Тепе-теңдікті дамытуға арналған жаттығулар. Дене шынықтыру, 3 сынып, презентация. 38 сабақ.

3 сынып

3 бөлім: Акробатика негіздерінде гимнастика

Сабақтың тақырыбы:Тепе-теңдікті дамытуға арналған ойындар.

Оқу мақсаты:

3.2.2.2 Әрекет мақсаттарына қол жеткізуге бағытталған жұмыс барысында өзіндік және командалық жұмыстың мағынасын түсіну. Көшбасшылық рөлдерімен алмасып, жұмыс істей бастау.

3.2.5.5. Өзінің шығармашылық тапсырмаларын және басқаларын талдау үшін конструктивті ұсыныстар жасау туралы алынған білімді пайдалану және қолдану

Сабақ мақсаты:

Жұмыс барысында өзінің және командалық жұмыстың маңызын түсінеді, өзінің шығармашылық, көшбасшылық рөлін сабақ барысында қолданады

Бағалау критерийлері:

- Оқушылар мақсатқа қол жеткізуде өзінің және командалық жұмыстың маңызын түсінеді;

- Өзінің шығармашылық рөлін пайдаланады, көшбасшылық рөлін сабақ барысында көрсетеді.

Тепе-теңдік жаттығуларың әсері:

Тепе-теңдіқ сақтау жаттығулары 

Тіректің  әртүрлі  жағдайында  тепе-теңдігін  сақтау  білу  қабілеті күрделі,  бірақ  өмірде  манызды  дағды  болып   табылады.  Осы  міндет  балалық  шақ  жасынан  дами  бастайды,  

6-7  жастағы  балалар  дененің  тік қалыппын еркін сақтай алады. Тепе-теңдік сақтау міндеттің табиғи дамуы  мектеп  жасында  жалғасады,  ал  оны  

жетілдіру  үшін  арнайы  жаттықтыру керек.

Тепе-теңдік  сақтау  жаттығулар  динамикалық,  қозғалу  кезінде  тепе-

теңдік  сақтау,  және  статикалық,  бір  орында  тұрып  тепе-теңдік  сақтау, 

және  де  аралас,  белгілі  қозғалыс  әрекеттерден  кейін  өз  қалпын  сақтау, 

түрлеріне бөлуге болады. 

Негізгі динамикалық жаттығуларға жатады: 

– жүру  түрлері(жай  жүру,  аяқ  ұшымен  ,  қырындап,  арқамен  адына 

қарап, тіркеме қадаммен, көзді жұмып, қолдың, дене және аяқтың әр түрлі  қозғалыстарын қоса жүру), 

– әртүрлі әдістермен жүгіріп өту, жүқ көтеріп жүру, 

– кедергілерден өту және т.б. 

Осы  жаттығулар  гимнастикалық  бөренеде  және  орындықтарда  жасауға  болады.  Тіректің  биіктігі  біртіндеп  көтеріледі   1  сыныпта  60  см  бастап,  жоғарғы  сыныптарда  110  см  дейін  көтеріледі.  Тосқауыл  ретінде  секіртпе, таяқтар және т.б. заттар пайдаланады. Жүк ретінде тығыздалған доптар пайдаланады. 

Аралас  жаттығуларға  қозғалу  әрекеттен  кейін  тұрақты  статикалық  қалыпты  сақтау  керек  қылатын  жаттығулар  жатады.  Осы  топтың  ең сипатты  жаттығулар  әр  түрлі  секірулерден  кейін  жерге  қону  болып  табылады.  Дұрыс  және  тұрақты  жерге  қонуды  бастауыш  сыныптардан бастап  үйрету  керек.  Бастапқыда  оны  қарапайым  қозғалыс  әрекеттерден  (жоғары секіру, шамалы биіктіктен және т.б.) кейін үйретеді. 

Бөлім мен тақырыпқа қысқаша шолу

Бұл бөлімде оқушылар гимнастикалық жаттығулар сериясы арқылы ептілікке, күшке, иілгіштікке, шыдамдылыққа, тепе-теңдік сақтауға және корординацияға арналған ойындар ойнайды.

Бөлім оқушылардың аэробика мен қозғалмалы ойындар көмегімен тепе-теңдіктегі жаттығуларды, акробатикадағы гимнастикалық дағдыларын жетілдіруге көмектесетін жекелей, жұптық және топтық тапсырмалардың бірқатар қимыл әрекеттерін қамтиды.

Тақырыпқа сай, тапсырмалардың орындалуы.

Оқушылар мен өткен тақырыптарға шолу жасай отырып, сұрақ-жауап арқылы бүгінгі сабақты жетілдіру.

