Гаметогенез. Жануарлар мен өсімдіктер гаметалары. Гаметогенез сатылары. Өсімдіктердегі гаметогенез және спорогенез. Биология, 10 сынып, презентация.

Тақырып: Гаметогенез. Жануарлар мен өсімдіктер гаметалары. Гаметогенез сатылары. Өсімдіктердегі гаметогенез және спорогенез

Сынып: 10

Оқу мақсаты: Өсімдіктер мен жануарлардағы гаметалардың қалыптасу ерекшелігін түсіндіру

Бағалау критерийлері:

- Жыныс жасушаларының түзілуіне қатысты терминдер мен суреттер арқылы құбылыстың мазмұнын біледі;

- Салыстыру кестесін толтыру арқылы жануарлардағы овогенез бен сперматогенезді сипаттайды;

- Спорогенез бен гаметогенездің суреттері арқылы сипаттайды;

- Оларды салыстырып кесте құрады;

- Пайда болған жыныс жасушаларының өзара ұқсастығын мейоздың күрделі фазасы профаза кезеңдері арқылы түсіндіреді (кроссинговер)

Гаметогенез (gametogenesis; грек, gametos— жыныс, жыныс клеткасы; genesis — шығу тегі) — жыныс жасушаларының жыныс бездеріндегі (ен, жүмыртқалық) даму процесі.

Аталық жыныс жасушалары — сперматозоидтардың даму процесін сперматогенез (спермиогенез), ал аналық жыныс жасушалары — овоциттердің дамуын ''овогенез'' деп атайды.

Сперматогенез процесі аталық жыныс безінің (ен) ирек тұқымдық өзекшелері қабырғаларында жүреді. Ол төрт: көбею, өсу, жетілу және қалыптасу кезендерінен тұрады.

Көбею кезеңінде жас жыныс клеткалары үздіксіз митоздық бөліну арқылы көбейіп, сперматогониялар (алғашқы аталық жыныс жасушалары) түзіледі. Олардың біраз бөлігі митоз арқылы бөлініп, одан әрі көбейе береді. Ал қалған бөлігі бөлінуін тоқтатып, сперматогенездің келесі өсу кезеңіне өтеді.

Өсу кезеңінде сперматогониялар келесі кезеңдердегі бөліну процестеріне қажетті заттармен (ДНҚ, протеиндермен) қорланып, үлкейіп өседі де, біріншілік сперматоциттерге айналады.

Жетілу кезеңі жыныс жасушаларының қатарынан екі рет бөлінуімен ерекшеленеді.

Бірінші бөліну нәтижесінде екіншілік сперматоциттер, ал екінші рет бөлінуден соң, екіншілік сперматоцитерден ядроларында хромосомалардың гаплоидты (сыңар хромосомалар) жиынтығы болатын сперматидалар пайда болады.

Қалыптасу кезеңінде сперматидалардан сперматозоидтар түзіледі. Әрбір біріншілік сперматоциттен төрт сперматозоид жетіледі.

Овогенез аналық жыныс безінің (жұмыртқалықтың) фолликулды аймағында (жыныс жасушаларының даму процесі жүретін жұмыртқалықтың аймағы) жүреді. Овогенез процесінде овоциттер үш даму кезендерінен: көбею, өсу және жетілу кезеңдерінен өтеді. Аталған кезендерде кезегімен әртүрлі даму сатыларындағы аналық жыныс жасушалары: овогониялар, біріншілік овоциттер, екіншілік овоциттер және пісіп жетілген овоциттер (жүмыртқа жасушалары) дамиды. Әрбір біріншілік овоциттен тек бір ғана жүмыртқа жасушасы (овоцит) пісіп жетіледі. Овоцитпен қатар, кейіннен кері ыдырап кететін 3 бағыттауыш денешіктер де пайда болады

Өсімдіктердегі спорогенез және гаметогенез