Бүйрек жұмысына әсер ететін факторлар: тамақтану рационы, дене температурасының күрт түсуі, дәрілік препараттар, созылмалы және инфекциялық аурулар(кариес, іріңді ангина т.б.). Биология, 9 сынып, сабақ жоспары.

Ұзақ мерзімді жоспар бөлімі:

9.2B  Бөліп шығару

Мектеп: Алматы қаласы химия-биология бағытындағы Назарбаев Зияткерлік мектебі

Кәсіптік даму мақсаттары

Әртүрлі бағалау тәсілін қолдану және терминологияға мән беру арқылы, оқушылардың білім деңгейін арттыру

Күні: --. --. 2019

Мұғалімнің аты-жөні: Шәмейұлы Е

Сынып: 9

Қатысқандар саны:

Сабақ тақырыбы

Бүйрек жұмысына әсер ететін факторлар: тамақтану рационы, дене температурасының күрт түсуі, дәрілік препараттар, созылмалы және инфекциялық аурулар(кариес, іріңді ангина т.б.) 

Осы сабақта қол жеткізілетін оқу мақсаттары (оқу бағдарламасына сілтеме)

9.1.5.3 - бүйректің жұмысына әсер ететін факторларды сипаттау

 Сабақ мақсаттары

Оқушы біледі:

• Концентрлі және сұйылтылған зәрдің арасындағы айырмашылықты ;
• Бүйрек несеп концентрациясын қалай реттей алатындығын (гормондық бақылау-АДГ);
• Бүйректің жұмысына әсер ететін факторларды.

Бағалау критерийлері

Оқушылар мақсаттарға қол жеткізеді егер:

• Концентрлі және сұйылтылған зәрдің арасындағы айырмашылықты айыра алса;
• Бүйрек несеп концентрациясын қалай реттей алатындығын сипаттай алса (гормондық бақылау-АДГ);
• бүйректің жұмысына әсер ету себептерін зерттеп бүйрек жұмысына әсер ететін факторларды түсіндіре алса.

 Тілдік мақсаттар

Пәнге қатысты лексика мен терминология

Антидиуретикалық гормон, несеп концентрациясы, диета, жоғары қан қысымы, диабет, бүйрек тасы, инфекция, бүйрек аурулары, қатерлі ісік, темекі шегу

Диалог құруға /жазылымға қажетті сөздер топтамасы

Қан шумақшаға түскен кезде болатын үдеріс…болып табылады

Сүзінді орталық иілгіш арнаға жеткенде болатын үдеріс...болып табылады

Ультрасүзгілеу үдерісінде қанда қалатын / қаннан жойылады молекулалар...болып табылады

Молекулалары ірі болғандықтан сүзілмейді…сондықтан олар

Энергияны талап ететін таңдамалы қайта абсорбцияға тартылған үдеріс аталады…

Дағдылар

Білу. Талдау, сыни ойлау және зерттеу дағдылары.

Құндылықтарды дарыту

Өмір бойы оқу, академиялық шындық, өзіне және өзгелерге құрмет, ашықтық.

Пәнаралық байланыстар

Химия: органикалық заттардың ыдырауы

АКТ қолдану дағдылары

Оқу үрдісін электрондық ресурстармен визуализациялау

Microsoft PowerPoint

Бастапқы білім

Қоректену: 7 және 8 сыныптар. 

Заттардың тасымалдануы: 7 және 8 сыныптар. 

Бөліп шығару: 7 және 8 сыныптар. 

Сабақ барысы

Сабақтағы жоспарланған іс-әрекет

1. Ой шақыру. Мұғалім оқушыларға несептің (жасанды) қаныққан және сұйытылған екі түрін көрсетеді. Олардан түсі бойынша ерекшеліктерін сұрайды. Оқушылардан күтілетін алғашқы жауаптар фильтрация мен іші ара реабсорбция үдерісінде байланысты болу мүмкін. Мұғалім оқушыларға сұрақтар қояды:

• нефронның қайсы иірім түтіктерінде несеп концентрациясы артады?
• Несеп концентрациясының артуына қандай гормон әсер етеді?
• бүйрек жұмысына тағы қандай факторлар әсер етеді?

Сұрақтарға жауап беру арқылы оқушылар ЖАДА-ын анықтайды.

2. Мұғалім оқушылармен бірге сабақ мақсаты мен жетістік критерийлерін қалыптастырады.

3. ADH (антидиуретикалық гормон) арқылы гормональды бақылау идеясын енгізу үшін несеп концентарциясын бүйрек қалай бақылайтынын сипаттау үшін оқушылар жұппен немесе жеке жұмыс жасайды. Ол үшін оларға мәтін таратылады. Өз бақылауларын дәптерге жазып алады.

4. (I) (F) Оқулылардың нені түсінгендіктерін анықтау үшін қысқа қалыптастырушы бағалау алынады

5. Ақпаратпен жұмыс. Оқушыларға бүйрекке әсер ететін факторлар туралы оқу ақпараты таратылады. Олар оқу ақпаратымен жеке оқып танысады.

6. Жұптық жұмыс. Оқушылар жұпта тапсырма орындайды. Мұғалім бүйрекке әсер ететін факторларды бөліп береді:

Бірінші жұп – «Диета»

Екінші жұп – «Су»

Үшінші жұп – «Диабет»

Төртінші жұп – «Жоғары қан қысымы»

Бесінші жұп – «Инфекция»

Алтыншы жұп – «Бүйрек тасы»

Оқушылар жұпта жұмыс істеу үшін позициялардың бірін таңдайды:

• таныстырылым;
• буклет;
• тұжырымдамалық карта;
• сызба;
• кесте;
• көрсетілім.

Жұптық жұмыс критерийлері:

• бүйрек жұмысына фактордың әсері;
• фактор әсерінің салдары;
• креативтілік

7. Жұптық жұмыс таныстырылым

Оқушылар таңдаған позициясын қолданып, орындаған жұптық жұмысты сыныптастарына таныстырады.

8. Жұптық жұмысты бағалау критерийлері

Барлық жұп бір-бірін критерийлер бойынша бағалайды. «Өте жақсы», «жақсы», «орташа» бағалау шкаласы қолданады, берген бағаны негіздейді.

Оқушылар арасында жұпаралық бағалау жүргіземін.

1- түсінбедім, 2- Түсіндім, бірақ қайталуым қажет

3- Өже жақсы түсіндім

Үй жұмысы:

Бүйреке әсер ететін оң және теріс жағдайды зерттейді.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Барлық оқушылар

бүйректің жұмысына әсер ететін факторларды сипаттайды

Оқушылардың көп бөлігі

бүйрекке әсер ететін факторлардың оң және теріс әсерін талдайды.

Кейбір оқушылар

адам организмі үшін бүйректің биологиялық қызметіне баға береді

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?