Шапшаңдыққа бағытталған қозғалмалы ойындар. Дене шынықтыру, 3 сынып, презентация. 19 сабақ.

2-бөлім: Қозғалыс және спорт ойындар

Тақырыбы: Шапшаңдыққа бағытталған қозғалмалы ойындар

3-сынып

Оқу мақсаты:

3.2.1.1 Бірқатар қозғалыс идеяларымен, стратегияларымен және жоспарларымен баламаларды талдау үшін проблемаларды жою әдістерін қолдану

Сабақ мақсаты:

Қозғалмалы ойындарда стратегияларды жоспарлап, негізгі қозғалыс идеяларымен әдістерді қолданады.

Бағалау критерийлері:

- рөлдік тапсырмалардың маңыздылығын анықтайды;

- тапсырмадағы жауапкершілікті түсіндіреді;

- шапшаңдыққа бағытталған ойындарды игереді.

«Тақырып көлеміндегі әрекеттер»

Оқушылармен сәлемдесу. Түгелдеу. Спорттық кииімдеріне назар аудару. Қауіпсіздік ережесін таныстыру, қайталау.

Бүгінгі сабақтың мақсатымен таныстыру. Бағалау критерийлерін оушылармен бірге құрастыру. Алдағы жұмыстармен таныстыру.

Жүру жаттығуларын орындау;

Жүгіру жаттығуларының түрлерімен жаттығу;

Жылдамдыққа жүгіру;

Тынысты қалыпқа келтіру

Одан кейін шеңбер бойына тұрып ЖДЖ орындайды. Шеңбер бойындағы әр оқушы бір-бір жаттығудан айтып, санақ бойынша орындатқызады.

Бағалау: Оқушылар тарапынан берілген ақпаратқа мадақтау арқылы қолдау көрсету.

Шапшаңдыққа бағытталған қозғалмалы ойындар

Мақсаты: оқушылардың шапшаңдық дағдылары жетілдіру, ойындар арқылы оқушылардың командалық жұмыстың маңызын түсіндіру, оқыту мақсаттарын шешу.

Сипаттама: эстафеталық ойындар арқылы топқа бөлініп жарысады, бірнеше командалар өзара сайысқа түседі. Оқушыларды тең екі топқа бөліп, қатарға тұрғызу

1-эстафета

Мұғалімнің белгісімен өз жолымен түзу жүгіріп, екі топтың ортасында тұрған допқа бірінші жетіп, допты алып, жоғары көтеру керек. Ойын топтағы ойыншылардың барлығы жүгіргенше жалғасады.

Мақсаты: Шапшаң жүгіріп допқа бірінші жету қажет

Допқа бірінші жеткен команда мүшесіне ұпай беріледі.

2-эстафета

Мұғалімнің белгісімен топтағы ойыншылар екеуден жарысады. Алдарында обручтар жыланша жатады. Сол обручтардың ішіне қос аяқпен немесе бір аяқпен секіріп соңғы өз белгісіне дейін баруы керек. Қайтарда белгіні айналып, түзу жүгіріп келеді. Ойын соңғы оқушыға дейін жалғасады.

Мақсаты: обручтардың барлығнан өтулері тиіс. Обручтардың араларын баспауы керек.

Жыланша жүгіру міндетті.

3-эстафета

Мұғалімнің белгісімен жарысқа қатысушылар залдың ортасына дейін оң аяқпен, залдың ортасынан кейін сол аяқпен жүгіреді де өз белгілерінде тұрған допты алып, қайтарда түзу жүгіріп келеді де келесі ойыншыға допты береді. Келесі ойыншы доппен дәл солай жүгіреді, допты қойып кетеді. Үшінші ойыншы допты алып келуі тиіс. Ойын осылай жалғасады.

Мақсаты: қателеспей оң, сол аяқпен секіріп, қайтарда түзу жылдам жүгірулері тиіс.

Барарда оң, сол аяқпен секіріп жүгіру міндетті

Дискрипторлар:

ойын ережелерін сақтайды;

тапсырмаларды жауапкершілікпен орындайды;

ойын кезінде шапшаңдықты дамытады.

Бағалау: Оқушылардың бірін-бірі және өзіндік бағалау тәжірибеленеді. Мұғалім әрбір эстафетадан соң команда мүшелерінің жеке жетістіктерін айтып тұрады.

«Сабақты қорытындылау»

Мақсаты: Қол жеткен нәтижелер туралы ойлану, өзіндік талдау жүргізуге дағдыландыру.

Сипаттама: Өткен тақырып туралы талқылау үшін мұғалім мен оқушының біріккен іс-әрекеті.

Мұғалім әрекеті: Сұрақ-жауап арқылы кері байланыс жүргізеді. Жақсы нәтижеге қол жеткізген оқушы мен капитанды атайды. Жетілдіру жаттығуларын ұсынады.

Оқушының әрекеті: Қиын болған немесе жүзеге асыра алмаған мәселелер бойынша сұрақ қояды. «Команда капитаны» рөліндегі оймен бөліседі. Мұғалім сұрағына жауап береді. Өзінің жетістігі туралы айтады.

Бағалау: Мұғалім оқушыларына «Рефлексиялық нысана» парақшасын таратып береді, оқушылар өзіндік бағалау арқылы парақшаларын толтырады. Оқушылардың бірін-бірі және өзіндік бағалау тәжірибеленеді. Мұғалім әрбір эстафетадан соң команда мүшелерінің жеке жетістіктерін айтып тұрады.

Күтілетін нәтиже:

1. Негізгі шапшаңдық техникаларын меңгеру;

2. Қозғалыс үйлесімділігі мен нақтылықты меңгеру;

3. Зерттеушілік дағдылардың пайда болуы;

4. Қозғалыс ойындарына деген қызығушылықты ояту;

5. Талдау, таңдау, достық қарым-қатынас орнату мен бірікен іс-әрекет жасай білу;

6. Психологиялық, физикалық жүктемелерге еркін жауап бере алады

Өткізілген сабаққа рефлексия жасау