Өсіргіш заттар. Өсіргіш заттардың өсімдіктерге әсер ету механизмі. Ауксин әсері. Биология, 11 сынып, презентация.

Өсіргіш заттар. Өсіргіш заттардың өсімдіктерге әсер ету механизмі. Ауксин әсері.

Оқу мақсаты:

11.1.7.3 – өсімдіктердің өсуіне стимуляторлардың (өсіргіш заттар) әсер етуін зерттеу

Өткен тақырыптың өзектілігі

А Өсімдіктердің дамуындағы көптеген үдерістерді басқаратын химиялық табиғи қосылыстар. Бақыланған көптеген біржылдық өсімдіктердің бұтағының бөліктерінің ұзаруынан бастап, қартаюына дейінгі үдерістердің барлығын басқарады.

B Бездерден қанға бөлінетін және бүкіл денеге тасымалданатын химиялық қосылыстар.

1 Жануарлардың гормондары

2 Өсімдіктердің гормондары

Ой шақыру

«Өсімдік гормондары өсімдіктердің өсуін және дамуын қалай реттей алады?»

Өсіргіш заттар. Өсіргіш заттардың өсімдіктерге әсер ету механизмі. Ауксин әсері.

Оқу мақсаты:

11.1.7.3 – өсімдіктердің өсуіне стимуляторлардың (өсіргіш заттар) әсер етуін зерттеу

Бағалау критерийлері

Оқушылар жаңа терминдерге сипаттама береді, өсімдіктердің өсуіне өсіргіш заттардың әсерінің механизмін түсіндіреді. Оқушылар өсімдіктерге гормондардың әсерін сипаттайды және түсіндіреді.

Фитогормондар туралы түсінік

Жануарларда гуморальдық (химиялық) реттелу гормондардың есебінен жүзеге асады, яғни гормондар ағзаның бір бөлігінде синтезделіп, ал келесі бір бөлігінде белсенділік танытады, сонымен қатар гормондар өте аз мөлшерде әсер етеді. Өсімдіктерде координациялау (үйлесімділік) қызметін химиялық қосылыстар атқарады. Ал бұл қосылыстарды синтезделген ағза бөлігінен келесі бір бөлігіне тасымалдауды қажет етпейді, сондықтанда бұл қосылыстарды әр уақытта гормондар деп атай алмаймыз. Сонымен қатар, бұл қосылыстар әдетте өсімдікті белгілі бір мөлшерде өсіруге қабілетті болғандықтан, аталған қосылыстарды өсіргіш заттар деп атайды.

Бұл ерекше заттар өте аз мөлшерде өсімдікте түзіліп, оның дамуын, өсуін, тыныштық күйден шығуын (ауксин, цитокинин,гиббериллин) ынталандыратын заттар, жемістердің пісіп жетілуі (этилен) немесе өркендердің ұзарып өсуін тежейді. (абсциз қышқылы).

Фитогормондар — өсімдіктерде өз бойында табиғи жолмен түзіліп, басқарушы қызмет атқаратын төменгі молекулалы органикалық заттар.

Өсімдік гормондарының жіктелуі

Ауксиндер (ИУК)

Гиббереллиндер

Цитокининдер

Абсциз қышқылы

Этилен немесе этен

Салицил қышқылы

Жасмин қышқылы

А У К С И Н ДЕР

( грек. auxo — ұлғаямын, өсемін)

Ауксиндердің түзілуі меристемалық жасушаларда жүзеге асады .

Жасушаның өсуіне созылу фазасында әсер етеді. Камбий жасушаларының өсуін ынталандырады. Әдетте жасуша мөлшерінің ұлғаюы мен жіктелуі ауксинге байланысты.

Өсімдік организмінің өсуші бөліктері, сабақтың ұшы, жас өсуші жапырақ, бүршіктер, өнген тұқымдарда, тозаңдар ауксинге бай келеді.

Өсімдіктердің жеміс, өркендерінің өсуінің стимуляторлары.

Ауксин типті негізгі гармонға β-индолилсірке қышқылы (ИСК) жатады. β-индолилсірке қышқылының (ИУК) түзілуіне триптофан аминоқышқылы әсер етеді .

Оқушылар шағын топтарда әртүрлі өсімдік гормондарын зерттеу қажет.

1-топ – цитокининдер

2-топ – гиббереллиндер

3-топ – абсциз қышқылы

4-топ – этилен

Интернет көздерін және оқулықты қолданып, постер дайындаңыздар.

Фитогормондардың маңызы

Топтық жұмысты қорғау

“Шындық/Жалған”

Цитокининдер жасушалардың ұзаруына және көбеюіне ықпал етеді.

Абсциз қышқылы – газ тәрізді, жемістердің пісіп жетілуі үдерісін жылдамдатады.

Ауксиндер лептесіктердің жабылуына ықпал етеді.

Цитокининдер өсімдік ДНҚ-мен өзара әрекеттесіп, оның әртүрлі нәруыздарды түзуіне кедергі келтіреді.

«Шындық/Жалған»- Дұрыс жауаптар

Ауксиндер жасушалардың ұзаруына және көбеюіне ықпал етеді.

Этилен - газ тәрізді, жемістердің пісіп жетілуі үдерісін жылдамдатады.

Абсциз қышқылы лептесіктердің жабылуына ықпал етеді.

Цитокининдер өсімдік ДНҚ-мен өзара әрекеттесіп, оның әртүрлі нәруыздарды түзуіне кедергі келтіреді.

Кері байланыс

Сабақта маған не ұнады?

Менде не нәтижелі болды?

Мен сабақ мақсатына жеттім бе?

Маған қандай көмек қажет?