Эстафета элементтері бар жеңіл атлетика. Дене шынықтыру, 3 сынып, презентация. 12 сабақ.

1-бөлім: Жеңіл атлетика арқылы қозғалыс әрекеттері

Тақырыбы: Эстафета элементтері бар жеңіл атлетика

3-сынып

Оқу мақсаттары

3.1.1.1 Негізгі дене жаттығуларын орындау кезінде қозғалыс машықтарын білу, түсіну және жақсартып жалғастыру.

3.3.5.5. Түрлі дене қызметтеріне қатысу мүмкіндігін қалай алу керектігін қарап түсіндіру

Сабақ мақсаттары

Жеңіл атлетикадағы қозғалыс әрекеттерін жақсартады және эстафеталық ойындар арқылы дағдыланады.

Бағалау критерийлері

эстафеталық ойындардағы қимылдарды көрсетеді;

жаттығуларды орындау кезінде қозғалыс машықтарын түсінеді.

Тақырып көлеміндегі әрекеттер

«Тақырып көлеміндегі әрекеттер»

Мақсаты: Игергелі отырған тақырып пен оқыту мақсаттары жөнінде ақпарат беру.

Сипаттамасы: Мұғалім мен оқушының тақырып бойынша бірлескен іс-әрекеті. Сұрақ-жауап; эстафеталық ойындар арқылы жүгіру, секіру, лақтыру кезінде, түрлі қозғалыс әрекеттерін қалай орындау керек екендігінің маңызы туралы мәселелер нақтыланады.

Мұғалім әрекеті: Тақырып, жоспардағы іс-әрекеттер жөнінде ақпаратпен, мақсаттар және бағалау критерийлерімен таныстырады, сұрақтарға жауап береді. Оқушыларды бағалау критерийлерін талқылауға жұмылдырады. Қыздырыну жаттығуларын қызықты қимыл ойындары арқылы ұйымдастырады. Мысалы: «Қуып жет!» Оқушылар белгіленген алаңда бір-бірінен қашып жүгіреді. Сәл уақыттан кейін мұғалім ысқырықпен белгі береді, одан кейін оқушылар екі-екеуден жұптасып жүгіреді. Жұпта ажырамай бірге қашып, бірге қуу керек. Ұсталынған жұптар қосылып, бірге басқа жұптарды қуады. Ойын осылай барлық жұптар ұсталынғанша жалғасады.

Тыныс алу, жалпы дамыту жаттығулары оырндалады.

Оқушы әрекеті: Мұғалімнің берген ақпаратын тыңдайды, мақсаттар және бағалау критерийлерімен танысады, сұрақтар қояды. Мұғаліммен бірлесе отырып бағалау критерийлерін талқылайды.

Тапсырмаларды орындау кезіндегі ойын ережесін, қауіпсіздік ережесін мұқият орындайды.

Эстафеталық элементтері бар дене жаттығулары 

Мұғалім әрекеті: Бүгінгі сабақтың мақсатын тағы қайталай отырып, мақсатқа жетуде оқушылармен құралмен эстафеталық ойын ұйымдастыру. Оқушыларды тең екі топқа бөледі

Әр топ өзінше бірінің артына бірі қатарға тұрады.

Ойын ережесі:

1. Саптың басындағы ойыншы допты қос аяқты ашып, ортасынан допты артындағы серіктесіне береді, соңғы ойыншы қабылдайды да саптың алдына келеді. Белгіленген жерге дейін (5 метр) осылай жалғасады. Белгіге бірінші жеткен топ жеңімпаз.

2. Топта ойыншылар екі-екеуден үш допты алып жүгірулері тиіс. Екі ойыншы қолдарындағы доптың ортасына тағы бір допты қойып алып, белгіні айналып, допты түсірмей алып келулері тиіс.

3. Топта бірінші ойыншы екі допты құшақтап алып, өз белгісіне апарып қояды, келесі оқушы екі допты алып келеді, келесі оқушы апарады. Ойын осылай жалғасады.

4. Топта ойыншылар екі қолға екі таяқшаны алып, допты сол тяқшаның көмегімен ұстап, өз белгілерін айналып, түсірмей жүгіріп келулері тиіс.

Дискрипторлар:

эстафеталық ойында ҚЕ сақтайды;

тапсырманы мұқият тиянақты орындайды;

доппен жүгіру кезінде икемділік дағыдыларын қалыптастырады.

Бағалау: Оқушылардың өзіндік және серіктесін бағалауы

тәжірибеленеді. Бір-бірлеріне ауызша кері байланыс береді. Әр ойын аяқталғанда кері байланыс орнатып отыру. Оқушыларды мақсату, мадақтау сөздері арқылы қалыптастырушы бағалау жүргізу.

Эстафеталық ойындардың ережесі

Мұғалім белгі бергеннен кейін жүгіру;

Әр ойыншы өз жолымен жүгіру;

Эстафеталық ойындағы тапсырманы мұқият орындау. Егерде ойын ережесі бұзылған жағдайда, сол жерден қайта орындау;

Құрал-жабдықтармен мұқият жұмыс жасау;

Командасы үшін жауапкершілікті сезіну;

Бір-бірлеріне қолдау көрсету;

Бір эстафетаны аяқтағанда, топта қорытынды жасау, ой бөлісу;

Әр оқушы топта көшбасшылық таныту;

Жылдамдылық, шамшаңдық дағдыларын көрсету;

Бірін-бірі бағалау. (жекелей, топтық бағалау жүргізу)

Оқушылармен бүгінгі сабаққа кері байланыс жүргізу. Крточкалар таратып беру. Рефлексия

Екі жұлдыз

Бір тілек

рефлексиясын жүргізу.