олардың кейбір жаттығулардағы реттілігін құру және орындау кезінде сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?