Жұптық және топтық жұмыстардағы тапсырмалар. Дене шынықтыру, 3 сынып, презентация. 57 сабақ.

5-бөлім – Денсаулық және физикалық белсенділік

Тақырыбы: Дене жаттығулары кезінде өзін-өзі басқару

3-сынып

Оқу мақсаттары:

3.1.5.5. Орындау және бағалау кезінде бірқатар іс-қимылдарды, кеңістікті, динамиканы және байланыстарды көрсету және анықтай білу

Оқу бағдарламасына сілтеме

1.5. Өзінің және басқалардың қызметін жақсарту үшін негізгі қозғалыс әрекеттерін бағалауды дамытады.

Сабақ мақсаты:

Бірқатар іс-қимылдарды, кеңістікті, динамиканы, байланыстарды қалай орындау және бағалау керектігін көрсетеді

Бағалау критерийлері:

Оқушылар жатығулардың динамикасын, іс-қимылын көрсете біледі және байланыстарды анықтай алады;

Қозғалыстардың қалай орындалу керектігін түсінеді.

Күтілетін НәТИЖЕЛЕР:

- Дене жаттығуларын орындау кезінде ағзадағы физикалық өзгерістерді біледі;

- Дене жаттығулары барысында ағзадағы өзгерістерді анықтап, қадағалайды;

Қозғалыс түрлерін атайды;

Жылдамдықты дамытудағы әсерін анықтайды;

Психологиялық, физикалық жүктемелерге еркін

жауап бере алады.

Адамның денсаулығы – қоғам байлығы. Әрбір адам өз денсаулығының мықты болу жолдарын қарастыру керек. Дені сау адамның көңіл-күйі көтеріңкі болып, еңбекке әрқашан құлшына кіріседі. Халқымыз «Дені саудың – жаны сау» деп орынды айтқан. Отанымыздың келешегі, көркеюі – салауатты өмір салтын сақтау қолдауда. 

Денсаулық – бұл адамның еңбекке белсенді болуы, әрі ұзақ өмір сүруі, тәннің саулығын және рухани саулығын сезіну. 

Бөлім мен тақырыпқа қысқша шолу

Бұл бөлімде денсаулықтың негізгі ұғымдарына, таң ертеңгілік гигиеналық гимнастиканы күнделікті орындау маңыздылығына шолу жасайды. Оқушылар гигиеналық таңертеңгілік гимнастика кешенін және жалпы дамыту жаттығуларын өздігінен құрастыруға мүмкіндік береді. Ол оқушыларды саналы түрде өздерінің жүгірудегі, секірудегі және лақтырудағы қозғалыс қабілеттерін дамытуға, жетілдіруге ынталандырады. Аталған қабілеттер қозғалмалы ойындар және эстафеталар негізіндегі оқу тапсырмалары, жеке және топтық жаттығулар арқылы жетілдіріледі және бекітіледі.

Қыздырыну жаттыруғары (аяқ-қол бұлшық еттеріне жаттығулар)

Оқушыларды шағын топтарға бөлінеді де, өз топтарында шеңбер бойына тұрып жалпы дамыту жаттығуларын орындайды;

Әр жаттығудың ағзаға тигізер пайдасын түсінеді және көрсетеді, орындайды;

Денсаулыққа пайдалы қимыл-қозғалыстарды жасайды және құрал-жабдықтарды дұрыс пайдаланады.

Тапсырма

(С, Ж, Тәж) Оқушылар жұптарға бөлінеді, бір-біріне арттарымен 1 метр қашықтықта тұрады. Әрқайсысының қолында доп. Мұғалімнің дабылы бойынша, оқушылар бастарынан жоғары лақтырады. Әрқайсысы қарсыластың добына зейін қояды. Допқа бірінші барып, оны алып және бастапқы орнына тезірек барған оқушы жеңеді. Оқушыларға допты барынша жоғарыға лақтыру керектігін түсіндіру. Ойын кезіндегі қауіпсіздік техникасын еске салу. Серіктестерді өзгертуге болады. Ойынның соңында қай серіктеспен жұп болып жарысу қиын болғанын және олардың жұптағы жүгіріс жылдамдығы неге байланысты екенін талқылаңыз. Оны қалай дамытуға болады?

«Допты жоғарымен бер» ойыны.

Дескриптор:

- Ойын алаңыдағы қауіпсіздік ережесін сақтайды.

- Допты лақтыру кезінде лақтыру кеңістігін сезінеді және қауіпсіздік техникасын сақтайды.

- Қозғалысты кеңістікте тиімді пайдаланады.

Сабақ соңында оқушылар рефлексия жүргізеді:

- нені білдім, нені үйрендім?

- нені толық түсінбедім?

- игеру үшін не қажет? деген сұрақтарға жауап іздейтін болады. Оқушылар сабақты үш тілде бағалайды.

Үй тапсырмалары беріледі;

Мұғалім тарапынан кері байланыс жүргізіледі (сабақ барысында кеткен қателіктер мен артықшылықтар ауызша айтылады).

Рефлексия