Химиялық элементтер, қосылыстар және адам ағзасы. Қоректік заттарға тест. Химия, 7 сынып, қосымша материал 3.

кейбір қоректік заттарды: көмірсулар (қант, крахмал) нәруыз, майларды ажырату және оларды анықтай білу;

Жұмыс барысы:

А. Биурет реакциясы - ақуызға тест жүргізу.

Суда жұмыртқа ақуызының ерітіндісін дайындау.

2 мл ақуыз ерітіндісін сынауыққа құю.

Тамшуырмен 2мл 2Н натрий гидроксидінің ерітіндісін және 5 тамшы 1%-дық мыс сульфатының ерітіндісін қосу.

Бақылау жүргізу.

В. Күміс айна реакциясы - глюкозаға тест жүргізу.

1. Бірінші сынауыққа балдың су ерітіндісін дайындау.

2. Екінші сынауыққа 2мл 0.1М күміс нитратының ерітіндісін құю және ерітіндінің түсі өзгергенге дейін бірнеше тамшы 1%-дық аммиак ерітіндісін қосу.

3. Бал ерітіндісі бар сынауыққа екінші сынауықтың ішіндегісін құю.

4. Сынауықты ыстық су құйылған стақанға салу.

5 Бақылау жүргізу.

Ескерту: Қантты анықтауды Бенедикт реактивімен жүргізуге де болады.

С. Майларға тест жүргізу.

Күнбағыс дәнін немесе қарақұмық жаңғағын сүзгіш қағазға немесе майлыққа орналастыру.

Қасықты алып, дәнге басу.

Бақылау жүргізу.

Жүргізілген тест нәтижелерін жұмыс парақтарына ресімдеу.

Уақыт: 30мин

Бағалау дескрипторлары:

- зерттеуді қауіпсіз жүргізу үшін жазбаша және ауызша нұсқауларды қолдана алу;

- барлық сезім мүшелері және тиісті жабдық арқылы бақылау жүргізу;

- зерттеу бойынша жазбаша есеп дайындау, ол нәтижелер кестесін құра білу;

- зерттеу кезінде алынған дәлелдерге негізделген қорытындыны жаза алу.