Дихотомиялық әдіс. Дихотомиялық кілттер. Биология, 7 сынып, сабақ жоспары.

Мектеп: ХХБ НЗМ Өскемен

Мұғалімнің аты-жөні: Токтарбекова А.Т.

Қатысқандар саны: 12

Қатыспағандар саны: 0

Дихотомиялық әдіс. Дихотомиялық кілттер.

• 7.1.1.4  белгілі бір ағзаларға қарапайым дихотомиялық кілттерді құрастыру.

• ағзаларға қарапайым дихотомиялық кілттерді меңгеру.

Егер төмендегі жетістік критерийлерін орындаса, оқушы оқу мақсатына жетеді:

• белгілі бір ағзаларға дихотомиялық кілт құрастырады;
• омыртқасыз жануарларға дихотомиялық кілт құрастыра алады;
• омыртқалы жануарларға дихотомиялық кілт құрастыра алады.

• ағзалардың сыртқы ерекшеліктерін анықтайды және ауызша сипаттайды, бұл білімдерін дихотомиялық кілттерді құрастыруда жазбаша қолдана алады.

Пәнге қатысты лексика мен терминология: дихотомиялық кілт, дихотомиялық әдіс.

Диалог құруға /жазылымға қажетті сөздер топтамасы ..................... ............. - өсімдіктер мен жануарлардың өздеріне тән белгілерін анықтайтын сатыдан тұратын кесте. Өсімдіктер мен жануарлардың ..............., .........................., ..........................., ................, ......................, ........................ ерекшеліктері арқылы анықтайды.

Топтық жұмыс арқылы ұйымшылдық, бір-бірін тыңдау құндылықтарын, жұптық жұмыс арқылы адамгершілікті, сыйластықты, жеке жұмыстар арқылы функционалды сауаттылықты дамыту.

Ағылшын тілі. Сабақтың бастапқы кезеңінде үш тілде терминдермен жұмыс жасалады. Сабақ барысында дихотомиялық кілт құруға берілген жануарларды үш тілде атайды.

Интерактивті тақта, сабақтың тақырыбын, мақсатын, жетістік критерийлерін, тақырыпқа байланысты ақпараттарды талдау барысында презентация қолданылады.

Оқушылар «жіктеу», «тірі табиғат патшалықтары», «омыртқалы және омыртқасыз жануарлар» (5-сынып) ұғымдарына анықтама бере алады

Сабақ барысы

Сабақтағы жоспарланған іс-әрекеттер

- Ұйымдастыру. Сәлемдесу. Оқушыларды сабаққа жұмылдыру. Оқушылардың көңіл-күйін саусақтары арқылы анықтау.

Әр түрлі формадағы стикерлер арқылы оқушыларды топқа бөлу. (Топқа бөлуде әр сыныптың ерекшелігіне байланысты мұғалім өзі де отырғыза алады)

Презентация 1-де берілген ребусты шешу арқылы тақырыпты, сабақтың мақсатын анықтау.

• /Т/ Дихотомиялық кілт туралы мұғалімнің оқушыларға түсінік беруі. Үш тілде терминдермен жұмыс жасалады.
• Дихотомиялық кілтті түсіндіруде мысал келтіру.
• Жануарлар дүниесінде омыртқасыздар мен омыртқалыларды айқындайтын дихотомиялық кілт мысалы көрсетіледі. Қосымша 1.
• /Тж/ Дихотомиялық кілтті пайдалануға байланысты тапсырмалар.

Оқушылардың алдына сулы препараттар, құрбақа мен көлбақасының суреттері таратылады. Осы екі түрдің сыртқы құрылысындағы ерекшеліктерді оқушылар постер құрып қорғайды. «Галереяны шарлау» стратегиясы қолданылады. Әр топтағы оқушылар өз постерлерін сыныптың әр түрлі аймағына орналастырып, кезекпен басқа топтардың жұмыстарын аралап талдай алады.

• /Жж/ Оқушылар жұпта омыртқалы және омыртқасыз жануарларды жүйелік топқа бөлу үшін дихотомиялық кілт құрастырады.

Ұсынылатын жануарлар: тоспаұлу, қоңыр аю.

• /Ж/ Қалыптастырушы бағалау тапсырмасы. Қосымша 2.

Рефлексия

• Дихотомиялық кілт туралы түсінік қалыптасты ма?
• Сабақта сен үшін не қиын болды?
• Сабақ барысында қай тапсырманы орындау жеңіл болды?

Саралау–оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Қабілеті жоғары оқушылар:

• Топта ұйымдастыру жұмыстарын өз мойнына алады;
• Сабақ бойындағы тапсырмалар оқушылардың ойын қозғауға, дамытуға арналады.
• Дихотомиялық кілттерге жіктей алады.

Қабілеті орта оқушылар:

• Топтық жұмыста өз ойын ашық айта алады;
• Дихотомиялық кілт құра алады;

Қабілеті төмен оқушылар:

• Мұғалімнің қолдауы;
• Дихотомиялық кілт құруда мұғалімнің қолдауына жүгінеді.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қолжеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға:

Сабақтың жақсы өткен екі аспектісі (оқыту туралы да, оқу туралы да ойланыңыз)?

Сабақты жақсартуға не ықпал ете алады (оқыту туралы да, оқу туралы да ойланыңыз)?

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?