Азық-түлік құрамындағы С дәруменің анықтау. Биология, 8 сынып, сабақ жоспары.

Ұзақ мерзімді жоспар бөлімі:

8.1D Қоректену

Мектеп:

Күні: ___

Мұғалімнің аты-жөні:

Сынып:

Қатыспағандар:

Сабақтың тақырыбы

Азық-түлік құрамындағы С дәруменің анықтау

(зертханалық жұмыс)

Осы сабақ арқылы жүзеге асырылатын оқу мақсаттары

8.1.2.7 - азық – түлік құрамындағы С дәруменін анықтау

 Сабақтың мақсаты

• азық – түлік құрамындағы С дәруменін анықтау

Бағалау критерийлері

• Жұмыстың мақсатын құрады;
• Түрлі шырын үлгілеріндегі С дәруменінің мөлшері туралы болжам жасайды;
• Көкөністер мен жемістердің құрамында С дәруменінің болуын анықтайды;
• Деректерді дұрыс жинай алады;
• Деректерді өңдей алады;
• Нәтижені көрсете алады
• Нәтижеге талдау жасай алады;
• Қорытынды жасайды.

 Тілдік мақсаттар

Оқушылар:

С дәруменінің азық-түлік құрамында кездесуін анықтау барысында деректермен жұмыс жасау, график тұрғызу, талдау жасауды жазбаша орындайды.

С дәруменінің маңызы, түрлі үлгілерде кездесу мөлшері туралы ауызша талқылаулар жасайды.

Пәнге қатысты лексика мен терминология

С дәрумені, йодометрия әдісі

Диалог құруға /жазылымға қажетті сөздер топтамасы

С дәрумені...құрамында көп, себебі...

Йод тамшысының саны ... болғандықтан ерітінді түсі... боялды.

С дәруменінің мөлшері... аз, себебі...

Құндылықтарды дарыту

Оқу тапсырмасын орындау кезде қоғамдық өмірге дайын болу, өзін бақылауда ұстай білу, бәсекеге қабілетті бола білу құндылықтары дамытылады.

Жазбаша жұмыстар арқылы академиялық шыншылдық, нақтылық, өзін өзі реттей білу құндылықтары дамытылады.

Ауызша жұмыстар арқылы ойды реттей білу, сенімділік, дәлелдерді қолдана білу құндылықтары дамытылады.

Жеке жұмыс кезінде өзіне деген сенімділік, өзін-өзі көрсету, құндылықтары дамытылады.

Топтық жұмыс кезінде ортақ іс атқаруда ынтымақтастықта бола білу, жаһандық азаматтық, өз оқуына жауапкершілікпен қарау, сынға алу, ортақ пайдалану құндылықтары дамытылады.

Практикалық жұмыс кезінде түрлі манипуляцияларды меңгеру, дұрыс таңдау жасау, жобалау, бағалау, сыни ойлау, сынды қабылдау, сыни пікір айта білу, өз ісіне берілу құндылықтары дамытылады.

Пәнаралық байланыс

С дәруменін анықтауда химиялық ерітінділердің қолданылуы және йодометрия әдісінің қолданысы арқылы химия пәнімен байланысады.

Алдыңғы білім

Оқушылар 5-сыныптың «Жаратылыстану» пәні бойынша қоректенудің тірі ағзалардың басты қасиеттерінің бірі екенін,7-сыныптан әртүрлі ағзалардың қоректену типтері, азық-түлік өнімдерін органикалық заттардың болуына тестілеуді біледі.

Сабақ барысы

Сабақ қезеңдері

Жоспарланған іс-әрекеттер

Оқыту көздері мен ресурстар

Сабақтың басы

0-3 мин

Тақырыптың өзектілігін ашу үшін оқушыларға азық-түлік өнімдерін құрамындағы С дәруменінің мөлшерін болжау тапсырмасы ұсынылады. Азық-түлік өнімі РРТ –да көрсетіледі, оқушылар ондағы С дәруменнің мөлшері көп деп ойласа орыннан тұрады. «Аз» деп ойласа орнында қалады. Оқушылардан жауаптарын негіздеу сұралады. Бұл тек болжам, ал ғылыми тұрғыда оны қалай дәлелдеуге болады екен деп жаңа тақырып таныстырылады. Бұл тапсырма зертханалық жұмыстың болжамын жасауға көмектеседі

Бағалау критерийлері талданады.

