Кребс циклі. Циклдің негізгі және аралық қосылыстары мен реакция өнімдері. Биология, 10 сынып, сабақ жоспары.

Ұзақ мерзімді жоспардың бөлімі: 10.2 В Тыныс алу

Мектеп: Қарағанды қаласындағы химия – биология бағытындағы Назарбаев зияткерлік мектебі

Мерзімі:

Мұғалім: Г.С. Ермекова

Сабақтың тақырыбы:

Кребс циклі. Циклдің негізгі және аралық қосылыстары мен реакция өнімдері

Оқу мақсаттары:

Кребс циклін сипаттау

Сабақ мақсаттары:

Барлық оқушылар: Кребс циклін сипаттайды

Көпшілік оқушылар: Кребс циклінде жүретін үдерістерді түсіндіре алады

Кейбір оқушылар: Кребс циклінің тірі табиғаттағы маңызын ашады

Бағалау критерийі:

• Кребс цикліне қатысушы негізгі және аралық қосылыстар мен реакциядан шығатын соңғы өнімдерді анықтайды
• Тыныс алу тізбегі мен үдерістерді сипаттайды
• Кребс циклінің ағзалар үшін маңызын анықтайды

Тілдік мақсаттар:

Кребс циклы кезінде жүретін үдерістерді, жасушалық тыныс алу кезеңдеріне қажетті терминологияны пайдаланып сызба құрастырады (жазылым дағдысы), диалогке түседі (айтылым дағдысы)

Пәнге қатысты лексика мен терминология

Гликолиз, пируват/ пирожүзім қышқылы, кофермент, ацетил кофермент A, аралық өнімдер, көміртек қосылыстары, тотығу, АТФ, НАДФ, ФАДH₂, матрикс, митохондрия

Диалог жазу үшін пайдалы сөз тіркестерінің топтамасы

Кребс циклі жасушада............. іске асады. Кребс цикліне түсетін қосылыс............. Кребс циклінде түзілетін өнімдер.................................

Бұл циклдің маңызы.......................................

Құндылықтарды дамыту:

Жұптық жұмыс барысында ашықтық, бір-біріне құрмет, ұйымшылдық қасиеттері дамиды.

АКТ қолдану дағдылары

интернеттен қосымша ақпарат көздерінен ақпарат табу, видеоматериалмен, анимациямен жұмыс істеу

Бастапқы білім

Метаболизм мен энергия типтері: 8 сынып

Тыныс алу: 6; 7; 9; 10 сыныптар

Экскреция: 6; 9; 10 сыныптар

Координация және регуляция: 6; 7, 8; 9; 10 сыныптар

Сабақтың барысы

Сабақта жоспарланған іс – әрекеттер

Ұйымдастыру

Тақырыпқа енгізу сұрақтары:

• Ағзалар үшін энергия көзі болып табылатын қосылысты атаңыздар.
• Анаэробты ағзалардың энергия алуының ерекшелігі неде?
• Неге аэробты организмдер тыныс алу барысында оттегіні тұтынады?
• Жасушалық тыныс алу барысында оттегі қандай қызмет атқарады?
• Жасушалық тыныс алудың кезеңдерін атаңыз, ыдырау өнімдеріне қысқаша сипаттама беріңіздер.

Оқушылармен бірлесе отырып оқу мақсаты мен бағалау критерийлері айқындалады. Мұғалім оқушылардың жұптарына номер береді.

Мұғалім видео арқылы Кребс циклінің ашылу тарихымен таныстырады

(Жж) Оқушылар сілтемені ашып, анимацияны көріп, жұпта талқылайды.

Басқа жұптарға қоятын сұрақтарды дайындайды. Әр жұп 3 сұрақтан әзірлеп, стикерге жазады, қабырғаға іледі (стикердегі диалог). Басқа жұптар стикердің екінші бетіне жауап жазып, өз белгілерін қояды. Жұптар өз стикерлерін алып, жұптардың жауабын қарастырып белгі соғады. Бірнеше жұптың сұрақтары қарастырылады. Қайталатын сұрақтар қарастырылмайды.

Бұдан соң оқушыларға жұмыс парағымен жұмыс істеу ұсынылады

(Т) Оқушылар топтасады. Әр топқа 1 кілт ұсынылады.

1 топқа деректер кілті. Ол топ Кребс циклі бойынша нақты деректер келтіруі қажет.

2 топ. Әліпби кілті. Кребс цикліндегі барлық терминдерді алфавит ретімен жазып, қысқаша түсініктеме береді

3 топ. Егер де кілті. Бұл топ егерде деп басталатын үш сөйлем арқылы Кребс циклінің маңызын ашуы керек.

4 топ. Ешқашан кілті. Бұл топ ешқашан сөзін қолдана отырып үш сөйлем арқылы Кребс цикліне сипаттама береді. Топтар басқа топтың жұмысына кері байланыс береді

(өзара бағалау жүзеге асады).

Сабақта мен үшін........ маңызды болды

Мен үшін табысты болды.......

........жақсартуды қажет етеді

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?