Химиялық реакция жылдамдығына қысымның әсері. Химия, 10 сынып, сабақ жоспары.

Ұзақ мерзімді жоспар бөлімі:

10.2C Кинетика

Күні:

Сынып: 10 (ЖМБ)

Сабақ тақырыбы

Химиялық реакция жылдамдығына қысымның әсері

Осы сабақта қол жеткізілетін оқу мақсаттары (оқу бағдарламасына сілтеме)

10.3.2.5 химиялық реакция жылдамдығына қысымның әсерін түсіндіру;

Сабақ мақсаттары:

Оқушылар:

- химиялық реакцияға қысымның әсерін түсінеді;

- химиялық реакция жылдамдығына бөлшектердің әсері туралы білімдерін дамытады;

-Топта жұмыс істейді, бір-бірін құрметтейді, бағалау қабілеттерін дамытады.

Бағалау критерийі:

оқушылар:

• Қысымның реакция жылдамдығына әсерін бақылайды
• Тәжірибенің нәтижесі бойынша тиісті уақыттың бөлінген газ көлеміне қатынасын сипаттайтын графикті дұрыс тұрғызады
• Реакция жылдамдығының қысымға тәуелділігің заңдылығын шығарады
• Қысымды өзгерткенде химиялық реакцияда болатын өзгерістерді бөлшектер қозғалысы деңгейінде түсіндіре алады
• Реакция жылдамдығына берілген есептерді шеше алады

Тілдік мақсат:

оқушылар:

есеп шығару үшін алгоритм құрастыруда тақырыптық сөздіктерді қолданады Себеп-салдар құрылымын пайдалана отырып қысымның қалай орын алатындығын ауызша түсіндіреді

Құндылықтарды дарыту

- өмір бойы білім алу

- бірін – бірі құрметтеу мен ынтымақтастық

Пәнаралық байланыс

Математика, физика

Сабақ барысы

Сабақтағы жоспарланған іс-әрекет

1.Ұйымдастыру кезеңі.

Тапсырма №1 Сұрақ – жауап

- Кинетика деген не?

- Химиялық реакция жылдамдығына әсер ететін факторларды атаңыз?

- Келесі реакциялардың кинетикалық теңдеуін жазыңыз:

А) S(қ) + O₂ (г) = SO₂ (г)

Б) 2SO₂ (г) + O₂ (г) = 2SO₃ (г)

Өзара бағалау: сыныптастарының жауабын «Бағдаршам» арқылы бағалайды.

Миға шабуыл:

Тақтадан қысымға байланысты суреттер көрсетіліп, оқушылар жаңа сабақ тақырыбын болжаулары керек.

№2 Тапсырма «Ойлан, жұптас, бөліс» жеке – жұп-шағын топта талдау.

Қысымның реакция жылдамдығына әсері туралы видео көрсетіліп, сыныпта талқылау. Қысым газдардың әрекеттесу жылдамдығына әсер етеді. Қысым ұлғайған сайын реагенттердің концентрациясы артып, тиімды соқтығыстар саны да көбейеді.

https://twig-bilim.kz/kz/film/rates-of-reaction-basics

№3 тапсырма Жұптық жұмыс

Әр жұпқа төмендегідей сурет таратылады. Суретке қарай отырып, оқушылар қысымды арттырғанда не кеміткенде бөлшектер деңгейінде қандай өзгеріс болатынын түсіндіре білуі керек:

Жоғары қысымда бөлшектер бір-біріне жақын орналасады. Бұл олардың секунд ішінде жиі және тиімді соқтығысатынын, сондықтан жоғары жылдамдыққа ие болатынын көрсетеді. реакция екі түрлі бөлшектердің немесе екі бірдей бөлшектердің арасындағы қақтығыстардың болуына байланысты. Кез келген реакция жүруі үшін, бұл бөлшектер алдымен соқтығысу керек. Бұл бөлшектердің екеуі де газ күйінде немесе біреуі газ, екіншісі қатты болуы мүмкін. Егер қысым жоғары болса, соқтығысу ықтималдығы көп болады деген қорытындыға келулері керек.

№4 Тапсырма Практикалық жұмыс

Сыныпты үш топқа бөліп, қысымның реакция жылдамдығына әсерін бақылау үшін оқушылар топта бірлесе жұмыс жасайды. Жұмыс парағы әр оқушыға беріледі. Олар топта жұмыс жасай отырып, жұмыс парақтарын толтырады.

Топтық жұмыс

Оқушылар суретте көрсетілгендей құрылғыны жинайды

(Э) Магний кесегінің тұз қышқылы ерітіндісіне түскен кездегі үдерісті бақылайды және 20 секунд аралығында бөлінген сутектің көлемін есептейді. Кестені толтырады. Газ көлемінің уақытқа тәуелділігінің графигін сызады.

(Т) Оқушылар реакция жылдамдығының қысымға тәуелділігін талқылайды. Заңдылық пен осы тәуелділіктің өрнегін шығарады

Бөлінген

газ көлемі (мл)

уақыт (сек)

Сұрақтарға жауап беріңіздер:

1.Қысым өзгерісінің реакция жылдамдығына әсері қандай?

2.Қысымды арттыру әрқашан тиімді ме?

3.Неліктен қысымды арттыру газ реагенттері реакцияларының жылдамдығын арттырады?

№5 Тапсырма Жеке жұмыс «Есептер шығару»

• Есеп 4НСІ + О₂ = 2СІ₂ + 2Н₂О газ фазасында өтетін осы реакция үшін егер 3 есе: а) оттегі концентрациясын; б) хлорлы сутек концентрациясын; в) қысымды өсірсе, жылдамдық қалай өзгереді?
• Жүйеде қысымды 4 есе арттырса, S (қ) + O₂ (г) = SO₂ (г) реакциясы үшін жылдамдық қалай өзгереді?
• 2NO (r) + O2 (g) = 2NO2 (g) реакциясында жүйенің көлемі 2 есе азайтылса реакция жылдамдығы қалай өзгереді?

Рефлексия «Шығу билеті»

Оқушылар ұсынылған терминдердің бірін таңдап, оны толықтырады және шығу билеті ретінде оны есікке жапсырып кетеді

Маған сабақта қиын болды.........................

Маған сабақта жеңіл болды........................

Маған әлі де көмек керек …........................

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.