1-7слайд

Сабақтың ортасы

Мұғалім оқушыларға қауіпсіздік техникасының ережелерін сақтау жөнінде нұсқаулықтар береді.

Зертханалық жұмысты бастамас бұрын оқушылардан қолданылатын құрал-жабдықтармен танысу сұралады.

Осы құрал-жабдықтардың қайсысы қандай қатер көзі бола алады деп, қауіпсіздікті талдау қажет. Мысалы, оқушылар йод ерітіндісін атап, ол көзді тітіркендіруі мүмкін десе, оны төгіп алса киімді бүлдіреді дегенді, сынауықты атаса оның қауіптілігі орташа, сындырып алған жағдайда сынықтарын қолмен ұстамау қажет деген сияқты толықтыра отырып, кейбір қатер көздерін оқушыларға толтыру тапсырылады.

Бюреткамен жұмыс бірінші рет жасалатын болғандықтан онымен жұмыс жасауды түсіндіру үшін көрсету қажет.

Жұмыс барысын мұқият оқып шығу тапсырылады.

Жұмыс барысы түсініксіз болған жағдайда видеоматериалды көр сетуге болады.

Әсіресе есептеу жолдарына тоқталу жөн.

«Азық-түліктің құрамындағы С дәруменінің мөлшерін анықтау» зертханалық жұмысын орындау тапсырмасы ұсынылады. Оқушылар алдымен азық-түлік өнімдерінен ерітінділер дайындайды. Осы ерітінділерді йодометрия әдісімен С дәруменінің болуына тестілейді. Нәтижені кестеге толтырады. Алынған деректерді формуланы пайдалана отырып, есептеп, өңдейді.

• Қорытындылар талданады.

Дәрумендерге байланысты қосымша тапсырмаларды орындау ұсынылады.

Сабақтың соңы

Кері байланыс

• Бүгін не білдім……….
• Қызықты болған ақпарат...........
• Қиын болды...........
• Өмірде ...қолданамын.

Үй жұмысы:

С дәрумені, оның әртүрлі азық-түлік құрамындағы мөлшері туралы ақпаратты оқу

14-15 слайд

1-қосымша

Қосымша ақпарат

Дифференциалды оқыту – Көбірек қолдау көрсету үшін не істейсіз? Қабілеті жоғары оқушыларға қандай міндеттер қоюды жоспарлайсыз?

Саралау үшін кейбір оқушыларға өз нәтижелерін сыныптастарының нәтижелерімен салыстырып, талдау жасау, басқа шырындарды тестілеу ұсынылады.

Бағалау – оқушылардың берілген материалды меңгеру деңгейін қалай тексересіз?

Жеке жұмысты бағалау

Оқушының дербес жұмыс жасауы, көздеген нәтижеге қол жеткізуі

• Жұмыстың мақсатын құруы;
• Түрлі шырын үлгілеріндегі С дәруменінің мөлшері туралы болжам жасауы;
• Көкөністер мен жемістердің құрамында С витаминінің болуын анықтай алуы;
• Деректерді дұрыс жинай алуы;
• Деректерді өңдей алуы;
• Нәтижені көрсете алуы
• Нәтижеге талдау жасай алуы;
• Қорытынды жасауы.

Денсаулықты сақтау және қауіпсіздік ережелері

Сабақ барысында биология кабинетіндегі қауіпсіздік ережелерін сақтау.

Партада дұрыс отыруына назар аудару.

Жұмыс барысында қауіпсіздік техникасының ережелерін сақтау.

Бұл жұмыс үшін халат киіп, оның түймелерін толығымен салу сұралады. Себебі киім бүліну қалуы мүмкін. Қолға қолғап кию маңызды, себебі кейбір ерітінділер қауіпті. Көзді тітіркендіретін ерітінділер қолданылатындықтан көзілдірік кию маңызды.

Зертханалық жұмысты орындау кезінде оқушылар белсенді қимыл-қозғалыста болады.