Баскетбол элементтері бар эстафета. Дене шынықтыру, 3 сынып, дидактикалық материал. 77 сабақ.

№77 сабаққа арналған дидактикалық материалдар және керекті құрал-жабдықтар.

№ 6 бөлім: Топтық ойындар элементтері

Тақырып: Баскетбол элементтері бар эстафета

Тақырыпқа сай іс-әрекеттер:

Оқушы сабақтың басынан мұғалім айтқан ережелерді ескере отырып, мақсатқа сай тапсырмаларды мұқият орындауы қажет.

Кіріспе бөлімде қауіпсіздік ережелерін мұқият есте сақтап, денені қыздыру жаттығуларын орындайды. Жалпы дамыту жаттығуларын орындауда мұғалім айтан нұсқаулықтарды ескере денені созу жаттығуларын орындайды.

Негізгі бөлімде оқу мақсатына сай іс-әрекеттер жасайды. Мұғалім берген тапсырмалар немесе қимыл-қозғалыс ойынын ережемен ойнау қажет. Құрал-саймандармен жұмыс жасауда мұқият болу керек.

Сабақтың қорытынды бөлімінде өткізілген сабаққа қорытынды жасап, кері байланыс беру қажет.

Бағалау: Оқушылар тарапынан берілген ақпаратқа мадақтау арқылы қолдау көрсету.

Негізгі бөлім: «Баскетбол элементтері бар эстафета»

Оқушыларға бүгінгі оқу мақсатын түсіндіре отырып, тақырыпқа сай тапсырмалардың ережелерімен таныстыру. Яғни, баскетбол ойының элементтері бар эстафеталық ойын ойнату. Ойын барысында қауіпсіздік ережесін сақтауды ескерту.

Ол үшін оқушыларды тең екі немесе үш топқа бөліп, эстафеталық ойындармен жарыстыру.

1 –эстафета

Оқушылар бір-бірлеп кіштентай белгілерден қос аяқпен секіріп өтулері керек. Өз белгілеріне дейін секіріп барады да, белгіні айналып, қайтарда түзу жүгіріп келеді.

2-эстафета

Оқушылар баскетбол добын кеглилердің арасымен жыланша алып жүрулері тиіс. Белгіні айналып келіп, келесі оқушыға лақтырмай берулері тиіс.

3-эстафета

Оқушылар барьердің астынан өтіп, гимнастикалық матыдан баспен бір рет алға аунап түсіп, өз белгісін айналып, қайтарда түзу жүгіріп келеді.

Қорытынды. Бағалау.

Барлық эстафета түрлерін қорытындылау. Тапсырманы орындау барысындаға оқушылардың кемшілік және қателіктерін айту. Оқушылардың қызығушылығын арттыру мақсатында ынталандыру, мақтау, мадақтау сөздерін айтып, бағалау жүргізу. Жалпы, эстафеталық ойындардың мақсатына, ерекшелігіне тоқтала отырып, тапсырмалардың дұрыс орындалуын көрсету, айту, түсіндіру.

Керекті құрал-жабдықтар

ысқырық дартс, дротик

доптар жеңіл доптар

кеглилер кәрзеңке

секіртпе кіші доптар

шығыршықтар маты

секіртпе қапшығы барьер