Қазақстанның экологиялық проблемалары. Биология, 8 сынып, сабақ жоспары.

Ұзақ мерзімді жоспар бөлімі: 8.4E Адам қызметінің қоршаған ортаға әсері

Мектеп:

Күні: ___

Мұғалімнің аты-жөні:

Сынып:

Қатысушылар саны:

Сабақтың тақырыбы

Қазақстанның экологиялық проблемалары (жаңа тақырыпты меңгерту)

Осы сабақ арқылы жүзеге асырылатын оқу мақсаттары

8.3.2.3 Қазақстан аумағындағы экологиялық проблемалардың туындау себептері мен оларды шешу жолдарын түсіндіру

 Сабақтың мақсаттары

• Қазақстандағы экологиялық проблемалардың туындау себептері мен шешу жолдарын түсіндіру

 Бағалау критерийлері

• Қазақстандағы экологиялық проблемалардың туындау себептері мен шешу жолдарын түсіндіру

 Тілдік мақсаттар

Оқушылар:

Тиісті пәндік терминологияны пайдалана отырып, Қазақстандағы экологиялық проблемалардың туындау себептері мен шешу жолдарын ауызша жазбаша түрде түсіндіре алады

Пәнге қатысты лексика мен терминология: Ормансыздану, шөлдену, радиация, батпақтану, ауа, су, топырақтың ластануы.

Диалог құруға /жазылымға қажетті сөздер топтамасы:

Ормансызданудың салдарынан...кемиді.

Судың ластануынан...,... мәселелері туындайды.

Егер де жылыжай эффектісі орын алса, онда..., ... жүреді.

Топырақ эрозиясының салдарынан...бұзылады.

Ауаның ластануы... жоғары.

Ауаның ластануының себептеріне...,...,...жатқызуға болады.

 Құндылықтарды дарыту

Оқу тапсырмасын орындау кезде қоғамдық өмірге дайын болу, өзін бақылауда ұстай білу, бәсекеге қабілетті бола білу құндылықтары дамытылады.

Жазбаша жұмыстар арқылы академиялық шыншылдық, нақтылық, өзін өзі реттей білу құндылықтары дамытылады.

Ауызша жұмыстар арқылы ойды реттей білу, сенімділік, дәлелдерді қолдана білу құндылықтары дамытылады.

Таныстырылым кезінде өзіне деген сенімділік, талдау жасау, ойды жинақтау, идеяларды үйлестіру тыңдаушылармен байланыс орнату құндылықтары дамытылады.

Жеке жұмыс кезінде өзіне деген сенімділік, өзін-өзі көрсету құндылықтары дамытылады.

Топтық немесе жұптық жұмыс кезінде ортақ іс атқаруда ынтымақтастықта бола білу, жаһандық азаматтық, өз оқуына жауапкершілікпен қарау, сынға алу, ортақ пайдалану құндылықтары дамытылады.

 Пәнаралық байланыс

Топырақ пен ауа құрамындағы газдар концентрациясы, топырақ пен судың қышқылдануы туралы түсініктерді қарастыру арқылы химия, ауа температурасының өзгеруі, газдар диффузиясы, жылу ағыны туралы түсініктер арқылы физика, ауа, су, топырақтың ластануы және парниктік газдардың бөлінуінің салдары туралы қарастырғанда география пәнімен байланыс орнатылады.

Алдыңғы білім

Оқушылар 7-сыныптан экологиялық факторларды, адам іс-әрекетінің қоршаған ортаға тигізетін әсерлерін, антропогендік факторларды, тірі ағзаларды қорғау шаралары туралы біледі.

Сабақ барысы

Сабақ қезеңдері

Жоспарланған іс-әрекеттер

Сабақтың басы

0-5 мин

Сабақтың тақырыбын ашу үшін оқушыларға әлемдегі экологиялық проблемалардың тізімін құру тапсырмасы беріледі. Оқушылардың құрған тізімдерін оқытып, толықтыра отырып тек қазақстанға қатысты қандай экологиялық проблемалар бар деп сұрай отырып, мұғалім сабақтың тақырыбы мен мақсаты, бағалау критерийлерін оқушылармен бірге талқылап жариялайды.

Сабақтың ортасы

Оқушыларға мұғалім шағын зерттеу жүргізуді тапсырады. Оқушылар қазақстандағы экологиялық проблемалардың туындау себептерін анықтап, алдын алу жолдарын ұсынады.

Оқушылар ақпарат парақшалары, видеоматериалдар сияқты әртүрлі қолжетімді ресурстарды пайдалана алады.

Оқушылар бұл жұмысты шағын жұптарда немесе топтарда орындай алады.

Зерттеудің нәтижесі «Қоршаған ортаны сақтайық!» тақырыбындағы үндеу түрінде рәсімделеді. Оқушылар өздері жасаған үндеуде бір экологиялық проблеманың нақты шешу жолдарын ұсынады.

Мұғалім оқушылардың жұмысына бағыт сілтеп, тиісті кері байланысты ұсынады.

Зерттеудің соңында оқушылар жасаған үндеулерімен таныстырып, сынып қабырғасына іліп қояды.

Оқушылар жасаған үндеулеріне сай өз өлкесінде жақын арада не жасауға болатынын талқылап, экологиялық жағдайды жақсартуға бағытталған бір іс-шараны ұйымдастыру жөнінде талқылап, жұмысты ұйымдастырады.

Сабақтың соңы

Кері байланыс

Бүгінгі сабақтан мен үшін ...маңызды болды

Алдағы уақытта мен...жасаймын

деген бағыттарда қорытынды пікірлерін айтады.

Қосымша ақпарат

Дифференциалды оқыту – Көбірек қолдау көрсету үшін не істейсіз? Қабілеті жоғары оқушыларға қандай міндеттер қоюды жоспарлайсыз?

Оқушыларға ресурстың әртүрлі түрлерін ұсыну арқылы

Оқушылардың өз бетінше зерттеулер жүргізулері арқылы

Оқушылардың зерттеу барысындағы талқылаулары мен мұғалім тарапынан қойылатын сұрақтардың күрделілігі арқылы

Оқушылардың зерттеу жұмыстарын өздері қалаған формада рәсімдеулері арқылы

Бағалау – оқушылардың берілген материалды меңгеру деңгейін қалай тексересіз?

Ауызша сұрақ-жауаптар арқылы

Зерттеу нәтижесімен таныстыру арқылы

Жазбаша жұмыстар арқылы

Денсаулықты сақтау және қауіпсіздік ережелері

Сабақ барысында биология кабинетіндегі қауіпсіздік ережелерін сақтау.

Зерттеу жұмысы кезінде белсенді қозғалыс жасайды