Қауіпсіздік техникасын сақтай отырып тепе теңдік жаттығуларын қалай орындаймыз? Сұрақты еркін түрде талқылау.

Бүгінгі мақсатқа жету үшін тепе-теңдікті дамытуға арналған ойындар арқылы жету. Ойын шарттарын оқушыларға түсіндіріп, шағын топтарда ойын ойнату.

Оқушылар жұппен немесе шағын топтарда өздері ұсынған тепе-теңдікте тапсырмалар орындайды.

1 нұсқасы. Биіктігі 80 см дейінгі бөрененің үстімен, нығыздалған доптарды аттап өту арқылы жүру; допты лақтырып, қағып алу арқылы бөрененің үстінен жүріп өту; допты еденге ұрып, қағып алу арқылы гимнастикалық орындықпен жүріп өту; бір аяқпен бөренеге көлденең тұру, екіншісімен алға, жанына, артқа сермеу; бөренеге тігінен тұру, екіншісімен алға, жанына, артқа сермеу.

Тақырыпқа сай, тапсырмалардың орындалуы.

2 нұсқасы. Бөренеде алшақ адым жасап жүру; гимнастикалық орындықты аударып, үстінен жүру; гимнастикалық орындықтың табаны арқылы қолды, аяқты қимылы арқылы жүру. Гимнастикалық орындықты аударып, үстінен түрлі тапсырмаларды орындай жүру (жіпті аттап өту, допты лақтыру және қағып алу); бір тізені төмен түсіріп, қолдың көмегімен тұру; бір тізені төмен түсіріп, қолдың көмегінсіз тұру.

Гимнастикалық бөрененің орнына гимнастикалық скамейкаларды пайдаланып, оқушыларды жекелей үстінен түрлі әдіспен жүргізу.

Тақырыпқа сай, тапсырмалардың орындалуы.

Сынып төрт командаға бөлінеді. «Көпірдің ұстіндегі лақтар» ойынында оқушылар тапсырмалар орындайды. Оқушылар екі бөлек гимнастикалық орындықтардың үстіне бір-біріне қарама-қарсы тізбектерге тұрады. Олардың ортасында «көпір» -гимнастикалық орындық тұрады Әр команданың бір ойыншысы «көпірдің» үстімен бір-біріне қарсы келеді. Кездескеннен кейін «көпірден» құлап түспеуге тырысып, өтіп кету керек. Алғашқы жұп орындықты босатқаннан кейін, келесі ойыншылар шығады. Ойыншылар бір-біріне тепе-теңдікті сақтауға көмектеседі. Ең тату жұптар анықталады.

Ойын ережесін түсініп ойнау. Бір-біріне көмектесуге, қолдау көрсетуге шақыру. Ойынды қорытындылау. Ең тату жұпты немесе топты анықтау.

Денені қыздыру адам ағзасына жақсы жүктеме бола ала ма? Денсаулықты күту бізге не береді?

Оқушының дене дайындық формасы дамиды, қозғалыс үйлесімділігі пайда болады;

Денсаулықты күту, таң ертеңгілік, гимнастикалық, фитнес жаттығу орындау деген сияқты түсініктер игеріледі;

Оқушы ішкі эмоцияларын жаттығумен нақты жеткізуге үйрененеді, шығармашылық белсенділік артады;

Енжар оқушылардың ортақ жұмыс арқылы ашылуына көмектеседі;

Жас ағзаның жазылып, еркін қозғалу мүмкіндігін сынайды;

Денсаулыққа деген махаббат тәрбиеленеді;

Қозғалыс қабілеттерін дамытуға, жетілдіруге қалыптастырады

Күтілетін нәтиже:

Негізгі қозғалыс жаттығуларын меңгеру;

Қозғалыс үйлесімділігі мен нақтылықты меңгеру;

Зерттеушілік дағдылардың пайда болуы;

Әлемдік мәдени құндылықтарды білу, ұлттық мәдени құндылықтарды қастерлейтін азаматтар тәрбиелеу;

Дене жаттығулары мен денсаулықты күту қызығушылықты ояту;

Талдау, таңдау, достық қарым-қатынас орнату мен біріккен іс-әрекет жасай білу;

Гимнастикалық, акробатикалық, фитнес, тепе-теңдік жаттығуларын игере алады.

Сабақ соңында оқушылар рефлексия жүргізеді:

- нені білдім, нені үйрендім?

- нені толық түсінбедім?

- игеру үшін не қажет? деген сұрақтарға жауап іздейтін болады. Оқушылар сабақты үш тілде бағалайды.

Үй тапсырмалары беріледі;

Мұғалім тарапынан кері байланыс жүргізіледі (сабақ барысында кеткен қателіктер мен артықшылықтар ауызша айтылады).

Рефлексия