Салауатты өмір салтын қалыптастыру. Дене шынықтыру, 3 сынып, презентация. 91 сабақ.

3 сынып

№8 бөлім:

Жеңіл атлетика арқылы салауатты өмір салты

Сабақтың тақырыбы:

Салауатты өмір салтын қалыптастыру

Оқу мақсаты:

3.3.4.4. Денсаулықты нығайтуға ықпал ететін дене жаттығуларын орындау кезінде тиісінше жауап қайтарып, қиындықтар мен тәуекелдерді қалай еңсеру керек екендігін түсіну және көрсету.

3.3.1.1 Дене жаттығуларының, сауықтыру пайдасы денсаулықты нығайтуға ықпал ететін көрсету.

Сабақ мақсаты:

Денсаулыққа пайдалы дене жаттығуларын қалай орындау керектігін біледі және дене жаттығуларының орындалуын көрсетеді.

Бағалау критерийлері:

- Денсаулыққа пайдалы жаттығуларды біледі;

- Дене жаттығуларының орындалуын көрсетеді;

- Қиындықтарды еңсеру керектігін түсінеді.

Бұл бөлімде, оқушылар қозғалыс әрекеттері кезінде денедегі өзгерістерді түсіндіреді, салауатты өмір салтын қалыптастырады, қозғалыс белсенділігіне қатысады.

«Тақырып көлеміндегі әрекеттер»

Оқушылармен сәлемдесу. Түгелдеу. Спорттық киімдеріне назар аудару. Оқытушы сынып ішінде жарақаттанудың алдын алу үшін қауіпсіздік техникасы бойынша нұсқаулықты жүргізеді.

Бүгінгі сабақтың тақырыбы және мақсатынмен таныстыру.

- Орында жасалатын жаттығулар. Оңға, солға, айналу жаттығулары.

- Жүру кезінде жасалатын жаттығу. Аяқтын ұшымен, өкшемен,аяқтың сыртқы қырымен, аяқтың ішкі қырымен, жартылай отырып,толық отырып жүру.

Жүгіру барысында жасалатын жалпы дене дамыту жаттығулары

- Оң қапталман қолды алдыға айналдырып жүгіру

- Кері бағытта сол қапталман қолды артқа айналдырып жүгіру

- Тізені жоғарыға көтеріп жүгіру

- Өкшені артқа лақтырып жүгіру

- Қолды белге қойып,аяқты алдыға қайшылап жүгіру

- Артпен жүгіру

Тынысты қалыпқа келтіру

Үлкен шеңбер бойына тұрып жалпы дамыту жаттығуларын орындау.

Бағалау: Оқушылар тарапынан берілген ақпаратқа мадақтау арқылы қолдау көрсету.

«Салауатты өмір салтын қалыптастыру»

Оқушыларға сабақтың тақырыбын және оқу мақсатын түсіндіре отырып, салауатты өмір салтын ұстану үшін күнделікті дене жаттығуларының пайдасын түсіндіре отырып, қандай жаттығуларды өз еркілерімен орындайтынын сұрау. Күнделікті дене жаттығуларының пайдасын түсіндіре отырып, сыныпты шағын топтарға бөліп, топтарға салауатты өмір салтын ұстану үшін адам ағзасына пайдалы жаттығулар ретін орындап көрсетуді тапсыру.

1-тапсырма

Дене жаттығуларының пайдасын және орындау реттілігін көрсету.

Оқушылар шағын топтарда адам ағзасына пайдалы жаттығулардың реттілігін орындап көрсетеді. Бас, аяқ-қол, бел жаттығуларының пайдасын айта отырып, көрсетулері қажет.

2-тапсырма

Таза ауада таңғы жүгірудің пайдасын түсіндіру.

Оқушылар жүгірудің дұрыс реттілігін және дұрыс тыныс алудың жолдарын түсіндіріп кқрсетулері қажет.

Қорытынды: Оқушылардан сұрақ жауап арқылы салауатты өмір салтын қалыптастыру үшін біз нені дұрыс орындау керек екендігімізді сұрау.

Сұраңыз: Неліктен физикалық жаттығуларды тұрақты орындау қажет? Оқушылар орындаған тапсырмаларды қорытындылау. Топтардың бір-бірінің тапсырмаларын бағалауға даңдыландыру.

«Сабақты қорытындылау»

Мақсаты: Қол жеткен нәтижелер туралы ойлану, өзіндік талдау жүргізуге дағдыландыру.

Сипаттама: Өтілген тақырып туралы кері байланыс беру үшін мұғалім сұрақ қояды, оқушылар ауызша қорытынды айтады. Дене қыздыру адам ағзасына жақсы жүктеме бола ала ма? Қозғалыс әрекеттерімен айналысқан кезде біздің дене қызуымызда қандай өзгерістер болады?

Мұғалім әрекеті: Сұрақ-жауап арқылы кері байланыс жүргізеді. Жақсы нәтижеге қол жеткізген оқушылар мен үздік үштікті атайды. Жетілдіру жаттығуларын ұсынады.

Оқушының әрекеті: Қиын болған немесе жүзеге асыра алмаған мәселелер бойынша сұрақ қояды. Үздік болу үшін өзіндік ойлармен бөліседі. Мұғалім сұрағына жауап береді. Теріктесіне тілек білдіреді.

Бағалау: Оқушылардың өзіндік және серіктесін бағалауы тәжірибеленеді. Бір-бірлеріне ауызша кері байланыс береді.

Күтілетін нәтиже:

Негізгі қозғалыс дағдыларын меңгеру;

Қозғалыс үйлесімділігі мен нақтылықты меңгеру;

Зерттеушілік дағдылардың пайда болуы;

Спорт түрлеріне, дене жаттығуларына, қимыл-қозғалыс ойындарына деген қызығушылықтың оянуы ;

Талдау, таңдау, достық қарым-қатынас орнату мен біріккен іс-әрекет жасай білу;

Жеңіл атлетикалық дағдыларды игеру.

Рефлексия. Сабаққа берілетін кері байланыс.

Бүгінгі өткізілген сабақтан оқушылардан кері байланыс алу. Сабақтан алған әсерлерін қағаздарға жазу немесе жесттер арқылы бағалауды сұрау.