Салауатты өмір салтын қалыптастыру. Дене шынықтыру, 3 сынып, презентация. 94 сабақ.

8 бөлім: Жеңіл атлетика арқылы салауатты өмір салты

Тақырыбы: Салауатты өмір салтын қалыптастыру

3-сынып

Оқу мақсаттары:

3.3.1.1 Дене жаттығуларының, сауықтыру пайдасы денсаулықты нығайтуға ықпал ететін көрсете білу және түсіну

Оқу бағдарламасына сілтеме

3.1. Денсаулық пен салауатты өмір салтының дене белсенділігіне маңыздылығын түсіну

Сабақ мақсаты:

Дене жаттығуларын орындау кезінде олардың ағзаға тиетін пайдасын түсінеді және көрсетеді.

Бағалау критерийлері:

Дене жаттығуларының сауықтыру пайдасын түсінеді;

Денсаулықты нығайтуға пайдалы жаттығуларды көрсетеді.

Бөлім мен тақырыпқа қысқша шолу

Адамның денсаулығы – қоғам байлығы. Әрбір адам өз денсаулығының мықты болу жолдарын қарастыру керек. Дені сау адамның көңіл-күйі көтеріңкі болып, еңбекке әрқашан құлшына кіріседі. Халқымыз «Дені саудың – жаны сау» деп орынды айтқан. Отанымыздың келешегі, көркеюі – салауатты өмір салтын сақтау қолдауда. 

Денсаулық – бұл адамның еңбекке белсенді болуы, әрі ұзақ өмір сүруі, тәннің саулығын және рухани саулығын сезіну. 

Тапсырма

(С, Т, Ж) «Үшінші ойыншы артық». Ойыншылар алаңның ішінде жұппен үлкен айналым жасап орналасады. Жұптардың арақашықтығы 4-5 метр. Ойынның ішінде бір қуғыншы, бір қуғыншыдан қашатын ойыншы сайланады. Екеуі де сызықтың сыртқы бөлігінде, жанында тұрады. Мұғалімнің белгісі бойынша қуғыншы, қашып бара жатқан қашқын ойыншыны қуып жетіп иығынан соғуы қажет. Қашып жүрген ойыншы қуғыншыны жеткізбей кез–келген жұптың алдына тұра қалуына болады. Сол кезде жұптың артық үшінші ойыншысы қуғыншыдан қашуы тиіс. Егерде қуғыншы қуып жетіп алса екеуі рөлдерін ауыстырады. Белгіленген айналым сызығын бұзуға болмайды. Мұғалім осы ойын бойынша қауіпсіздік ережесіне назар аударуы қажет. Оқушыларға бұл ойын арқылы жылдамдық, ептілік, кеңістікті назарға ұстау қасиеттері дамитынын түсіндіріп айтады. Оқу тапсырмасы бойынша рефлексия жүргізіңіз.

«Үшінші ойыншы артық» ойыны.

Дескриптор:

- Ойын кезіндегі қауіпсіздік ережесін сақтайды.

- Жүгіру кезіндегі қозғалыс әрекеттерін жасайды.

- Ойынның ережесін біледі.

Сабақ соңында оқушылар рефлексия жүргізеді:

- нені білдім, нені үйрендім?

- нені толық түсінбедім?

- игеру үшін не қажет? деген сұрақтарға жауап іздейтін болады. Оқушылар сабақты үш тілде бағалайды.

Үй тапсырмалары беріледі;

Мұғалім тарапынан кері байланыс жүргізіледі (сабақ барысында кеткен қателіктер мен артықшылықтар ауызша айтылады).

Рефлексия